زواج مزيف

البارت السادس

سيلا بضيق:بعد ماتركتني روحت وقفت في الشرفه فنظرت لاسفل فكان قاعد هو ومراد واتنهدت اوف معقول بقيت انانيه زي ماقالت اوووف اعمل ايه اوافق ولاارفض فضلت قعده بفكر قطع شرودي دخوله الغرفه
مالك:تتحسدي من الصبح مطلعتيش من الغرفه مش غريبه ديه،ولا ده عشان كلامنا الصبح هاا قررتي ايه
سيلا بتنهد:مش عارفه يامالك بس..
مالك:عادي ولا يهمك ياسيلا كان ممكن تقولي قرارك بأنه لا من الاول ومكنتش هقولك حاجه عمتا تصبحي علي خير واتجهت لسرير وقفلت الاضاءه
سيلا:اوف اتجهت لسرير ونمت علي الطرف التاني وبصيت عليه كان مديني ضهره فرجعت بصيت لسقف ياترا انهي طريق الاصح وفضلت افكر في حاجات مختلطه بين الماضي والحاضر لحد ماغفوت من التعب فوقت علي صوت مش غريب عليا بس انا مش في البيت أنا فين كان مكان غريب شبه المتاهه واقفه عند مفترق طريقين أنا ايه جابني هنا رجع الصوت تاني عرفته ده صوت بابا مكنتش مصدقه نفسي انت فين يابابا وحشتني كتير متسبنيش لوحدي انا خايفه وتايهه معرفش انا فين
صوت احمد:اهدي ياسيلا أنا جنبك علطول ومعاكي وعمري ماسيبتك حته لومش شيفاني امشي ورا صوتي وانتي هتطلعي من المتاهه ديه
سيلا بخوف:اتبعت صوته واتجهت لاحدي الطرق وفضلت ماشيه وبعدين بقيت بجري ورا الصوت لأن الطريق ضلمه لحد ماوصلت لآخر الطريق فلقيت مكان بيطل علي بحيره أنا بعمل ايه هنا بابا انت فين
صوت احمد:انتي وصلتي ياسيلا وطلعتي من المتاهه اللي كنتي فيها بس انتي مصممه متشوفيش ده
سيلا:أنا مش فاهمه حاجه وتعبت ليه متخدنيش معاك لقيته ظهر من بعيد بابا ارجوك متسبنيش تاني أنا مفتقداك ومفتقده دفئ حضنك وحنانك وجودي في عالم انت مش فيه ملهوش لازمه
احمد:مش صح ياسيلا قدامك حاجات كتير تعمليها وحياه كبيره تعشيها لسه مجاش الوقت اللي نتقابل فيه ياسيلا انتي تائهه وانا هوريكي الطريق الصح وانتي استنتجي الباقي أو كملي فيه يأما هترجعي لتوهه والضلمه تاني وهبقي صعب انقذك منه وقربت منها ومسكت ايديها زي ماعلمتك وانتي صغيره المشي لاول مره وكنت اول ايد تمسكك لما تقعي هرشدك لطريق الصح
سيلا:فضلت ماسكه أيده وببصله فكم اشتاق اليه كثيرا ولايجمعني به إلا صور وذكريات لتصبرني قليلا علي اشتياقي له بس قطع شرودي ان لقيته وقف في مكان قرب البحيره وبه أشجار وزهور تعتبر حديقه ولقيت شخص آخر يعطي ظهره لنا وشاورلي ناحيته فااتجهت بفضول لشخص ده قربت منه وحطيت ايدي علي كتفه فلف فلقيته مالك فبعدت خطوتين وتسارعت انفاسي ونبضات قلبي وبصيت لخلف فرأيته مبتسم وابتدي يبعد لااااا بابااااا متسبنيش تاني لاااا وقومت مفزوعه من النوم فكنت بغرفتي
مالك:صحيت اثر صوتها سيلا اهدي هااا ده مجرد كابوس وانتهي وجبت مايه من جنبي اشربي هاا هديتي لقيتها انفجرت في البكاء سيلا قربت منها وخدتها في حضني فلقيتها تمسكت بي اكتر فمسحت علي خصلات شعرها اهدي
سيلا بدموع:هو أنا شوفته وسبني تاني قولتله كتير انو ميسبنيش وانو وحشني بس سابني بقي مليش حد من بعده
مالك:ششش اهدي ياسيلا كلنا معاكي انتي مش لوحدك فضلت امسح علي خصلات شعرها لحد ماهديت مع الوقت ونامت جيت ارجعها مكانها لقتها متشبثه بهدومي فتركتها ونمت وهي بحضني علي نفس الوضعية
                         ✨✨✨✨
تاني يوم الصبح،لارا بصدمه:ايه ده يالينا انتي
لينا:ششش اسكتي يافضيحه مش قائله لماما وهي مش شيفاها
لارا:مين عمل فيكي كده وانا اجبلك حقك
لينا:اهدي يالارا انا السبب نوعا ما هقولك بس متنفعليش وحكتلها اللي حصل
لارا بضيق:اوف مكنش المفروض مراد يكدب عليا وميقوليش الحقيقه
لينا:كويس انو مقالش اصلا الموضوع عدي علي خير بسيطه دول تلت غرز يعني
لارا بعصبيه:هو ايه اللي بسيطه يابارده انتي متخيله انك كنتي ممكن تموتي يالينا
لينا:ماتهدي بقي يالارا منا زي القرد قدامك اهو سيبك بقي اخبار سيلا ايه عشان مش عارفه الفتره ديه اشوفها
لارا:كنت عندها امبارح وطلعتني عن شعوري برضو مانتوا اخوات واضح
لينا بضحك:يابنتي أنا عملتلك حاجه ده انا مفيش حيل اعمل اصلا😂 عمتا ايه اتخانقت مع مالك
لارا:ياريت اتخانقت معاه أنا هقولك اللي هي عملته
وحكتلها مش مجنونه بزمتك
لينا بعفوية:هي مش مجنونه ولاانانيه يالارا انتي بصه لموضوع من وجهه نظرك وبس سيلا بعد حوار جوازها وفشله الموضوع كان صعب عليها فبقت بتخاف تاخد قرار فتفشل ويتأذي اللي حواليها بسببها كان المفروض تتكلمي معاها بهدوء
لارا:اه منا بكلم مين دكتوره نفسيه يارب صبرني،اللي حصل يالينا حسيت أن الهدوء مش هينفع معاها
لينا بسخريه:علي أساس دبشك هو اللي هينفع يعني هشوف انهارده بليل احاول اروحلها ويارب ميكونش موجود
لارا بضحك:شكلك بتكلمي علي مراد يابنتي واللهي الواد كويس😂
لينا:اه جدا ده انا بعد اللي حصلي وتعبانه وفضل يلومني مفيش ذره انسانيه😒
لارا بضحك:ربنا يديم القبول بينكم حسه في مره هتقتلوا بعض😂
لينا:هيحصل يوما ما لاتقلقي😌
                          ✨✨✨✨
مالك:ابتديت افتح جغوني ببطئ فنظرت إليها لقتها نائمه علي نفس وضع امبارح راسها علي صدري وهي بحضني بالكامل شردت بملامحها وهي نائمه جميله وابعدت خصلات شعرها عن وجهها أنا بعمل ايه فوق يامالك ابعدتها عني بهدوء وحطيت راسها علي المخده وقومت اتجهت لدولاب طلعت هدوم واتجهت لحمام خدت شاور وبدلت هدومي واتجهت لخارج فلقيت مروان قدامي مش يلا اتاخرنا
مروان بضحك:انت اللي مواعيدك باظت يامالك واضح أن الجواز بيغير كتير😂 لقيته خبطني
مالك:اخرس يامروان
مروان بعفوية:طيب خلاص هسكت بس هو مش قولت أن سيلا هتنضم معانا
مالك بتنهد:موافقتش وانا مش هجبرها علي حاجه عادي ندور علي حل تاني مش ازمه يلا واتجهنا لشركه بعد فتره وصلنا مروان اجمعلي الموظفين هعمل اجتماع بعد ساعه ولازم الكل يكون حاضر عشان نشوف حل يامروان
مروان:تمام
مالك:واتجهت لمكتبي ظبطت شويه حاجات لحد ماجيه الوقت فاتجهت لقاعه وقعدت طبعا انتوا متعرفوش أنا عامل الاجتماع ليه بس ضروري تعرفوا أن الشركه ديه هتنفصل عن الشركه الكبيره لظروف معينه مش هندخل فيها المهم أن ناتج الانفصال ده الشركه ديه هتضعف شويه وهنتعرض لخسائر فلو حد عنده افكار تقدر تفيد الشركه
موظف:بس كده يابشمهندس هنتعرض لخسائر ماليه كمان يعني الموضوع محتاج أفكار مختلفه وشغل اكتر عشان الوضع يتحسن
مالك بتنهد:لاسف أنا عارف ده وهعمل كل اللي في وسعي عشان تبقي الشركه افضل واحسن من وضعها الحالي بس طبعا ده مش هيحصل من غير دعمكم قطع كلامي دخولها فاجئه سيلا
السكرتيره:اسفه يااستاذ مالك مدام سيلا دخلت بالعافيه رغم أن منعتها وقولتلها انك عندك اجتماع وتستناك في مكتبك
مالك بنفاذ صبر:عن اذنكم عشر دقائق وارجع وشديتها من أيدها لخارج واتجهت لمكتبي وقفلت الباب ورايا سيلا انتي بتعملي ايه شايفه المكان هنا البيت عشان تدخلي كده او تيجي وقت ماتحبي كان ممكن تستنيني في مكتبي بس ازاي متبقيش سيلا خير جايه تعملي ايه هنا
سيلا:قربت منه أنا عارفه أن هنا شركه مش البيت علفكره ودخلت كده لان عايزه اتكلم معاك في حاجه تخص الشغل مش جايه العب أنا موافقه علي عرضك يامالك أن اشتغل في الشركه هنا التصميمات علي مكتبك شوف حابب نبتدي بايه ونعدل فيه
مالك:وايه اللي خلاكي توافقي فاجئه بعد ماكنتي رافضه وترجعي بعد يومين تتراجعي تاني لأن شايفه انك مش هتقدري مش كده
سيلا بجديه:مستعده امضي عقد زي اي موظف هنا وهشيل موضوع اني مراتك أو قريبتك من الحوار بمانك مبتثقش في كلامي وكده تضمن أن مش هرجع في قراري وبالنسبه لموافقتي سببها ايه فمعتقدش الاجابه هتفرق معاك
مالك بجديه:حلو بس لومضيتي العقد وعاملتك زي اي موظف هنا مش هتقدري تمشي أو تتخلي عن الوظيفه قبل ٦شهور هتقدري تكملي في الطريق ده لفتره ديه ومتتراجعيش ياسيلا
سيلا بابتسامه:موافقه يامالك بس بشرط..
                       ✨✨✨✨
لينا بتذمر:اوف ياسيلا اوف مبتردش ديه ليه وصلت البيت واتجهت لداخل لوكانت مكتئبه وقفله موبايلها هولع فيها لم انتبه واصتدمت به جامد  ففقدت اتزاني وكدت اقع بس هو لحقني فكان محاوط خصري فتحت نص عين الاول وبعدين شردت في ملامحه ولون عينيه الزرقاء قطع شرودي صوته
مراد:بتعملي ايه هنا يامصيبه هانم
لينا:بعدت عنه وعدلت نضارتي كنت جايه لسيلا عشان الزفته مبتردش هي جوا مش كده
مراد بعفوية:لامش في البيت اصلا غالبا مع مالك بس هو مش المفروض أنا مديلك اجازه عشان ترتاحي في البيت والدكتور قالك راحه لفتره ومفيش فايده
لينا بضيق:مبحبش قعده البيت انا اوف بزهق قولت بمان موريش تدريب اجي اقعد مع سيلا شويه بس هي مش موجوده فهروح بقي اجيلها في وقت تاني ابقي قولها تكلمني
مراد:استنيها شويه هتكون جت ولوقتها تشربي ايه
ومش باخد رايك علفكره وقعدت وهي قدامي تشربي ايه
لينا بعفوية:عصير فراوله
مراد:تمام وانا هاخد قهوه بعد شويه جابتهم بمانك مبتحبيش الاجازه والراحه فارجعي علي المستشفي بكره بس عارفه لومسمعتيش كلامي تاني انتي حره ديه اخر فرصه ليكي يالينا
لينا بغيظ:ده بدل ماتقولي سلامتك حاضر عرفنا يادكتور مراد😒
مراد بعفوية:طالما مش في المستشفي بلاش رسميات قوليلي مراد وبس هنا
لينا:تمام يامراد عندي سؤال ليه عبدلله بيكره الدكاتره كده وهاجمني بالمنظر ده لما عرف اني دكتوره
مراد:كنت عارف انك هتسالي هقولك عشان ارضي فضولك لكن عقلك هيواديكي تعملي حاجه مش هيحصل خير عبدلله مريض وجوده اقدم من وجودي اصلا والدكتور اللي كان ماسك حالته كان بيتجه لجلسات كهرباء كتير مع كل نوبه بيتعرض ليها علي أساس كده يتحسن بس الموضوع جيه عليه بالسوء فبقي بيشوف الدكاتره ناس مؤذيه ووحشه وإن لازم يخلص عليهم عشان يرحم غيره منهم بيحتاج معامله خاصه وحذر
لينا:كنت بشرب العصير هو قتل أو اذي حد قبل كده غيري يعني
مراد:اه قتل الدكتور اللي كان بيعذبه واذي كذه حد في المستشفي وانتي منهم حالته صعبه مش سهله فلذلك هو قاعد لوحده لأن في أي نوبه ممكن يأذي اي حد حته لوقريب ليه
لينا بفضول:وايه اللي وصله لكده اكيد حاجه مش بسيطه وقبل مايتكلم قطع حديثنا دخول سيلا ومروان ومالك
سيلا بابتسامه:مش مصدقه نفسي لينا هنا شخصيا وقربت منها وحضنتها حبيبي اللي وحشني كتير ومختفي
مروان بضحك:اهدي علي البت ياسيلا هتفطسيها مش هتهرب يعني
سيلا بغيظ:اخرس يامروان وخبطه تعالي يابنتي نقعد في الاوضه براحتنا عشان مولعش فيهم هما التلاته
                         ✨✨✨
مراد:واضح أن فيه ناس ابتدت تتفق مع بعض ولاايه يامالك😉
مروان بضحك:اه واللهي نفس احساسي لدرجه ان مقدرش تبعد عنه فتره الشغل واقنعها تشتغل معانا في الشركه
مراد:واو الحقيقه اخبار حلوه قولنا بقي أثرت عليها ازاي لدرجه انها وافقت
مالك بتنهد:خلصتوا ياشباب دماغكم راحت بعيد علاقتي بسيلا متغيرتش زي ماهي ووجودها في الشركه مليش دعوه بيه ومعرفش الحقيقه وافقت ليه بعد ماكانت رافضه سالتها ومجاوبتش بس مسيري اعرف
مروان بسخرية:راح بدل مايستغل الفرصه عشان يصلح علاقتهم راح خلاها تمضي عقد بمبلغ كبير لوفكرت تسيب الشغل قبل ٦شهور معرفش حقيقي فيه حد يعمل كده مع قريبته واللي هي كمان مراته
مراد بصدمه:انت عملت كده فعلا يامالك
مالك:ايوه
مراد بلوم:يابني عقلك كان فين وانت بتعمل حاجه زي كده انت كده بتوتر علاقتكم اكتر
مالك بعفويه:خلصت أنا عملت كده لان عارف سيلا كويس وأنها ممكن بعد فتره تتراجع
مروان بضيق:وفيها ايه يعني انت اتصرفت كده عشان الشركه يامالك ليه اتحولت لشخص اناني كده
مالك:أنا مش اناني يامروان ولاعملت كده عشان الشركه انا عملت كده عشانها لأن حابب تستمر وان متتخلاش عن حلمها تاني لمجرد مشكله او اي حاجه تحصل ده كان الحل الوحيد عشان الزمها بحاجه وتفكر بجديه في حياتها وتبتدي من جديد
مراد:اممم مالك وانت من أمتي بتفكر في سيلا لدرجاتي،انت متاكد ان مشاعرك متغيرتش ناحيتها؟!
مالك:اه متاكد مشاعري مستحيل تتغير كل مافيها أن جدي وصاني عليها وأن أرجعها لحياتها الطبيعيه وانا ينفذ وعدي ومتقلقوش هي كان عندها شرط قبل ماتوافق تمضي العقد اصلا يعني مجتش عليها هي اللي اقترحت الاول اصلا
مروان باستغراب:وايه هو الشرط يامالك يعني
مالك:.......
يكمل
عارفه أن كنت المفروض أنزله امبارح فبعتذر عن التاخير ده❤️