قلبي ليس بيدي

67 🥀

Part 67:🖤🥀

طويل قوي وفرفوش اهو🙂

بقلم: حسناء رمضان
ـــــــــــــــــــــــــــــــــــــــــــــــــــــــــــــــ
رفعت وشي لقيته جاك.. وقف قدامي وهو عينيه بتطق شرار..
وبدون مقدمات راح ضربه بالبوكس ف وشه وقعه ع الارض..
قام ومسح وشه وكانت مناخيره بتجيب دم..
راح مسكه من رقبته وفضل يضرب فيه..
جاكي: جاك.. جاك بس خلاص.. جاك خلاص..
جاك: ايدك دي لو اترفعت عليها تاني هكسرهالك..
عماد: وانت مالك.. هي مش مراتك دلوقتي.. يعني مسؤوله مني انا..
فيروز وماما طلعوا ع الصوت..
فيروز؛ في اي يابني.. يالهوي اي دا..
جاكي: كان هيمد ايده عليا..
ماما: انت اتجننت!!
عماد: ماتساليها كانت بتعمل اي.. دي كانت بتحضن واحد غريب.. بقت قليلة ال..

مكملش وجاك كمل ضرب فيه..
فيروز: بس ياجاك خلاص..
جاك: اسمع يللا.. انا هسيبك دلوقتي عشان بس انتوا ضيوف.. انما وعهد الله لو بصتلها بس لاخزق عينيك..
ماما: بس خلاص ياجاك.. وانت.. انت مالك بيها.. انت هتعمل راجل عليها!
عماد: يعني اشوفها بتحضن واحد غريب واقف اتفرج!
جاكي: ادم اخويا ع فكره.. انت اللي غريب..
عماد: اخوكي!!
ماما: ايوا اخوها.. يعني هي تآمنله ولا تآمنلك انت... وبعدين الشويتين دول مش هياكلوا معانا.. هتفكر تضايقها تاني انا اللي هقفلك..
فيروز: بس خلاص ياجماعه.. هو مكنش يعرف.. روح ياحبيبي ادخل جوه..
دخلوا وفضلت انا وجاك..
جاك: هو احنا مش هنخلص ولا اي..
جاكي: وانا مالي..
جاك بغيره: وانتي من امتى بتحضني ادم!
جاكي بدلع: اخويا..
جاك: جاكي.. متستغليش الحته دي عشان بتضايق بجد..
جاكي: انت كنت بتضايق عشان هو كان غريب.. اما دلوقتي بقاا اخويا.. يعني احضنه براحتي..
قرب مني بغضب كدا ورفع ايده..
جاك: عارفه.. هكسر عضم وشك..
جاكي: خلاص والله.. اني اسف..
جاك: قال اخوكي قال..
جاكي: بتغيري يابطه!
جاك: جاكي..
جاكي: طب والله بتغير.. وهتطق كمان..
جاك: طب يلا اطلعي ع اوضتك.. ولو اي حد ضايقك تاني، قولي جاك بس.. وانا همحيه..
روحت مسكته من خدوده..
جاكي: يخليك ليا ياقمر انت وتفضل تدافع عني كدا ع طول... بس جامد انت هاا.. طلع العضلات ليها لازمه اهو.. يلا باي.. اموااااه..
سيبته وطلعت اجري وانا بتنطط..
جاك: بقاا انا بحب دي!!... دي قد عيالي.. يارب صبرني..
طلع اوضته وانا دخلت اوضتي وانا بغني..

جاكي: بيغير عليااا بيغير علياااا... ولولللللولي..
نور: لاول مره هتمنى اني اتجوز واحد زي جاك..
جاكي: انتوا شوفتوا اللي حصل!
هند: ااه طلعنا البلكونه ع الصوت..
ندى: بس اي الجمدان دا.. ارزقني يارب بحد يبقاا باد بوي ووسيم وتقيل وليه هيبه وبدقن وحامي وعصبي ويبقى بودي جارد جامد كدا زي جاك يارب..
جاكي: ماتاخدي جاك اسهل..
ندى: ياريت..
جاكي: بعينك.. دا جوزي قرة عيني دا.. اسكتي عشان انا مبسوووووطه...
ندى: يعني انتي كدا هتتجوزي وياخدك ويمشي!.. لا ياجماعه الموضوع بايخ والله..
جاكي: هاخدك معايا ياقمر انت.. هو انا اقدر اسيبك..
نور: صحيح هتروحوا شهر العسل فين..
جاكي: حزروا كدا!
هند: فرنسا مثلا..
جاكي: تؤتؤ..
نور: امريكا!
جاكي: تؤتؤ..
ندى: امال اي..
جاكي: المالديف..
نور: احلفي!!!
جاكي: والله..
ندى: جاكي.. حبيبتي.. انا اختك.. خديني معاكوا ومش هعمل صوت.. هقعد ساكته والله..
جاكي: دا شهر عسل.. هتروحي تعملي اي..
ندى: مانا بقولك مش هعمل صوت.. هغمي عيني والله..
جاكي: بطلي قلة ادب.. لا مش هتروحي.. انا هبقاا اكلمكوا فيديو كول من هناك واخليكوا تشوفوا كل حاجه..
ندى: يارب.. انا مستنيه اللي هتبعته..
بعدين جتلي مسدج من جاك..
جاكي: استاذنكوا انا بقاا وادخل البلكونه..
ندى: اي النداله دي.. ماتخلينا نشوف بتقولوا اي..
جاكي: تؤتؤ.. اسرار..
سيبتهم وطلعت نمت ف البلكونة وقعدنا نرغي كتيييير لحد مانعست...
ـــــــــــــــــــــــــــــــــــــــــــــــــــــــــــــــ
جه اليوم الموعود... صحيت ع صوت العصافير.. وكإنها بتغني وبتزين اليوم من اوله كدا.. قومت وانا مبتسمه وقلبي بيدق بسرعه.. دخلت اخدت شاور واتوضيت وصليت والبنات صحوا..
نور: صباح الخير ياعروسه..
جاكي: صباح النور ياقمر..
فيروز دخلت وهي بتزغرط..
فيروز: ياالف مبرووك... لولللللللولي... عشت وشوفتك عروسه ياختي..
جت حضنتني وهي شغاله زغاريط..
فيروز: اقعدوا كلوا بقاا عشان اليوم هيبقى طويل ومحدش هيبقى فاضي للاكل..
جاكي: طب هو جاك كل ولا لسه!..
فيروز: خايفه عليه ياختي!.. واي اللي هيحصل لو مأكلش يعني..
جاكي: لا عشان ميتعبش..
ندى: ياحنين..
نور: بقيتي ممحونه ليه ياختي..
جاكي: ملكوش دعوه.. جوزي وبتطمن عليه..
فيروز: لسه مبقاش جوزك ياختي.. وفري الشويتين دول لبعد الجواز...
جاكي: طب والنبي شوفيه وخليه ياكل كويس..
فيروز: يالهوي عليكي.. حاضر ياختي.. اقعدي كلي انتي بس..
طلعت وقعدت كلت مع البنات وهما بيزغرطوا تحت وتقريبا في ناس كتير تحت...
بصيت لقيت الباب خبط.. نور فتحت وكانوا سلمى وشهد قرايبهم..
نور: اهلا.. شرفتوا..
سلمى: ازيك ياعروسه..
جاكي: كويسه ياحبيبتي..
شهد بغل: مبروك.. يكملهالكوا ع خير...
جاكي: ان شاء الله.. هتكمل ع خير.. قولي يارب بس..
نور: يلا ياجاكي عشان تبدأي تجهزي...
ـــــــــــــــــــــــــــــــــــــــــــــــــــــــــــــــ
محمد: يلا ياجاك..
جاك: مالك جه!
محمد: ااه تحت هو وادم..
جاك: اوكي يلا..
نزلوا وراحوا يجهزوا نفسهم وانا مع البنات فوق..
منه: ايوا بقاا ياعروسه..
جاكي: عقبالك ياقمر..
منه: يااارب..
الجو كان مبهج جدا جدا والكل مبسوط وبيزغرطوا وحاجه كدا قمر...
لقيت جاك بيتصل..
جاكي: الو..
جاك: بصي.. في عربيه تحت.. هتنزلي تركبي لوحدك وتروحي معاهم..
جاكي: يعني اي..
جاك: ملكيش دعوه.. انزلي اركبي لوحدك وهتعرفي كل حاجه..
قفلت معاه وانا مش فاهمه..
ندى: في اي..
جاكي: بيقول في عربيه مستنياني تحت.. ومعرفش في اي..
ندى: ااه اكيد هياخدك يوديكي مكان حلو عشان تجهزي فيه... روحي بسرعه..
جاكي: تعالي معايا..
ندى: لا هو عايزك لوحدك..
جاكي: لا مش هروح لوحدي.. تعالي معايا..
ندى: لا اسمعي الكلام.. متبوظيش الدنيا..
نزلت وركبت والبنات بيجهزوا فوق...
وصلنا المكان ودخلنا...
ـ اتفضلي...
جاكي: هو انتي مين.
ـ انا الميكب ارتست... جاك بيه عرفني كل حاجه
جاكي: ااه.. تمام..
قعدت وهما بيجهزوني...