محمود:تتطلقها وتطردها من البيت لأن مش هسمحلها أن تكون سبب في دمار البيت ده ولاسمعتنا ووقتها هنسي كل اللي حصل وكل حاجه تتحل هااا قرارك ايه يامالك
حسين بعصبيه:انت اتجننت يامحمود عايز تطرد بنت اخوك الوحيده متنساش انو ده بيتها مش بيتك لوحدك
محمود بغضب:وانا مش عايزها في البيت يابابا مش هسمح أن كل اللي بنيته تيجي هي وتدمره عشان اختيارها الغلط وكمان دبست ابني بس انا عارف أن ابني مش هيقف ضدي وهيطلقها كل اللي فاضل أن اخلص منها وجيت اقرب منها لقيت مالك وقف قدامي
مالك بجمود:هتعمل ايه يابابا اولا أنا موافقتش علي كلامك مش هطلق سيلا انسي ده ومش من حقك تطردها لأن ليها حق في نص البيت من عمي وبقي ليها حق في النص التاني لانها مراتي هتطردها باي حق وكمان وانا موجود بالنسبه لسمعه العائله والشركه متقلقش محدش هيتكلم هحل الموضوع
محمود بعصبيه:انت بتمشي في الطريق الغلط بعندك معايا يامالك أنا مستحيل اتقبلها
مروه:يلا يامحمود مفيش فايده من الكلام معاه هي أثرت علي عقله وخرجت معاه من الغرفه
مروان:جدي شكلك تعبان تعال اوصلك لاوضتك انت مخدتش ادويتك ولاايه
حسين:أنا كويس محتاج ارتاح بس
مروان:تمام تعال هوصلك لغرفتك
مالك:بعد ماخرجوا اتجهت لباب وقفلته ورحت قعدت علي الكنبه وسندت راسي لورا
سيلا بدموع حاولت منعها:اسفه يامالك انت بيحصل معاك كل ده بسببي مكنش المفروض اوافق علي جوازنا مكنش المفروض تتحمل كل ده كنت طلقني وخليني امشي من هنا واريح الكل مني محستش بحاجه غير انو شدني لحضنه فكم كنت محتاجه هذا
مالك بنبره خافته:ضمتها اكتر ليا عشان تهدي ومسحت علي خصلات شعرها سيلا أنا مش هطلقك غير لماترجعي قويه وعايزه تكملي حياتك وننفصل لكن بالنسبه لمشاكل فهي موجوده من الأصل ملكيش علاقه بيها وبعدين منقدرش نستغني أن جنانك ولاقهوتك اللي بالملح ولاايه فلقتها ضحكت ضحكه خافته بين شهاقتها لما حستها هديت بعدت عنها شويه ياختاااي
سيلا:في ايه
مالك بضحك:خدودك وانفك الاحمر من العياط رهيب اوي بقيتي شبه الفراولايه
سيلا بغيظ:انت بتتريق عليا يامالك🙄
مالك بضحك:مش قادر حد يكره يبقي شبه الفرولايه وقربت منها ومسحت دموعها اللي علي خديها مفيش حاجه تستاهل دموعك واياكي تصحيني كده تاني هشعلقك ياسيلا اه يارقبتي هروح اغير هدومي خلي حد من الخدم يعملي قهوه
سيلا بحماس:طيب مااعملها أنا😃
مالك بضحك:لااابلاش أنا عايز افوق مش اموت ياسيلا اتقي الله😂
سيلا بغيظ:أنا غلطانه أن كنت هتعب نفسي واعملك اصلا ناس مبيتمرش فيها مكنتش كام حادثه يعني قلبك اسود😒
مالك بسخريه:كام مره احب افكرك بسلسله حوادث دخولك المطبخ ياسيلا😏انتي منجحتيش في عمل حاجه غير بطاطس مقليه وسلطه واحيانا مكرونه معجنه وسعات سليمه بس نادرا😂
سيلا بتذمر:حسبي الله ناس مبتقدرش مواهبي خساره فيكم تعبي وشقيا☹️
✨✨✨✨
تاني يوم الصبح في مستشفي الأمراض العقليه،ممرضه:دكتور مراد واخيرا عماله ادور عليك
مراد:ليه حصلت مصيبه🙄
ممرضه:لامدير المستشفي وزع المتدربين الجداد وهي مستنياك في مكتبك عشان معرفناش نوصلك
مراد بتنهد:واسمها ايه طيب
الممرضه:بص هي حاجه بالام يادي النيله نسيت يادكتور🤦
مراد بضحك:كالعاده مفيش امل اقعد أنا اخمن اسمها يعني بشتغل مع ناس عندهم زهايمر مبكر😂 يارب صبرني ومتكونش مصيبه زي اللي قبلها واتجهت لمكتبي وفتحت الباب وقعدت علي مكتبي بس مبصتلهاش انتي المتدربه الجديده اكيد بس اعرف اسمك
لينا بصدمه:فهي قد عرفته ينهار ازرق واعدلت نضارتها لامستحيل😳
مراد:يابنتي مش بسألك مبترديش ليه ورفعت نظري ليها أنا ليه حاسس ان شوفتك قبل كده شكلك مش غريب
لينا بتوتر:يارب ماتفتكر لحسن هتسوح😥
مراد. بتفكير:افتكرتك انتي لينا اللي كنتي في الحفله امبارح ولسانك اطول منك بس الفرق مكنتيش لابسه نضاره أنا ناقص كمان هم عشان تطلعي اللي هتشتغلي معايا أنا هتصل بالدكتور ويشوف حل معاكي أنا مستحيل اشتغل معاكي يالينا
لينا:لالا استني مراد قصدي دكتور مراد أنا اسفه جدا عن اللي حصل امبارح بس انا تعبت كتير عقبال ماوصلت لهنا ياريت متربطش شغلي باللي حصل امبارح اديني فرصه ممكن🥺
مراد بتنهد:هديكي فرصه يالينا بس لوعملتي حاجه او اهملتي شغلك ومواعيدك اعتبري فرصتك راحت ومتقلقيش اللي حصل امبارح مش هدخله في الشغل
ويلا روحي اجهزي عشان نبتدي
لينا بابتسامه:حاضر يادكتور مراد وشكرا واتجهت لخارج
✨✨✨✨
في الليل،لارا:جبتلك اللي انتي بتحبيه امكن مزاجك يتحسن شويه
سيلا بتنهد:اتحسن اعتقد وضعي اسوء من كده بكتير لدرجه ان معظم عائلتي مش عايزاني يالارا حياتي اتقلبت كلها في خلال يومين احيانا بفكر كتير أن أسافر واسيب كل حاجه اروح مكان محدش يعرفني فيه
لارا بعفوية:بس الناس الضعيفه هي اللي بتعمل كده ياسيلا وانتي مش كده ملكيش دعوه بكل اللي بيحصل زي مافيه ناس مش عايزاكي فيه ناس هتكسري قلبها لوعملتي كده وأولهم جدك معتقدش أن يستاهل ده ومسحت علي خصلات شعرها رغم انك شايفه نفسك وحيده بس ربنا بيحبك مخلي عندك اخين واختين ومالك جوزك ده غير جدك كل دول بيدعموكي مش كفايه
سيلا بدموع:بس انتي مش فاهماني يالارا اوكيه ربنا يخليكم ليا بس انا تعبت لأمتي هفضل اتحمل حاجه مليش ذنب فيها ده غير عمي ومراته مش هيسبوني في حالي
لارا بابتسامه:مسحت دموعها سيلا حبيبتي انتي قادر تتخطي كل ده صدقيني لوعندك اراده مفيش حد هيقدر يعملك حاجه ضعفك ده هيخلي الناس اللي حواليكي تستغل الفرصه خلي اللي حصل يكون مصدر قوتك مش ضعفك انا واثقه انك هتتخطي ده لقتها حضنتني فضمتها كل حاجه هتبقي كويسه لاتقلقي
✨✨✨✨
مالك:رجعت علي بليل من الشركه لقيت البيت هادي عن غير العاده روحت عملت قهوه فقابلت مروان في المطبخ بتعمل ايه هنا
مروان بتنهد:واللهي يابني جيت اشوف حاجه اكلها لأن جوعت انت لسه جاي مش كده
مالك:اه بس هو فين الباقي يعني البيت هادي متقولش سيلا عملت مصيبه
مروان بضحك:هموت😂لاظلمت البت مطلعتش من اوضتكم من الصبح لارا جاتلها من ساعتين كده قعدت معاها فتره ومشيت غالبا مش حابه تتكلم مع حد
مالك باستغراب:ولاطلعت تاكل ولااي حاجه
مروان:لامطلعتش بس لارا كانت جايبلها حاجات بتحبها وخلتها تفضل فوق دماغها لحد ماتاكل
مالك بابتسامه:كويس انك عملت كده اتمني متفضلش علي الوضع ده كتير
مروان:منقدرش نعرف ده علي حسب إرادتها ياتستسلم وتدخل في اكتئاب ياترجع زي ماكانت واحسن عمتا كمان جدي تعبان من ساعت خناقه امبارح وانت عارف انو غلط عليه فخف مشاكل مع بابا
مالك بسخريه:هحاول بس معتقدش ده يحصل لو لقيت الموضوع هيوسع هتصرف بس اتمني ميخربش الدنيا كالعاده يلا تصبح علي خير وخدت كوبايتين القهوه واتجهت لغرفتي اتصدمت من اللي عملاه فكانت قعده مربعه علي السرير وفي حضنها برتمان نوتيلا وحولين فمها شكولاته وجنبها كيس شبسي كبير بصوت مرتفع ايه ده ياسيلاااا😕
سيلا بفزع:كنت حطه معلقه شكولاته في فمي فخرجتها اعاااا في ايه حد يفزع حد كده😰
مالك بعصبية:حد ياكل كده علي السرير وتقوليلي خضيتك اشعلقك ياسيلا أنا قولت مستحيل متبهدليش الدنيا
سيلا بتذمر طفولي:اعااا يعني انت بتصرخ عشان كده وحطيت معلقه تاني بفمي راعي اكتئابي اكتر من كده مفيش انسانيه🥺
مالك بغيظ:لاانعدمت الانسانيه ياسيلا انتي بهدلتي الاوضه يارب صبرني وبعدين حد قالك تكتئبي وتقعدي طول اليوم في الاوضه
سيلا:وياترا هقعد مع مين عمي اللي مش طايقني ولامرات عمي الحربايه ولابنتها عروسه الباربي🙂
مالك بضحك:ينهار ازرق علي الألقاب فخور بيكي ياسيلا😂وبعدين
سيلا بعفو:بس كده ففضلت قعده في الاوضه لارا جبتلي دول ومقدرتش اكتئب وامتنع عن الاكل الصراحه لانه كلو الا الاكل واغراني البرطمان هو وكيس الشبسي وقعدت اتسليت عليهم😌💃
مالك بضحك علي تصرفاتها الطفوليه فهي ميكس غريب بالفعل:طيب ياختي واتحسنتي بعد ماكلتي البرطمان وكيس الشبسي وبهدلتي الدنيا😂
سيلا بعفويه:بقيت احسن لحد ماجيت سرعتني من شويه🙄
مالك بابتسامه:قربت منها وقعدت علي السرير جنبها اسف بس اتصدمت بس اكيد هتعود يعني وسحبت منديل ومسحت الشكولاته الي بجانب فمها
سيلا بتوتر:كان قريب مني لدرجه ان شردت بس فوقت علي صوته
مالك بعفويه:أنا عايز اعرف بعد كم الشكولاته والشيبسي ده وانك مفجوعه سيكا وحجمك كده ازاي
سيلا بضحك:اراده ربنا بقي اعترض ده حاجه غريبه اوي هروح أرتب الدنيا بقي عشان متولعش فيا😅
✨✨✨✨
جاسي:نعم يامامي كنتي عايزاني في ايه
مروه بابتسامه:مش انتي بتحبي مالك وبتكرهي سيلا
جاسي:معدش ينفع الكلام ده يامامي هما اتجوزوا ياريتني ماسافرت معاكم اوف مالك مش هيرجع عن قراره حته لو مبيحبهاش
مروه بخبث:امممم متقلقيش لاقيت خطه حلوه هو عمل كده عشان متتفضحش وواثق منها جدا وانا بفكر اثبتله أنها مش كده وان كلامي هو الصح وأنها خاينه واخليها تسقط من عنيهم كلهم وتطلع من البيت
جاسي:ده صعب جدا لأنهم بيثقوا فيها مشفتيش مالك كان بيحامي عنها ازاي اومال لوكان بيحبها كان عمل ايه
مروه:متقلقيش أنا هظبط الحوار ده بس عايزه الاول اقفل علي مالك هو عامل نفسه أن مفيش حاجه هتاثر معاه بس هوريه وده عقاب انو كسر قلب بنتي
جاسي:شكلك نوتيها ولاايه متقوليلي هتعملي ايه
مروه بابتسامه خبيثه:غمزتلها سبيها مفاجئه ياجاسي
✨✨✨✨
مراد بنعاس:خير ياجدي مجمعنا متاخر كده ليه فيه حاجه حصلت
حسين:صحوا اخوكم الاول انت يازفت ياللي اسمك مروان
مروان بتثاوب:أنا صاحي اهو ياجدو فاتني حاجه😴
حسين:أنا جمعتكم بعد مالكل نام متاخر عشان محدش يجيلوا فضول سيلا اخبارها ايه يامالك
مالك:اهي نوعا ما كويسه أو بتبين ده بس خير ياجدي قلقتنا ورحت زقيت مروان من علي كتفي عشان يفوق اصحي بقي
حسين:تمام هتكلم أنا مش مرتاح لمروه ولاجاسي ومبحبهمش وبعد خناقه اول امبارح معدتش مطمن خالص فلذلك خلي بالكم جدا منها لان قريب هتعمل حاجه الله اعلم هي ايه وأول حد هتفكر تاذيه هي سيلا ممكن تكون حطتها في دماغها لأنها كانت عايزه تجوز مالك لجاسي وانا اصلا كنت مستحيل اوافق علي حاجه زي كده
مالك:بس انت عارف ياجدي أن في كلتا الأحوال يعني مش هنسيبها لوحدها وبعدين معتقدش أن سيلا ضعيفه لدرجه ديه
حسين بتنهد:مقولتش أن سيلا ضعيفه يامالك بس اللي حصلها الفتره اللي فاتت طبيعي يخليها كده حته لومبينتش ده هي حاليا شبه تائهه متعرفش انهي الطريق الصح بس بمجرد ماتفوق من كل ده فأنا متاكد انها هتبقي قويه بس لوقتها خلوبالكم منها وخلي بالك من نفسك يامالك كنت اتمني اوقف كل حاجه بتحصل دالوقتي بس صحتي معدتش زي الاول أنا معتمد عليكم
مراد:متقلقش ياجدي انت عارف أن سيلا مهمه بالنسبالنا هي تعتبر اختنا الصغيره قبل ماتكون مرات اخونا ريح نفسك بس وكل حاجه هتبقي تمام يلا نسيبك ترتاح وخرجت انا ومروان من الغرفه
حسين:مالك لقيته وقف أنا عارف انك متجوزتش سيلا بارادتك وانك عملت كده عشان تحل الموقف وانك مبتؤمنش بالارتباط اصلا بس حاول تغير ده
مالك بابتسامه:جدي جوازنا هيفضل مزيف وده شئ صعب يتغير سواء من ناحيتي أو من ناحيتها ومتقلقش مش هنفصل عن سيلا غير لما كل حاجه تبقي كويسه وبرغبتها برضو تصبح علي خير واتجهت لغرفتي وقفلت الباب ورايا اقتربت من السرير وغطتها كويس واتجهت لناحيه الأخري ونمت من كتر التعب صحيت تاني يوم الصبح اثر اشعه الشمس ابتديت افتح جفوني ببطئ ببص جنبي لقتها شبه نائمه في حضني حسيت باضطراب اثر قربها مني بس رجعت لوعي رفعت راسها بهدوء من علي صدري وبعدت عنها وحطيت المخده وقومت واتجهت لحمام خدت شاور وبدلت هدومي
سيلا بنعاس:صحيت من النوم ملقتهوش موجود يلااحسن برضو هستولي علي السرير كله😴مفيش حاجه ولقتني قائمه اثر كوب ماء متلج وقع علي وجهي اعاااااا في ايه
مالك بابتسامه:صباح الخير سيلا قولت أصبح عليكي قبل ماامشي😌
سيلا بضيق:منك لله يامالك غرقتني اوف فيه حد يعمل كد
مالك بتنهد:قومي فوقي ياسيلا مش هتقضي اليوم نوم في السرير اعملي اي حاجه تانيه روحي كده خدي شاور وفوقي عشان كلمت لارا ولينا وجايين في الطريق
سيلا:انت كلمتهم ليه اوف مش عايزه اشوف حد
مالك:لينا كلام ياسيلا لماارجع بس لولا ورايا شغل حاليا كنت اتكلمت واتجهت لخارج فلقيت مروان مستنيني هما فين
مروان:معرفش مشفتهمش من ساعت ماصحيت ربنا يستر يلا عشان اتاخرنا بعد فتره كنا وصلنا الشركه
مالك:سبته واتجهت لمكتبي وفتحت الباب بس كانت الصدمه وجودها لاوكمان قعده علي الكرسي بتاعي مدام مروه بتعملي ايه هنا وفي مكتبي مين سمحلك تدخلي اصلا
مروه بابتسامه:اعتقد أن مش هستاذن قبل ماادخل مكتبي يامالك ولاايه
مالك بسخريه:ناقص جنان علي الصبح مكتبك ازاي احنا هنهزر ولاايه مكفكيش مشاكل في البيت جايه تكملي هنا
محمود بجمود:احترم نفسك يامالك مروه مبتهزرش المكتب ده بقي ليها
مالك بانفعال:وده باي حق انشاء الله
محمود بجديه:خدت ملف وادتهوله اقراه كويس مروه بقي ليها جزء من أسهم الشركه وانت عارف أن نصيبك انت واخوك مروان هنا أقل من اسهمي اللي كتبت اكبر منها لمروه يعني بالأصح ده معدش مكتبك يامالك
مالك بانفعال:وده حصل أمتي وازاي تكتبلها الاسهم ديه باسمها ده مش من حقها كمان جدي لو عرف
محمود بسخرية:ولاهيقدر يعمل حاجه وبعدين ديه كانت اسهمي وانا حر اكتبها باسم مين
مالك بعصبية:انت كده بدمر الشركه وهترجعها لحالها من اربع سنين لما كانت علي وشك افلاس وانا ومروان اللي صلحناها
محمود:أنا مبدمرش حاجه انت اللي دمرت نفسك بعندك معايا واصرارك علي جوازك من سيلا وانك متطلقهاش وتطلعها بره البيت ده معدش مكتبك مبقاش ليك حق اداره الشركه اي حاجه ترجع لمروه أو ليا ويايتوافق عليها او لا
مروه بابتسامه خبيثه:قربت منهم والصراحة كده ياحبيبي شايفه شغله مش قد كده يعني كان عامل شو علي الفاضي لذلك طلبت تتنقل حاجته مع بقيه الموظفين اللي في الشركه هيشتغل معاهم معلش يامالك اصل أنا مبحبش اميز حد عن حد ولاايه
بس ممكن يرجع كل حاجه زي ماكانت واخلي جزء من اسهمي باسمك وترجع لمكتبك لواتجوزت جاسي ومتبقاش خسرت تعبك ايه رايك...
يكمل
أنت تقرأ
زواج مزيف
General Fictionكل فتاه تحلم من صغرها بفستان الزفاف والطرحه البيضاء وتتخيل نفسها وهي ترتديه فتظل تحلم بهذا اليوم والذي ستقرر فيه الارتباط بمن أحبت وملك قلبها والذي ستكرث حياتها لأجله ولأجل أن تحقق معه كل أحلامها وتضع آمالا كبيره وتخيلات لحياتها المستقبليه،فتنظر لمر...
