قلبي ليس بيدي

108 🥀

الجزء الثالث..
Part 23:🖤

بقلم حسناء رمضان...
..........

لين: بس انا مش موافقه. 
الكل بصلها بصدمه واستغراب..
ندى: ليه..
لين: مش موافقه.. مش عايزاك يااياد..
سابتنا وطلعت بره والكل واقفين يبصوا لبعض.. متيم سابنا وطلع وراها..
محمد: متأسف يااياد.. بس دي حاجه ترجعلها ف الاخر..
جاكي: انا هقنعها..
.............
متيم: ممكن اعرف اي سبب الرفض!
بصتله بحزن ورجعت بصت بعيد...
متيم: مالك يالين..
لين: مليش.. انا بس مش موافقه عليه..
متيم: اي السبب.. اياد كويس.. واظن ان انتوا بقالكوا فتره كويسه قريبين..
لين: لا.. مش قريبين.. هو انت فعلا مش فاهم يامتيم!!
متيم: مش فاهم اي!
لين: هو انت ليه غبي كدا..
متيم: هنبدأ نغلط اهو..
لين: مبهزرش.. شوف بقالنا مع بعض كام سنه يامتيم.. كل دا ملاحظتش اني بحبك!!.. ملاحظتش اني بعشقك انت!.. بقالي كام سنه عايشه ع امل انك تحس بيا او تبادلني نفس الشعور... بس لا.. روحت حبيت واحده تانيه... واحده غريبه من الشارع.. انت مش متخيل انا عملت اي عشان اعجبك... او عشان الفت نظرك.. انا جربت كل الطرق اللي ممكن تتخيلها يامتيم.. اهتميت وسألت وحبيت وقربت وعملت كل حاجه عشان اقرب منك... وف الاخر ولا عبرتني ولا شوفتني حتى... دايما بتعاملني ع اني اختك.. روحت جبت واحده ملهاش لازمه وحبيتها.. دي واحده من الشارع يامتيم.. اللي فضلتها عليا دي واحده من الشارع.. لا والاكبر بقاا.. انها مبتخلفش.. انت مجنون!!... بتحب واحده مبتخلفش!... وسايبني اناا!!.. طب.. طب اي اللي يجبرك عليها!!.. طب انت ازاي اصلا واثق فيها!!.. مش يمكن كل اللي قالته كدب وانها اصلا ممكن تكون عامله حاجه مش كويسه... مش يمكن هي مش كويسه وطمعانه فيك!!
متيم بصدمه: انتي بتقولي اي!!.. انتي مجنونه!!.. بتحبيني اناا!!
لين: ايوا.. ومن زمان قوي.. وكان نفسي انت اللي تطلب ايدي النهارده مش اياد..
متيم: لين انتي اكيد في حاجه ف دماغك... احنا اخوات.. وانا عمري ماوعدتك بحاجه ولا بصيتلك بنظره مختلفه اصلا.. دايما بعاملك زي اسيل يالين.. انا مش مصدق والله..
لين: طب احنا لسه فيها اهو.. اتجوزني انا.. وسيبك من البت دي.. ع الاقل انا مش من الشارع ولا طمعانه فيك.. ع الاقل انا هقدر اخلف..
متيم: لين.. اول واخر مره هسمحلك تغلطي فيها.. هي مش من الشارع... وحتى لو من الشارع فدي حاجه متخصكيش... انا بحبها وهتجوزها.. وياريت تطلعي الهبل دا من دماغك... احنا اخوات يالين..
لين: لا مش اخوات... ولا عمرنا هنكون اخوات... وانا بقولك اهو... لو مبقتش ليا، صدقني مش هتكون لحد..
متيم: لا انتي مجنونه فعلا...
لين: ايوا مجنونه.. مجنونه بيك ياغبي.. انت اي يااخي... قلبك دا اي..
متيم: افهمي انا مبحبكيش..
لين: ليه.. هاتلي سبب واحد يخليك متحبنيش..
متيم؛ عشان الحب مش بييجي كدا... وبعدين دا نصيب..
لين: وانت نصيبي يامتيم.. وحياتك عندي ماهخليها تتهنى بيك ولو يوم واحد..
متيم: انا مش عايز اتعصب عليكي عشان انتي مش ف وعيك دلوقتي..
لين: طب بص.. اسمعني.. عشان خاطري.. انا والله بحبك قوي.. بحبك فوق ماتتخيل... انا اصلا باجي عندكوا ع طول عشان اشوفك انت.. ودخلت نفس كليتك عشان ابقى معاك طول الوقت... صدقني انا عملت حاجات كتير قوي عشانك.. انا بحبك يامتيم..
كانت بتتكلم وهي بتعيط وصوتها مبحوح...
متيم كان عمال يمشي ايده ع شعره ومش مستوعب اللي بيحصل..
متيم: لين.. اسمعيني.. انا بحبك.. بس زي اختي.. والله العظيم عمري ماشوفتك غير كدا.. ومينفعش اقولك اني بحبك وانا اصلا بحب واحده تانيه..
لين: ليه!!.. تقدر تقولي حبيتها ليه!!...مفيش سبب مقنع يخليك تحب واحده من الشارع ملهاش اهل..
متيم: لين.. كلمه كمان وهمد ايدي عليكي..
لين: عشانها!!.. عشانها يامتيم!.. عملتلك اي.. عملت اي عشان تحبها كدا..
متيم: معملتش.. عشان مينفعش تعمل حاجه.. دا بيبقى قدر ونصيب... بس انتي متعرفيش يعني اي نصيب..
لين: وذنبي اي انا اعيش طول السنين دي ع امل انك هتبقى ليا وف الاخر تيجي تاخدك مني..
بدأت تقرب منه زياده عن اللزوم وحطت ايديها عليه وهو بيحاول يبعدها..
لين: طب حتى.. نتجوز عرفي.. لو انت مش عايز حد يعرف يعني..
متيم: ماتعقلي بقاا..
لين: طب خلاص.. اتجوز وعد وبعدين نتجوز انا وانت عرفي.. صدقني مش عايزه حاجه غيرك..
متيم: لين.. لين فوقي.. انتي مش ف وعيك دلوقتي..
لين: لا ف وعيي يامتيم.. وبعدين مانا بقولك اهو.. اتجوزني عرفي..
متيم: لا... لا يالين.. ابوكي لو سمع الكلام دا هيطير رقبتك..
لين: ابويا!!.. ابويا اللي قهرتوه!!.. عايز تقهرني زيه!!
متيم: نعم!!
لين: ابوك خد جي من ابويا.. ابويا كان بيحبها وبيعشقها.. بس جه بكل دم بارد وخدها منه... ولحد دلوقتي مش قادر ينساها ولا يحب ماما حتى.. دايما بيفكر فيها هي.. بيفكر ف مامتك يامتيم..
متيم بعصبيه: لين.. كدا انتي تخطيتي كل الحدود..
لين: دي الحقيقه ياروحي.. ابويا لسه بيحب جي.. حتى امي قهرتوها.. بسببكوا.. كل دا بسببكوا..
متيم: بلاش كلام فارغ.. اللي بتقوليه دا هيعمل مشاكل ملهاش اخر..
لين: طب بقولك اي.. سيبك منهم دلوقتي.. هوو.. اتجوزني وانا مستعده اعملك كل اللي انت عايزه... بس متروحش لغيري..
متيم: ابعدي يالين كدا غلط... لو حد طلع هيفهم غلط..
لين: طب.. مستعده اسلمك نفسي حتى من غير جواز.. المهم تحن..
خلصت جملتها ولقت قلم خماسي الابعاد ع وشها..
متيم: انتي حد وقح.. ومش انا اللي اعمل كدا.. انتي بنت عمي.. يعني شرفي.. واللي قولتيه دا لو اتكرر تاني هدفنك مكانك... ولعلمك.. انا بحب وعد.. وهتجوزها هي.. واولعى انتي.. عشان الذوق مبينفعش معاكي.. ولو هلمس حد هيبقى هي يالين.. مش انتي.. عشان انا مبحبكيش ولا عمري هحبك... وياريت تطلعيني من دماغك بقاا.. انا مش بحبك.. فهمتي!!
لين: فهمت... فهمت يامتيم.. انت عايزني اعيش عمري مقهوره ومجروحه زي ابويا... عارف!... لو كانت جي وافقت ع بابا من الاول مكنش هيبقى عايش مكسور كدا.. ولو انت وافقت مش هعيش مكسوره... بس انت بتكرر اللي امك عملته... انت بتكرره فيا.. نفس الوجع والحزن.. بس صدقني هتندم... هتندموا كلكوا... هاخد حقي وحق ابويا.. وصدقني مش هرحمك يامتيم.. ومتنساش ان انت اللي بدأت... والقلم دا هرده اضعاف يامتيم.. بس الصبر..
سابته ومشت وهو فضل واقف مكانه.. كنت انا واقفه ورا الحيطه وسامعه كل حاجه ودموعي بتنزل...
متيم لف وشه لقى وعد واقفه.. جت تمشي راح وققها..
متيم: وعد..
وعد: اظن اني قولتلك.. انا منفعكش.. محدش هيتقبلني هنا..
متيم: مش مهم.. المهم انا متقبلك.. وبحبك..
وعد: لا.. الاحسن اني امشي.. مصلحتك مش معايا..
متيم: عايزه تسيبيني!!
وعد: مش خايف لاكون فعلا طمعانه فيك!
متيم: لا... انا فاهمك كويس... انتي مش كدا خالص... وبعدين ميفرقش معايا اي حاجه... المهم اني بحبك قوي.. متسيبنيش ياوعد..
وعد؛ لين بتحبك قوي.. اظن هي مم..
متيم: مليش دعوه... انا عايزك انتي.. انا مبحبهاش..
وعد: هعملكوا مشاكل كتير قوي.. صدقني الاحسن اني امشي..
متيم: الاحسن انك تفضلي معايا.. مش هسيبك مهما حصل..
.............
ـ خير يادكتور..
الدكتور: لا خير الحمد لله... دا هبوط بس من قلة الاكل..
ـ يعني هو كويس!
الدكتور: كويس الحمد لله... بس لازم ياخد الدوا دا وياكل كويس.. وياريت يرتاح شويه عشان باين عليه الارهاق..
ـ حاضر يادكتور..
الدكتور مشي..
ـ سمعت!!.. سمعت ياعدي!
عدي: ياماما مش مستاهله كل دا والله... انا بس دوخت شويه..
ـ اسمع ياض انت.. مفيش شغل تاني.. دانت حتى الجامعه مش بتروحها.. انت ترجع زي الاول.. من الجامعه للشغل العادي.. اما شغل الضغط دا مينفعش... بلاها جوازه دي يابني... هي لو عايزاك هتقبل بيك ف كل حالاتك.. واظن انت مكدبتش عليها من الاول..
عدي: ماشي.. سيبيني انام بقاا شويه والنبي..
...........
اسيل: في اي ياماما..
جاكي: مفيش.. فين ابوكي..
اسيل: قاعد جوا.. بس انا مش فاهمه اي اللي بيحصل دا.. ولي لين رفضت..
جاكي: معرفش.. اوعي من وشي..
سيبتها ودخلت جوا لقيتهم كلهم قاعدين ساكتين واياد قام مشي..
اليوم عدى والكل مشي..
طلعت قعدت ف اوضتي وفضلت اعيط.. جاك طلع ورايا..
جاك: في اي.. بتعيطي ليه!!..
جاكي: كل دا بسببي..
جاك: هو اي اللي بسببك.. هي مش عايزاه.. انتي مالك..
جاكي: انا السبب ف كل المشاكل اللي بتحصل دي..
جاك: طب بالراحه وفهميني..
جاكي: انت عارف هي رافضه ليه!!
جاك: ليه..
جاكي: بتحب متيم..
جاك: نعم!!
جاكي: شوفت.. ودلوقتي هي شايفه انه بيعمل فيها زي مانت عملت ف محمد..
جاك: مش فاهم..
جاكي: هي فاهمه انك خدتني من محمد.. وانه لحد دلوقتي مجروح بسببك... ومتيم جرحها لما حب وعد..
جاك: اي الكلام الفاضي دا.. وبعدين اصلا ازاي تتكلم ف حاجه زي دي!.. دي حاجه من سنين دا غير ان هما ملهمش دعوه بحاجه تخصنا..
جاكي: انا تعبت..
جاك: متتعبيش نفسك.. انتي ملكيش ذنب ف حاجه.. لا انتي حبيتي محمد ولا متيم حب لين.. ودا مش ذنبكوا.. دا نصيب..
جاكي: مكنتش عايزه دا يحصل..
جاك: ودا حاجه غصب عننا كلنا ياحبيبي.. مش ذنبك خالص.. بطلي عياط بقاا عشان انتي عارفه اني مبحبش اشوف دموعك دي..
جاكي: تفتكر ممكن تعمل حاجه ف نفسها!
جاك: لا ان شاء الله مفيش حاجه..
................
جوري: بتعملي اي هنا..
اسيل: لا انا كدا قلقت جامد.. عدي مش كدا... دا كان بينطلي كل شويه..
جوري: ااه فعلا.. حتى المفروض كان ييجي النهارده..
اسيل: حاسه ان في حاجه.. بقولك اي.. تفتكري بابا هيوافق يخليني اروحله البيت دلوقتي!!
جوري: نعم ياختي.. بيت اي اللي تروحيه..
اسيل: امه وابوه هناك ياختي.. اكيد مش هروحله وهو لوحده يعني.. المهم هاا..
جوري: مظنش ان بابا هيوافق.. خليها بكرا بعد الجامعه.. وبالمره نعدي انا وانتي..
اسيل: ماشي..
جوري: بس صحيح.. هي لين رفضت اياد ليه!
اسيل: معرفش.. بس ياحرام دا كان متضايق قوي..
جوري: بيحبها بقاله كتير ع فكره... هو قالي من زمان وكان مستني فرصه يقولها فيها..
اسيل: مش عارفه بقاا..