Part 75:🖤🥀
بقلم: حسناء رمضان
ـــــــــــــــــــــــــــــــــــــــــــــــــــــــــــــــ
جاكي: انتي بتعملي اي..
شهد: بصحي جاك..
جاكي: تصحي جاك اي يا متخلفه انتي..انتي ازاي تدخلي علينا كدا..
جاك صحي ع صوتي..
جاك: في اي.. اي دا انتي بتعملي اي هنا..
شهد: هند قالتلي اطلع اصحيكوا عشان الكل تحت..
جاكي: يبقى تخبطي ع الباب واحنا نطلع.. مش تدخلي كدا زي الحراميه..
شهد: وانتي مالك.. هو انا كلمتك!
جاكي: مال مين ياحيوانه.. دانتي معندكيش دم ولا ذوق ولا اخلاف..
جاك: بس ياجي..
جاكي: راعي حتى ان مراته معاه.. امال لو لوحده كنتي عملتي اي!!... اي البجاحه اللي انتي فيها دي..
شهد: انتي ازاي تكلميني كدا!.. ماتحترمي نفسك..
جاكي: انا اللي احترم نفسي!!.. هو العيب دا معداش ع عيلتكوا قبل كدا!!.. محدش علمك الصح والغلط!
شهد: انا ساكته عشانك انت ياجاك..
جاكي: لا اتكلمي يابت.. وشوفي انا هعمل فيكي اي..
شهد: هتعملي اي يعني.. وبعدين احترمي نفسك بقاا.
روحت مشيت عليها ومسكتها من شعرها وجرجرتها لبرا..
جاكي: اسمعي ياقليلة الحياء انتي.. لو قربتي لجوزي تاني انا مش هرحمك.. انتي فاهمه!
جاك: جاكي اهدي مش كدا..
جاكي: اهدى اي انت كمان... دي دخلت علينا واحنا نايمين... ماتنامي معانا بالمره..
الكل جه ع الصوت..
جاك: جاكي خلاص..
جاكي: لا مش خلاص.. دي واحده قليلة ذوق..
شهد: ع فكره انا بعرف ارد كويس.. بس انا ساكته عشان جاك..
جاكي: لا اتكلمي ياختي.. وريني عندك اي يابجحه..
فيروز: بس بس اي كل دا.. في اي
شهد: شوفي عماله تشتمني ازاي..
جاكي: قوليلها كنتي بتعملي اي.
ماما: ماتهدي يابنتي وتقولي في اي..
جاكي: صحيت لقيت الهانم ف اوضتي وبتصحي جوزي..دا اسمه اي ان شاء الله..
فيروز: انتي دخلتي عليهم الاوضه!
شهد: هند قالتلي اطلعي صحيهم.. وانا عملت كدا..
ماما: مينفعش تدخلي عليهم اوضة النوم يابنتي..
فيروز: هند قصدها تخبطي ع الباب ياشهد.. مش تدخلي جوا..
شهد: وفيها اي.. مانا متعوده ع كدا وبصحيه ع طول..
جاكي: الكلام دا كان زمان ياروح ماما.. دلوقتي ملكيش دعوه بجوزي خالص انتي فاهمه!.. انا دلوقتي مراته.. يعني تقوليلي وانا اصحيه... انتي ميخصكيش..
شهد: عادي جاك زي اخويا..
جاكي: بقولك اي يابت انتي.. اقسملك همسح بكرامتك الارض.. اي البجاحه دي!.. محدش علمك الذوق قبل كدا!..
شهد: عاجبك كدا ياجاك!
جاكي: كلميني انا.. ملكيش دعوه بيه... هو انتي متخلفه ولا في اي ف دماغك مش فاهمه انا.. دا جوزي ياماما.. بطلي غباء.. شغل البنات دا انا عارفاه كويس.. بلاش تيجي معايا انا عشان انا لساني طويل..
جاك بهمس: يخربيت لسانك...
فيروز: بس خلاص.. خلاص ياجي.. حقك عليا انا.. انا هفهمها.. ادخلي انتي وانا هاخدها..
جاكي: جاتك القرف فيكي وف ومنظرك..
خدوها ونزلوا وانا قفلت الباب ودخلت قعدت ع السرير بنرفزه وهو واقف يلعب ف شعره..
جاك: هي هتقلب نكد عليا!
جاكي: متتكلمش معايا..
جاك: احيه وانا مالي.. انا كنت نايم..
جاكي: ماهو لولا حضرتك سمحتلها تعمل كدا من الاول مكانتش اتجرأت وعملت كدا دلوقتي..
جاك: ممكن تهدي.. خلاص انتي شرشحتيلها بره.. فكي بقاا..
ـــــــــــــــــــــــــــــــــــــــــــــــــــــــــــــــ
فيروز: انتي اتجننتي!!.. ازاي تدخلي عليهم الاوضه!
شهد: معرفش.. انا متعوده اصحي جاك كدا..
هند: انا غلطانه اني قولتلك والله... انا قصدي تخبطي ع الباب.. مش تدخلي جوه..
نور: بس خلاص ياجماعه... متبوظوش اليوم.. وادي طنط دلال وصلت اهي..
فيروز: طب بس اسكتوا مش عايزين خناق قدامهم...
YOU ARE READING
قلبي ليس بيدي
Romanceربما يأتي القدر بشخص يكون طبطبةً من الله لقلوبنا... تأخذنا الرياح حيث تهب.. ولا ندري ماذا يُخبئ لنا القدر بَعد... لگننا واثقون من الجبر القريب♥🚶 تحكي القصه عن فتاه في مُقتَبل عمرها.. القاها القدر في طريق غير طريقها... فهل ستعود!.. ام سينتهي بها الم...