رواية:صغيرة على قدري
للكاتبة:دوريمي
____________
الحلقة الثانية والعشرون:
وقفت فم المربوعة تشوفلها برضا.. فتحت هاتفها وقعدت تتصفح عالقروبات يلي عندها وتراجع في قرايتها عالاسعافات الأولية مابين ما وصلو
سمعت صوت السيارة طلعت تفتحلهم.. ..
معتز:ساند احمد.. سكري الباب والحقيني بسرعة
خشو للمربوعة وجت سارة تجري.. حطه عالصالون فوق حطه
معتز قعمز احمد عالصالون.. هي تحمل شويا تو تعالجك.. التفت علي سارة.. تي خيرك واقفة شن تستني؟؟؟
سارة:مفنصة عيونها بصدمة ومتوترة.. ءءاا؟؟ ءءءءااييه ايه صح.. جبدت الطاولة قربتها.. لبست القلافز وخدت قطن.. شافت لمعتز.. استفرغ؟؟
معتز:سكر باب المربوعة وقعمز.. لالا علاش؟
سارة:تبخ من السبيريتو عالقطنة.. معناها مفيش كسور.. لبست نظارتها والتفتت ع احمد يلي كان حاط يده ع كتفه.. معليشي تنحي قميصك؟
احمد:شاف لمعتز.. شن ماد وجهك تلحلح وتعالا ساعدني
معتز:وقف يضحك يفتحله في قميصه.. مش قادر حتى تفتح قميصك؟
احمد:😒البركة فيك
سارة:هيا عزو خف
معتز:اهو كملت.. شد القميص في يده وقعمز
سارة:حطت القطنة وقدمت تشوف لكتفه.. مخبوط بقوة واضح.. مش كسر لكن تشعرينه في المفصل وكدمة.. ضغطت بصوابعها عليه واحمد تألم.. التفتت علي معتز.. غدوا ترفعه للمستشفى باش تتأكد.. هيا ساهلة تو نربطهاله ومع المرهم تخف الكدمة.. هادي هي وبالنسبة للجروح في وجهك مش عميقة ساهل.. خدت الكمادات في يدها عصرتهم ووخرت.. امتد معليش باش انضفلك الجروح؟ .. قرب معتز حط مخاد تحت راسه واحمد سند عليهم وقربت سارة..
سارة:حتتوجع شوية لكن مش محتاج لبنج ولا؟
معتز:خبط علي كتفه.. تي ديري لا بنج لا بنجات ميحسش اهوا
احمد:عض فمه بألم.. اااخخخ وخر بعيد عني غادي كسرتني بععععدد
سارة:ابتسمت عليهم
معتز:😂 مش قتلك ميحسش
سارة:خدت قارزة عطتهاله.. عض عليها كان تألمت
نضفتله الدم من وجهه بالكمادات السخونة وعقمتله الجروح
الحمدلله ميستحقش خياطة لأني منعرفش
عزو مدلي الكريم جنبك ترا
معتز مدهولها.. الميا تعبت دم نغيرها؟؟
سارة:شافت لأحمد وشافت للميا.. اي متكفيش هادي مازال جبهته تنزف.. عبي الميا سخونة لعند النص مش تملاها كلها عزو!!!
معتز:وقف وقامها.. تمام تمام تبي حاجة تانية؟
سارة:لالا اصلاً خلاص قريب نتم
احمد:عاض فمه.. لكن كتفي يسطر بكل نحس فيه بيطيح!!
معتز:بالك مش تشعرينه ياسارة؟
سارة:نحت القلافز.. باهي مضروب بي شني؟
معتز شاف لأحمد!!
احمد:تي جبدني منه قريب قطعلي يدي نحسابها نكسرت اصلاً
معتز:بالله اسكت حتى انتا مادرت فيه خير
احمد:يستاهل
سارة:معناها رسمي تشعرينه.. قربت منه.. عطيني بضهرك ترا؟
لف بضهره وبدت تتلمس بصوابعها في اماكن معينة من رقبته وكتفه وعموده الفقري وهوّا يتألم
سارة:حطت يدها علي كتفه وضغطت
احمد:ضاغط عالصالون بيده.. اي اي هنايا بكلل كأنه متنحي من مكانه العضم
سارة:ساهلة تو نرده فكر في حجات تانية أي شي في خيالك أنسى الواقع بس.. التفتت علي معتز.. تو نردهوله ساهلة
معتز:تمام باهي تو نجي.. شاف لأحمد.. قيم يدك عن الصالون نزعت جده
احمد:يتحلف.. قسماً بربي نوريك عليها يافرخ من بكري تناشب عارفني مش فاضيلك
معتز:ياناري ع المجاري.. وطلع يضحك
سارة:وخرت ومدتله طاسة اميا.. تقضل اشرب وقعمز كويس
احمد:خداها منها وشرب.. نسند ضهري عالمسند؟
سارة:عادي قعمز كيف ماتتريح.. ومتفكرش في شي فكر في حجات حلوة
احمد:غمض عيونه وابتسم.. تو نفكر فيك
بوم طخخخ قلب سارة في بطنها طاح.. هادا يتغزل فياا🥴
زمطت ريقها وجت قدامه حطت رجل عالصالون جنبه ورجل واقفة.. عد للعشرين ويتم كل شي
احمد:ضحك وهوا مغمض عيونه.. اوكيي جو الصغار
سارة:تحرك في صوابعها زي المساج مكان الألم وتشوف لأحمد وقلبها يدق بسرعة من قربه
احمد:فتح عيونه.. مازال؟
سارة:نزلت عيونها بسرعة.. لالا شويه.. مرتبط؟
احمد:استغرب سؤالها المفاجئ.. نعم؟
سارة:تحرك في صوابعها بهدوء حطت يدها التانية علي عضمة رقبته بخفة وهيا مركزة في حركة يديها.. سألتك مرتبط ولالا؟
احمد:يشوف لوجهها.. لا
سارة:علاش؟
احمد بيتكلم.. سارة بحركة مفاجأة ضغطت بيديها وحدة قدام ووحدة الخلف وردت كتفه لمكانه
احمد:اااخخخ.. وخدي نفس
سارة:وخرت وابتسمت.. رديناه بسهولة
احمد:يشوفلها ومقطب حواجبه بألم.. كيف هكي محسيتش يعني خلاص؟
سارة:اي خلاص.. مشت للطاولة وخدت مرهم وقارزة.. لأني لهيتك بأسئلة توقف عقلك وتخلي قلبك يفكر بالنيابة عنه
احمد:ابتسم ويتحسس في كتفه.. مش صيدلانية وبس طلعتي حتى فيلسوفة
سارة:قربت.. تقدر تسميها استراتيجية لو تبي!!.. دارتله المرهم وربطتله كتفه بالقارزة.. ألف لابأس عليك
احمد:ماتشوفي باس انشالله
سارة:ابتسمت ووخرت.. وينه عزو طول!!
احمد:طلع هاتفه من جيبه حطه جنبه.. تعرفي أول مرة نشوفك مبتسمة؟
سارة:زمطت ريقها ودارت روحها لاهيا ترتب.. هءءءحم.. أمتى شفتني نبكي؟
احمد:ديما
سارة:لفت باستغراب.. انيي؟؟؟
احمد:ابتسم عليها.. ايييي انتي
سارة:لالا مستحيل وك عليا علاش بنبكي قدام الناس اني؟
احمد:لدرجة لما تعاود الموقف اكتر من مرة شكيت ان العلة فيا.. اني مدايرلك حاجة؟
سارة:لحظة صمت كأنه عصر ليمة عالجرح.. شن نقوله؟؟؟ اي مدايرلي؟ انتا السبب؟ شن نقول؟؟.. ءحم لالا مستحيل زي ماقتلك ممكن صدفة
احمد:هءءءءحم.. نبي نسألك علي موضوع صغير من فترة ومعرفتش كيف نوصلك!
سارة:مطبسة راسها قاماته.. اني؟؟؟
احمد:اي مفيش غيرك معانا طبعاً
سارة:داخلها صاير إنهيار كامل وسكتت تستنى في الباقي
احمد:ءحم متبيش تعرفي شن الموضوع؟
سارة:زمطت ريقها.. لا
احمد:غدوا عندك محاضرة من١٠ لل١٢ الساعة ١٢وخمسطاش دقيقة بالزبط تلقيني قدام القاعة.. سؤال بنسأله وتعطيني الجواب وبنروح لا جيتك لا شفتك لا صارت حاجة.. تم؟؟
سارة:مصدومة وفاتحة عيونها
احمد:الوو؟؟؟ تم؟؟
سارة:لا طبعاً مستحيل
احمد:لا مش مستحيل.. مش حاي نقطف اني هوا سؤال مهم ويحدد مصيري ومصيرك فا لهذا لازم ناخد الجواب في اقرب وقت.. امي راسها وراس موضوع زواجي واني موضوعي واقف عليك.. اعتقد توا فهمتي قصدي ولا؟ فكري من توا يعني وغدوا ناخد جوابك
سارة من الصدمة تصنمت في مكانها.. فهمت القصد وقريب يغمى عليها من قوة الصدمة
احمد:كمل متجاهل كل شي.. عارف طريقتي غريبة لكن منعرفش نمهد بسلامتي.. وزايدتيني انتي من يوم ماعرفتك وانتي كتلة غرابة
سارة:من صدمتها طلعت من المربوعة بدون تفكير.. تلاقت مع معتز طالع من الكوجينة
معتز:في يده الميا.. اوووويي انتي خيرك؟ قتلتي الولد؟؟
سارة:في داخلها اني الي متت مش هوا.. ءءااه؟؟ لالا شن قتلته.. انتا طولت جيت نشوف فيك
معتز:لين سخنت الميا باش نجيبها
سارة:🙂في حاجة اسمها اميا ساخنة ياعزو
معتز:لكن مالحة من الشيشمة.. صبيت اميا حلوة وسخنتها.. هي اطلعي قدامي شن صار فيه المنكلب هداكا؟
سارة:خلاص جرح جبهته تو انضفهوله وبس
خشو علي احمد وقربت سارة بيديها الي يرجفو نضفتله جبهته يلي تنزف وعقمتها.. دارت اللازم وطلعت وهيا معاش عندها حيل توقف من الصدمة.. طول لي دار ديمة خشت وتلوحت جنبها عالسرير ودموعها نزلو طول شلالات حضنت ديمة وهيا راقدة وقعدت تتفكر في كلام أحمد بالحرف.. صوته ياربي صوووته ماتحرمني منه يارب قداش مانموت معااه.. الحلم بديت يتحقق ياربي بدي يتحقق بدي يتحقققققق.. خداها النوم وهيا تخطط لي غدوا شن بيقوللها وكيف حتكون ردة فعلها .. ..
______
احمد:نفخ.. لأمتى بنقعد مربط هكي زي المرا الوالدة؟
معتز:نفخ الدخان من فمه وضحك.. قول الحمدلله يافرخ
احمد:قلت الحمدلله لكن مش حالة هاذي.. شوفلنا اختك بالك تسرع في وقت تحويلها هالعلة
معتز:شن سحر هوا؟؟ قالتلك اسبوعين بالكتير وتريح كيف الحصان مفيك حاجة خلاص تحمل
احمد:شافله عالجنب.. هي هوينا خل نتمرقدو
معتز:قاعد علي قلبك اليوم
احمد:باهي دير حاجة في عمرك واتصل بي يوسف شوف اميته وين تصب؟
معتز:اشرله بيده.. لالا متهني عليهم مع يوسف اني تو يعاود يربيهم من اول وجديد لين ينسو حليب أمهم
احمد:شرب من العصير.. خله يطلع دينهم.. كسروني ولاد الكلب
معتز:يحرك في صوابع يده ويتألم.. وربي يدي زادت انتكست بكل اني
احمد:مسح فمه بكلينكس.. مكان فيك شي بسم الله
معتز:انفكت من بوكسات امس الليل
احمد:انطرح علي الفراش.. تستاهل.. نيتها بيضا بنت أمها
معتز:😒 هي ضم هي
احمد:حدف فيه باكو الدخان.. تي اقلب ط***** عن وجهي مبرد ز****
معتز:تلافا الباكو في يده ويضحك.. جي في وقته كيف كملت يلي عندي
هي تمرقد تو نجيك نمشي ندير سيور لعمري ونشقا بيدي خير مايصيرلي زيك
طلع معتز وخلا احمد يراجع كل يلي صار معاه.. خدي نفس طويل.. ااهههخخخ عرفت كيف اطيحني اختك يابوالعز
_______
معتز طقطق علي دار سارة مفتحتش!! استغرب واتصل بيها سمع هاتفها يرن من دار ديمة.. طقطق ماجاشي رد فتح الباب.. كانو راقدات الزوز في سابع نومة
نفخ.. وين نطير هي حتى هاذي اندمرت.. سكر الباب وطلع من جيهة ديار البنات فتح الباب يلي يوصل للشقة..
______
اني كنت في الدار خش عليا ينحي في جاكيته.. سلاام
تجاهلته كأنه مش موجود
معتز:نفخ.. ناقصه هم هيا اصلاً باش تزيديها انتي
حدف جاكيته عالسرير وخش للحمام قربعه..
مديت يدي للجاكيت استنشقت عطره بعمق.. كأنه يتغلغل مع أنفاسي الداخل.. تلوحت عالمخده ونشم فيه.. نزلته من يدي وفتحت عيوني كانت يدي كلها دم متجلط.. انخلعت وفنصت عيوني مع طلعة معتز من الحمام في يده مرهم شافني مفنصة والدم في يدي
معتز:خيرها يدك؟؟
اني:شن صايرر؟؟
معتز:خدي جاكيته مني وكان فيه دم من جهة الخصر متجلط لين لونه حني.. متعارك واضحة يعني
اني:لأمتى بتقعد هكي؟؟؟؟
معتز:يهمك الموضوع؟؟
اني:غمضت عيوني بقلة صبر.. تعرف شنو؟؟؟.. فتحت عيوني.. انشالله ماتنوض معاش متدخلة فيك اني تنحرققق
ومشيت للحمام نغسل في يدي بالديتول
معتز:نفخ وقعمز علي حاشية السرير يدير في يده
طلعت لقيته يلف فيها بي قارزة مكنتش فاهمة شن صايرلها
معتز:قام راسه فيا.. أهو ربي استجاب دعوتك يدي مش قادر نحركها
اني:كشخت.. تستاهل
معتز:عارف روحي نستاهل.. خديتي دواك؟
اني:مادخلكش فيا علي اساس نهمك يعني ولا معبرني اصلاً
معتز:وقف.. لا دخلني.. وطبعاً تهميني انتي واللي في بطنك تهموني فاهمة؟؟ وبلاه النكد الزايد اهواا تمام؟؟؟ قاعد محترم ره منبيش نهبل
اني:😒 معاش تكلمني ترا.. صوتك ينرفز.. ضغطت عالحروف.. ينرررففززز
معتز:عض فمه بقوة وبيطربق من برودتي.. بنرقد مع احمد لوطا اقعدي فيها
اني:اييهه بان علي حقيقتككك.. توا كنت تقول تهميني ماتهميني.. وطلعت بترقد مع صاحبك جايبه معاك علاش؟ يونس فيك ولا شنو؟
معتز:مضروب الولد.. افهميي
اني:كداب
معتز:يسحن تلفت يمين يسار وبيتفجر.. حدف جاكيته علي وجهي وطلع.. ارقدي بروحك بي النكد متاعك اهوااا
اني:ابتسمت ونشم فيها.. تلوحت عالسرير ورقدت وهيا في حضني.. ..
______
معتز خش علي احمد وقربع الباب سكره.. يلعن دين أصل هالجنس
احمد:قالب وجهه وعين مفتوحة وعين مسكرة.. خير ط*** أصلك يافرخ؟؟؟
معتز:حدف الفراش يلي كان في يده وخدي مخدة من مخاد احمد يلي راقد عليهم يجو اربعة مخاد حاطتهم سارة😂😂
تنفخ.. باللهي ضملي ز*** المت***** متخليش ط**** الختامية المتن***** متع التز*****
احمد:فتح عيونه في كمية الشتايم يلي يقول فيهم.. ااووييي ياأخينا يااسرك شن هاللسان الخارب
معتز:رقد عالفراش وفتح حزام سرواله لوحه جنبه.. ارقد وراس امك ارقد مش ناقصه ره.. وسلح تيشرته وحط راسه عالمخدة
احمد:رجع رقد.. عاقدينها من جديد ولا؟
معتز:نحلت القديمة هي باش تنعقد ثانيتها؟.. والنبي خليها ساكتة لا نقعدو للصبح في هالموال معاش تحز بكل
احمد:نفخ.. حالتك حالة انتا والله
معتز:ابصر من داعي علي فيتي اني ولا ساحرني.. كل مانسقمها تتعوج زي الناقة
احمد:ضحك.. الا جبتها وربي ناقة حق😂😂
معتز:ضحك بالشويا.. اسكت خلي نتصل بي يوسف نشوفه شن دار!!
أييوااه؟؟
يوسف:اهلاً بالغوالي اهلاً
معتز:ضحك.. شنو حالهم احبابنا ياوسيفة؟
يوسف:لووووز وجوز وفستق وكاكاوية وكل انواع المكسرات
معتز:لف علي احمد وفتح المايك.. مية مية اهم شي مكسرات ياطيري
يوسف:تي كسرتهم اكتر من المكسرات.. تعالا كان بتاخد معاهم سيلفي وطاسة شاهي احمر خفيفة.. مش عادية بكل
احمد:😂😂
معتز:تم المهم زيد اهرسهم هرس نبيهم هريسة
يوسف:ولا يهمك بوالعز.. من هالعين قبل هالعين.. تجي غدوا تلقا قدامك هريسة عربية بالثوم اطلع طول
معتز:تم ياعم.. غدوا نمرو عليهم
يوسف:تمم.. وين المفيك لاخر؟ شن صار فيه؟
احمد:قاعد متلوح زي المرا الوالدة كتفي مربوط وحالتي بالله حالة
يوسف:تي غدوا تعالا كمل عليهم اكتر ماهم متكسرين.. حتى كان بتاخد روحهم مفرخة الق****
معتز:تي دراما هوا ره متسمعش منه مفيه شي.. والفروخ خدو حقهم بالزايد تو عدوا نطلو عليك ياريس
يوسف:ضحك.. نيللي كريم كيف الحال؟؟
معتز😂😂
احمد:هي ضمو هي لا كريم لا شامبو غم فسختك
معتز:انتا نازل فيها اه اه من بكري ليك ساعات علي هالحالة
يوسف:هي طيرو يا ***** خلوني نروح علي حالي
معتز:تشاوو ياكبير
سكرو من يوسف وكل واحد حط راسه عالمخدة..
احمد:شن صار في يدك؟
معتز:قامها يشوفلها.. توجع بشكل رهيب تصدق
احمد:لف عالجيهة التانية.. اااههخخخ امالا اني والنبي خلينا نرقدو
معتز:ضحك.. شوف كيف محذوفين بس.. تقول مستشفى بوستة لا اله الا الله
احمد:😂😂
معتز:حط دراعه علي عيونه.. كان نقولك مبارح وين رقدت تسخف عليا
احمد:قولي ومش حنسخف عليك عارفك ظالم
معتز بدي يحكيله.. واحمد ميت ضحك
معتز:يضحك.. تي غم فسختك اززح ميضحكش الشي
احمد:وربي وجعتني ياوخيي.. انشالله تتربى علي يدها زيادة شوف كيف غيراتك
معتز:ابتسم.. مبرد طا**** اززف وانتا كان عكشت في حاجة خلاص
احمد:مافيش حد يعكش غيرك يا**** تي انخمد خلي نريح راسي من همك
تقلبو الزوز لين رقدو وكل واحد دماغه مشغول بي حاجة.. ..
_______
