The Husband [ COMPLEDED ]

YOU ARE READING

Teen Fiction

Paring - CHANBAEK Language - Burmese ___________________________________ Waring : It has a lot of mutual contacts of smuts. Read at your own risk !!

#btob #chanbaek #ministories #omegaverse #yaoi

- Bonus -

Start from the beginning

by Misaki_CB

မပိုင်ဆိုင်ရသေးတော့လည်း ချန်းယောလ်၏ ဘဝက မီးဖိုချောင်ထဲချက်ထားတဲ့ဟင်းကိုပါပါးမသိအောင်ခိုးစားနေရသလို အလားသဏ္ဌာန်တူလှ၏။

" ယောလ်ရဲ့ ဧည့်သည်လား "

အယ်ရီကာသည် ခြံဝမှာရပ်နေသည့်လူနှစ်ယောက်၏ရှေ့မှောက်သို့ရောက်လာပြီး ဘမ်ဘီဟု သူ့ကိုယ်သူသုံးနှုန်းသည့် ကောင်လေးကိုကြည့်လိုက်၊ တစ်ဖန်သူ၏ချစ်သူယောလ်ကိုကြည့်လိုက်ဖြင့် စတင်မေးခွန်းထုတ်ပါတော့သည်။

" ကိုယ့်အသိမိတ်ဆွေပါ "

ယောလ်၏ဖြေကြားမှုကြောင့်သာ အယ်ရီကာဖြစ်သလိုခေါင်းညိတ်ပြလိုက်ရပေမယ့် ချန်းယောလ်ကို မထီမဲ့မြင်ပုံစံဖြင့်စိုက်ကြည့်နေတဲ့ဘမ်ဘီ့ဆိုသူ၏ မျက်ဝန်းတွေကိုတော့သူမနှစ်မြို့ပေ။

မသိစိတ်က ပြဿနာတွေသယ်လာပေးမယ့် ကောင်လေးလိုပဲ သတ်မှတ်နေမိတာခက်သည်။

" ယောလ်ရဲ့ မိတ်ဆွေဆိုလည်း အိမ်ထဲဝင်ပြီးညစာ စားသွားပါဦးလား "

" အယ်ရီကာ "

ချန်းယောလ်ထံမှ အနည်းငယ်တုန်လှုပ်သွားဟန်ရှိသော အသံတို့တစွန်းတစထွက်ပေါ်လာပြီး ဘမ်ဘီ့ဆိုသူထံမှ မခို့တရို့လေးထွက်လာတဲ့ရယ်သံယဲ့ယဲ့လေးကြောင့် အယ်ရီကာမျက်ခုံးလှုပ်သွားရသည်။

" ဟဲဟဲ .. အမှန်တိုင်းပြောရရင်ကျွန်တော်ဘာမှမစားရသေးဘူး "

" ဒါဆို တစ်ခါတည်းစားသွားမလား "

" ဘမ်ဘီက အစားကြီးတယ်နော်။အစ်ကိုလေးကျွေးနိုင်မှာမလို့လား "

အယ်ရီကာသည် ထူးဆန်းသောအပြုအမှုတွေနှင့် စကားကိုမရင်းနှီးသလိုအတင်းဟန် ဆောင်ပြီးပြောနေသော လေယူလေသိမ်းတွေကိုနားထောင်ရင်းအကဲခတ်နေရသည်။

စကားသံတွေကသာ သူစိမ်းဆန်သလိုဖြစ်နေပေမယ့် တစ်ယောက်နဲ့တစ်ယောက်ကြည့်တဲ့အကြည့်တွေကတော့ ပညာသားပါပါနှင့်အ ထာကျနေသလိုမျိုးဖြစ်နေသည်။

" ကဲပါ.. အိမ်ထဲအရင်ဝင်ရအောင်လေ။အ ပြင်မှာက အေးလည်းအေးတယ် "

အယ်ရီကာ့၏စကားကြောင့် ချန်းယောလ်ရှေ့ကဘမ်ဘီ့ထံကိုကားသော့ပေးဖို့ရာလက်ဖြန့်တောင်းလိုက်သည်။