“ဒါပေမဲ့ အခုချက်ချင်းတော့ ဖျက်သိမ်းလို့မရသေးဘူး.. ပါဝင်ပစ္စည်းတချို့ လိုအပ်နေသေးလို့..”
ရွှယ်ယို့ရှန်းအနေနဲ့ စာချုပ်ကို ချက်ချင်း မဖျက်သိမ်းပေးချင်လို့ မဟုတ်ပါဘူး။ သူ ဘယ်လိုလုပ်ရမှန်း မသိသေးရုံပဲ။ ပိုဆိုးတာက သူပြောလိုက်တဲ့ နည်းလမ်းက အောင်မြင်လိမ့်မယ်လို့ သူကိုယ်တိုင်တောင် အာမ,မခံနိုင်သေးဘူးလေ။ ဒါပေမဲ့ လက်ရှိအခြေအနေကို ဖြေရှင်းချင်ရင် ရှိသမျှနည်းလမ်းအကုန် ထုတ်သုံးရတော့မှာပဲ..!
“ကျွန်တော်ပြောခဲ့သမျှ အမှန်တွေချည်းပဲဆိုတာ ကျွန်တော် ကျိန်ရဲပါတယ်.. ခင်ဗျားသာ ပါဝင်ပစ္စည်းတွေ ရှာပေးနိုင်မယ်ဆို ကျွန်တော် သခင်-အစေခံစာချုပ်ကို ပယ်ဖျက်နိုင်လိမ့်မယ်..”
တကယ်လို့ ရင်းဆုယဲ့သာ သူ့ကို မဖမ်းချုပ်ထားဘူးဆိုရင် ချက်ချင်း လက်ထောင်ပြီး ရှက်ဖို့ကောင်းအောင် ကျိန်ဆိုပြလိုက်ပြီ။ စာချုပ်ကို ပယ်ဖျက်နိုင်တဲ့ နည်းလမ်းက ရှိပေမယ့် တန်ဖိုးကြီးကြီးမားမား ပြန်ပေးဆပ်ရလိမ့်မယ်။
ဒါက အဓိကအချက်မဟုတ်သေးဘူး။ ပိုပြီးအရေးကြီးတာက ‘ရာဇဝင်ထဲက အင်အားအကြီးဆုံးအရှင်သခင်’ ဝတ္ထုထဲ သူ မကူးပြောင်းလာခင်အထိ အခုပြောခဲ့တာတွေကို ချပြဖို့မပြောနဲ့၊ သဲလွန်စတောင် မဖော်ပြခဲ့ရသေးဘူး။ သူ့ဝတ္ထုရဲ့ စာမူကြမ်းထဲမှာပဲ ရေးမှတ်ထားရသေးတာ။
ဇာတ်လမ်းအရ အဓိကဇာတ်ကောင်ကို အမျိုးမျိုးသော အခက်အခဲတွေ ရင်ဆိုင်ကျော်လွှားနိုင်ဖို့ရာအတွက် ဇာတ်ကွက်တစ်ခု ဖန်တီးပေးဖို့ စီစဉ်ထားခဲ့တယ်။ အဓိကဇာတ်ကောင်က သခင်-အစေခံစာချုပ် အတင်းအကျပ် ချုပ်ဆိုခံလိုက်ရတဲ့ မိန်းကလေးတစ်ယောက်ကို ကူညီပေးရလိမ့်မယ်။
အဲ့ကိစ္စတွေပြီးရင်တော့ အဓိကဇာတ်ကောင်အနေနဲ့ မိန်းမလှလေးကို ပိုင်ဆိုင်နိုင်လိမ့်မယ်။ ဒါပေမဲ့ ဇာတ်ကွက်တွေကို မချပြရသေးတော့ နည်းလမ်းကိုလည်း တရားဝင် မရေးသားရသေးဘူး။ အဲ့တာကြောင့် ရွှယ်ယို့ရှန်းက ကိုယ့်ကိုယ်ကို ယုံကြည်ချက်မရှိ ဖြစ်နေခဲ့လေတယ်။
“ငါယုံမယ်လို့ မင်းထင်နေတာလား..?”
ရင်းဆုယဲ့က နည်းနည်းလေးတောင် မလှုပ်ရှားခဲ့ဘူး။ ချဉ်းကပ်လာတဲ့ ဝံပုလွေတွေကို စိုက်ကြည့်နေရင်း မုန်းတီးစွာ သတိပေးလိုက်တယ်။
YOU ARE READING
ဝိဉာဉ်ကူးပြောင်းခဲ့ပြီးနောက် သောက်တလွဲတွေဖြစ်ကုန်ပြီ!
Fantasyဝိဉာဥ္ကူးေျပာင္းခဲ့ၿပီးေနာက္ ေသာက္တလြဲေတြ ျဖစ္ကုန္ၿပီ..! ... သူလုပ်ခဲ့မိသမျှထဲက အဆိုးဆုံးတစ်ခုကို ပြောပါဆိုရင် -'ရာဇဝင်ထဲက အင်အားအကြီးဆုံးအရှင်' ဆိုတဲ့ဝတ္ထုကို ရေးခဲ့မိတာပဲ... သူ့ဆီမှာ ဖြစ်ပျက်သမျှတွေထဲက ကံအဆိုးဆိုးတစ်ခုကို ပြောပါဆိုရင်တော့ -သူရေးခဲ...
