في ربيع عمري اصبحت اسير ذكرياتي

احداث جديدة

مساء،الخير عسولاتي

اليوم حبيت ابينلكم الاحداث الجديده لقصتنا
مشاهده .....    قيصر  .....

كعدت الصبح أباوع .... ب7 ونص
فزيت .. خاتون بصفي نايمه

ويافزتي ... طفرت  هيه  سحبت لحاف
ع جسمها ....  كالت  : شصاير شبيك

..... عوود صدك ،،،، ماوقتي التلفووون
تحركت التفت نزل من مخده شعرها
ع وجهه ...  فزت كامزة .... مخترعه

صرخت

..... هااي شلوون منزعني  ،،، هيج
عززززة متستحي مستخف
كلششش

اؤؤؤؤ سالفتها مطولة ..على ماتصحصح
عفتها فتت للحمام
غسلت وجهي ... طلعت لكييتها لابسه
الروب وبعدها ع الفراش ... جارتلها صفنه

تمعنت بيها .... صدك شكلها  ... حلوو
وهيه مثوولتها

طلعت ملابسي  ... وكمت بدلت بسرعه
نزلت ... هيه  خلتلي كوبين
ولفه

وصلتني للباب ....   ومغمضه متدري
بروحها ... اشو بستها تكلي
سلملي

اشرتلها بيدي ... واكلها

..... هوووو عرب چووول كعدوووو
فتحت عيوونها ... بستها
وطلعت 

ركبت بالسيارة ... وبيدي اللفه فتحتها
مطعمتها بجبن

ضليت أكل ... بيها  وأضحك كصيت
نص للسايق وانطيته وياي
كال : مشكور استاذ تريكت من صبح 

دكل بوويه اكل ... فتت للمحكمه 
بين قضايا ومشاكل خلصت مرافعه  

فتحتت تلفوني ... دازتلي صوره قيس
نايم وشابگ التلفون وبصفه
اسد

كاتبه جواها

..... شفتهم الملاعين فايتين وماخذين تلفون
من يم راسي وباقين الليل سهرانين
ع افلام كارتوون

قريت الرساله وضحكت ...كتلها 

.... عفيه  ذوول مايصفون بس عالمكاسير
..... ههههههههه 

... خاتون
.... هاعمري
.... أشتاقيت

..... شسالفه قيصر البارحه ملزمني خفارة ... وين
لحگت تشتاق

قريتها وطگيت .... ضحك 
كتبتلها 
.... بس لو صفين النيه قصدي ع غزال
.... عود أشمعنى شهد ماتشتاقلها

... ها بوويه لاتخلقين فتنه بيني وبين بنياتي

.... يافتنه انت أصلا أهتمامك بس
بغزال وين العدل سيادة
القاضي

..... غير هيه غزال ومايصيدونه  مثل
البالي (( أمها ))

دزتلي بصمه صوتيه ... وكالت بيها بهمس

... احبك احبببك احببببك اموو عليك
.... ماعت روحي 

..... هههههه
.... اليوم يجوز اتاخر