زواج مزيف

البارت الرابع

مروه بابتسامه خبيثه:بس ممكن يرجع كل حاجه زي ماكانت واخلي جزء من اسهمي باسمك لواتجوزت جاسي ومتبقاش خسرت تعبك ايه رايك...
مالك بعصبيه مفرطه:في أحلامك يامدام مروه مستحيل اتجوز بنتك لوبموت مش هيحصل لو بتعملوا كل ده عشان اتخلي عن سيلا وانفذ اللي انتوا عايزينه مش هيحصل مش عايزه مكاني هنا خديه اشبعوا بالشركه لكن مش هسمحلكم تنفذوا اللي انتوا عايزينه مش أنا اللي تذليه يامدام مروه عشان احققلك اللي انتي عايزاه
محمود بعصبية:افهم من كده انك مازلت علي موقفك وكمان هتسيب الشركه
مروه:سيبه يامحمود يعمل اللي هو عايزه مسيره في يوم يرجعلنا وغروره وكبرياؤه ده يتحطم لم يخسر كل حاجه ويوافق علي كلامنا
مالك بعصبيه مفرطه:واليوم ده مش هيجي يامدام مروه افضل أن أموت احسن قبل مايحصل ده وطلعت من المكتب ورزعت الباب ورايا
مروان بقلق:مالك استني بس ولحقته لخارج وصممت امشي معاه تعال نقعد في مكان أو خليني أنا اسوق
مالك هدي السرعه هنعمل حادثه
مالك بعصبية:مسمعش صوتك يامروان بدل ماانزلك من العربيه
مروان بقلق:تمام هسكت ربنا يستر
                       ✨✨✨✨
لارا بعفوية:اخيرا اقنعناكي تخرجي شويه مش مصدق نفسي ناكل ايس كريم
سيلا بابتسامه:تمام يلا وجبنا ايس كريم وقعدنا قدام البحر
لينا بعفويه:طيب ياشباب مضطريه امشي
سيلا:ليه مااديكي قعده معانا يالينا🥺
لينا بابتسامه:معلش ياسيلا عندي شغل ولواتاخرت دكتور مراد هيشعلقني
سيلا بضحك:اول مره اشوف حد بيخاف من مراد ده يتخاف من مالك ولايتخاف من مراد يابنتي😂
لارا:اصلك متعرفيش أنها دابه خناقه مع مراد يوم فرحك فهو علي آخره منها روحي يابنتي مسامحينك😂
سيلا بابتسامه:تمام ربنا معاكي وحضنتها وسابتنا ومشيت اه ياني متبقاش غيرنا
لارا:انتي فعلا بتخافي من مالك
سيلا:لا مبخفش منه بس هو اكترهم عصبيه واعتقد انك لاحظتي ده واهداهم مروان
لارا:بس هو يمكن مش زي مانتي واخده صوره عنه امكن عشان مش قريبه منه او علي كلام كتير معاه زي مروان ومراد
سيلا:مش عارفه بس احنا مختلفين سيكا عن بعض يمكن بقينا بنتكلم شويه من ساعت اللي حصل غير كده طباعنا مختلفه بس مش حبه نستمر يعني جوازنا هيعمل مشاكل كتير
لارا:بصي ياسيلا عمك ومراته غاويين مشاكل اصلا فمش جوازكم الازمه بس هي زمانها محروقه عشان متجوزش جاسي
سيلا بضحك:كل مااتخيلهم مع بعض اضحك😂 الصراحه عمتا قررت قرار
لارا بقلق:واللي هو ايه😥
سيلا بابتسامه:متقلقيش مش هقولك هسافر هحاول اتناسي اللي حصل وابتدي من جديد معرفش منين بس هبتدي مش هسمح لحد يستغل ضعفي حته لوكنت ضعيفه من جوا والموضوع مآثر فيا
لارا:هو قرار حلو بس بلاش تيجي علي نفسك اوي واحنا جنبك كمان تعالي نروح نتمشي ونعمل شوبينج وبلا اي هم بقي
                     ✨✨✨✨
مراد بجديه:عندك تأخير ربع ساعه يالينا
لينا بصعوبه في التنفس اثر انها جريت معظم الطريق:اسفه بس الطريق كان واقف وكان فيه كوبايه مايه علي مكتبه فخدتها وقعدت هتعاقبني مش كده
مراد بتنهد:لا عشان عارف كنتي فين انا مش ضدك يالينا بس بحب المواعيد المظبوطه سيلا كلمتني وقالتلي انها اخرتك شويه عشان كانت حابه تقعد معاكي وان معملكيش حاجه وانا وعدتها بده فمش هتكلم
لينا بابتسامه:شكرا
مراد بعفوية:مفيش داعي عملت كده عشان سيلا مش عشانك لأن كنت حابب تطلع من البيت وتفك شويه ويلا عندنا شغل واتجهت لاحدي الغرف 
لينا بتذمر:عدلت نضاراتي صبرني يارب علي الكائن المستفز ده😒
الممرضه بفزع:دكتور مراد دكتور
مراد:في ايه حصلت مصيبه مش كده
الممرضه:عبدلله مش في اوضته ومش عارفين نلقيه
مراد:يعني ايه ازاي ده انتوا عارفين ممكن يعمل ايه ابعتي الكل يدور فكل المستشفي وياخدوا حذرهم
لينا بعدم فهم:دكتور مراد دكتور اوف ليه قال الكل ياخد باله لولقاه معالنا
ممرضه تانيه:دكتوره لينا حاولي تساعدينا فيه بعض اماكن لسه مشفنهاش وانا المفروض اروح الجزء التاني اشوفه تاني
لينا:خلاص هروح أنا أشوف هناك واتجهت لبعض اماكن مكنش فيه حد بس اخر مكان لقيت شخص مدي ضهره ليا عبدلله كنت فرحت أن لقيته بس اتحولت فرحتي لصدمه لما لف😳
مراد:هااا لقتوه
اللي موجود:لايادكتور
مراد:اوف ببص حواليا فين لينا ينهار ازرق مش موجوده حد شافها
ممرضه:ايوه يادكتور قولتلها تشوف بعض اماكن
مراد بعصبيه:انتي مجنونه هي لسه متدربه جديده افرض لقيته أو هو لقاها محسبتيش أن مش هتعرف تتصرف معاه وممكن يجرالها حاجه وهي مسؤليتي حسابي معاكي بعدين اتفضلي قوليلي قولتلها تروح فين بسرعه
                       ✨✨✨✨
مالك:فوقت من شرودي اثر حركه جنبي فببص لقيتها هي انتي بتعملي ايه هنا
سيلا بعفويه:كنت زهقانه وقولت اجي اقعد هنا
مالك:قومت وقفت قدامها بجد وياترا الزهقانه بتعمل ايه بره البيت في الوقت ده وطبعا معروفه اكيد مروان اللي قالك علي مكاني أنا غلطان أن خليته يفضل معايا اتصدمت من تصرفها فلقتها اقتربت مني فاجئه وحضنتني سيلا
سيلا بابتسامه:ششش ومديت ايدي لخصلات شعره وحركت ايدي بخفه اهدي لقيته بعد شويه ضمني ليه فضلت كده شويه وبعدين بعدت عنه شويه اممم اعتقد انك هديت
مالك بجمود عكس مايشعر به فهي لاتعرف أن عفويتها تؤثر عليه احيانا دون أن يشعر بذلك:شكرا ياسيلا بس مكنش فيه داعي تتعبي نفسك وتيجي
سيلا بعفويه:اممم عرفت من مروان أن المكان حلو وكده وقولت اجي اكمل اكتئاب معاك هنا يعني مش عيب تسيبني مع عروسه الباربي وامها الحربايه وتيجي تقعد هنا مع نفسك تاكل لب متبصليش كده ده لزوم الاكتئاب والزقزقه😂
مالك:مش حابب ارجع البيت حابب اقعد مع نفسي وممكن ابات اصلا في فندق انهارده
سيلا:بس انت كده بتستسلم يامالك وصلتهم للي هما عايزينه انك تضايق وتبعد أنت كده بتكون حققت رغبه الحربايه مروه انسي اللي حصل عندك الشركه التانيه ليك ولمروان
مالك:بس ياسيلا انفصال الشركتين عن بعض هيضعف التانيه كتير يدوبك اتأسست من سنه هنواجه مشاكل ماديه كمان ده غير مروه هدمر الشركه جدي لوعرف أنها خدت كم الأسهم ده وان تعبه السنين اللي فاتت هيروح في الأرض هيتعب وبابا مش هيرجع عن قراره اوف
سيلا بابتسامه:عادي ممكن منقولش لجدو حاجه وانت ومروان متاكده انكم هتقدروا تنجحوا وان الشركه هتكون افضل بكتير من القديمه وهتكبر بس مش لازم تتخلي عن هدفك تاكل كريب بتبتسم كده ليه
مالك بابتسامه:لقيت الفكره خلاص
سيلا:والأكل في فمي ابهرني
مالك:هتشتغلي معانا وهتساعدي مروان في التصميمات
سيلا بصدمه:ايييييه!!
مالك:انتي كده كده سبتي شغلك ياسيلا هتقعدي تعملي ايه في البيت
سيلا:بس انا صحفيه مش مصممه يامالك منكرش أن ده كان حلمي في فتره بس
مالك:اتخليتي عنه عشان جاسر وانك تبقي معاه بس انتي كنتي شاطره وتصاميمك حلوه ومروان هيبقي معاكي أو أنا يعني مش هتشتغلي مع نفسك ده هيفدنا ياسيلا وهتشغلي نفسك فكري في الموضوع 
سيلا بتنهد:تمام هجرب يامالك وربنا يستر
                        ✨✨✨
لينا بصدمه ممزوجه بقلق:لقيته ماسك زجاج مكسور بيده عبدلله اهدي وانا هساعدك أنا دكتوره وياليتني لم اقل ذلك لأنه ثار أكثر ولقيته شدني وبقي حاططها علي رقبتي
عبدلله بعصبيه:أنا بكره الدكاتره وانتي واحده منهم ومش هسيبك
لينا:بس أنا معملتلكش حاجه اهدي بس
عبدلله:كلكم زي بعض بتقولوا كده
مراد بصدمه:سمعت صوتها فاتجهت لهناك عبدلله سيبها مش هتستفيد حاجه من اذيتك ليها هي لسه مش دكتوره حته سيبها وهنجبلك اللي انت بتحبه شاورتهم أن يجوا من وراه ويخدروه وانا هشتته
عبدلله:ابعد يادكتور احسن بدل ماهقتلها
لينا في نفسي:مني لله كان لازم افهم تحذيره آخرتي هموت علي ايد مجنون اه ياني أنا اللي مسمعتش كلام امي وصممت اتخصص نفسي🥺
مراد:يلا شاورلتلها بس مفهمتش منك لله خلتهم يدوه حقنه المخدر وفي نفس الوقت شديت لينا بس الزجاج أصابها في عنقها لينااا
لينا بالم ممزوج بخوف:اااه حطيت ايدي علي عنقي ونظرت لايدي فكانت غرقانه دم
مراد:لينا تعالي معايا هتبقي كويسه مفيش حاجه ولقتها فقدت وعيها فلحقتها قبل ماجسدها يصتطدم بالأرض لينا كان الجرح كبير وينزف بغزاره اتصلوا بالاسعاف بسرعه 
                       ✨✨✨✨
مروان:طلبتني يابابا خير
محمود:طبعا انت سمعت أو عرفت اللي حصل بيني وبين مالك فحابب الصراحه اعرف موقفك ايه
مروان:موقفي ايه اللي عايز تعرفه
محمود:يعني ياتقف معايا ضد مالك وسيلا ياتبقي في صفهم ومعاملتي ليك هتبقي زيه وهتخسر كتير وانصحك تختار الخيار الأول لانك هتخسر كتير لواخترت اخوك
مروان:احنا عائله يابابا بلاش تعمل فروق بالمنظر ده
محمود:مش هرجع عن قراري يامروان قرارك ايه
مروان بابتسامه ساخره:مش محتاج تسال السؤال ده اكيد مش هقف ضد مالك وسيلا دول اخواتي حته لوهخسر قدام ده حاجات اتراجع يابابا عن اللي بتعمله والا هتخسر كتير واولهم ولادك
محمود بسخرية:ولادي هما فين دول قصدك اللي واقفين ضدي مش عايزهم ادي آخره تربيه هدي
مروان:كنت لسه هرد لقتها دخلت وشكلها يدل أنها عرفت ماما تعالي معايا
هدي بعصبيه:بقي اللي عرفته صح انت نقلت معظم أسهم الشركه لديه وشاورت عليها
محمود:متنسيش انك بتكلمي عن مراتي وانا حر اكتب الاسهم ديه باسم اللي انا عايزه
هدي بعصبيه:لاانت اكيد اتجننت بقي تكتب الاسهم ديه ليها وحق ولادك فين وتعبهم وبالأخص مالك
محمود:من أمتي حبك ده لمالك وبعدين هو اللي عند معايا ووقف ضدي وأخوه عمل نفس الحكايه ادي آخره تربيتك ليهم بيقوفوا في وش ابوهم واحد اتجوز ومصمم يكمل والتاني بيدعمه
هدي بعصبيه:وهي ديه مش بنت اخوك برضو الله يرحمه والمفروض تبقي مكان ابوها مش ضدها بالمنظر ده مالك مغلطش عشان تقف ضده كده والا هي الحربايه مراتك هي اللي قومتك علي عيالك والاكتر مالك عشان عايزاه لبنتها
مروه:شايف أسلوبها ياحمودي وبتهني وبتهين بنتي ازاي تقريبا نسيت انو مش بيتها وانك مقعدها هنا شفقه منك
هدي بانفعال:مقعدني فيه شفقه ماترد يامحمود
محمود بجمود:كلامها صح أنا من ساعت ماطلقتك وانا مكنتش حابب وجودك في البيت ووافقت بسبب بابا مش اكتر فلذلك اتكلمي مع مراتي باحترام عشان متخلنيش اتصرف تصرف مش هيعجبك ياهدي
مالك بانفعال:سمعت حديثهم فوقفت قدامها ماما تعمل اللي هي عايزاه ده بيتها متنساش أن جزء من البيت باسمي أنا ومروان ومن حقنا نخليها هنا وبالنسبه ليك ولمراتك اللي مشفتش ذره احترام أنها اكبر منها ملهاش تكلم باي حاجه تخص عائلتي والا مش هيعجبها رده فعلي 
                         ✨✨✨✨
مراد:هي هتبقي كويسه يادكتور
الدكتور:متقلقش يادكتور مراد الاسعافات الاوليه اللي قومت بيها لحد ماتتنقل هنا ساعدت أن تنقذ حياتها وان متفقدش دم كتير والحمدلله انو كان بعيد عن الشريان اه اضطرينا نقفل الجرح عشان عميق شويه بتلت غرز بس ممكن تفوق كمان شويه من البينج
مراد بابتسامه:تمام شكرا واتجهت ناحيتها وقعدت اوف لينا مكنش المفروض تدخلي وتسمعي الكلام بس كويس أنها عدت علي خير لاني مكنتش هسامح نفسي لوحصلك حاجه واتجهت لخارج جبت قهوه واتصلت بلارا
لارا بقلق:ازيك يامراد خير
مراد بنبره خافته:كويس متقلقيش مفيش حاجه بس هي لينا تعبت شويه و..
قطعت كلامه بقلق:مالها جرالها ايه
مراد:اهدي مفيش شويه ارهاق بس وهتبقي الصبح كويسه عايزك بس تكلمي أهلها وتقوليلهم أن هتفضل في الشغل لصبح وكده عشان ميقلقوش عليها وانا هفضل معاها واوصلها بيتها لما تصحي الصبح
لارا:تمام شكرا يامراد وهي ملهاش غير مامتها فهكلمها وابقي اطمن عليها الصبح
مراد:تمام وقفلت معاها واتجهت لغرفه وقعدت جنبها اه يامصيبه واقعه فوق راسي اللي يشوف وشك وانتي نايمه شبه الملاك ميقولش يطلع من وراكي كل ده
                       ✨✨✨✨
تاني يوم الصبح،سيلا بتنهد:قومت براحه من جنبه فهو نام متاخرا وكنت لسه هروح اغير هدومي لقيت تخبيطه خفيفه علي الباب فجبت الروب ولبسته واتجهت لباب فلقيتها عمتي صباح الخير
هدي:صباح النور ياسيلا هو..
سيلا بعفوية:لوهتسالي علي مالك فهو نائم مرضتش اصحيه لانه نام متاخر وكان يوم طويل عليه
هدي بتنهد:بس انا مش عايزه مالك ياسيلا أنا عايزه اتكلم معاكي في موضوع مهم تعالي نتكلم في اوضتي بس هسيبك تبدلي هدومك
سيلا بابتسامه:حاضر عشر دقائق واجي روحت خدت شاور وغيرت هدومي لبلوزه وبنطلون واتجهت لخارج ناحيه غرفتها وقفلت الباب ورايا وقعدت قدامها خير ياعمتي فيه حاجه حصلت تاني ايه هو الموضوع المهم قلقتيني
هدي:.......
يكمل