في ربيع عمري اصبحت اسير ذكرياتي

البارت الرابع

صباح الخير
البارت الرابع
#في ربيع عمري اصبحت اسير ذكرياتي
الكاتبة / ايلاف النجوم

••••بيارق اخذت بنات افترينا كتلهن اكلجن
نجمة :گولي ....بيارق: مالي خلك نروح نسوگ
خاتون ونجمه: حتى احنا خل نفتررر شووي
نجمة:افترينا واخذنا موطه اشوف خاتون بوقتها ضايجه بيارق ما اعرف شنو بس ساكته تعابيرها ما. تطي شي وانا اطرش بالزفة حسيت الوضع متوتر گتلها
نجمة:بيارق انا تعبانه رجعيني للبيت
بيارق: انشالله....
خاتون:حتى انا مالي خلگ....
بيارق:صار تامرن ،،،،،، نجمه للبيت رجعتني بيارق للبيت نزلت للفرع كتلها اريد اتمشى ضليت اتمشى من بداية آلفرع وصلت قريب البيت، قبله جوارينه ب 3 بيوت عدهم شجرة عالية بابهم،،،،ضليت واگفه او بالأصح خاتلة وراها وراها اباوع قيس بسيارته گاعد بيدة تلفونه ضليت واگفه واباوعله عدل مراية يباوع لشعرة هههههه عدلة بالمراية شگد احب رموش عيونه وگذلة مالته من دنگ وطيح صحيح مو طويله بس احب اركز ب ادق تفاصيلة  قيس ابن خالتي انا فكيت عيني علية ما اعرف بداخلي شنوو تجاهه شعور حب ،اعجاب،جائز حب مراهقة وحتى طبية على مودة بس على مود اشوفة يومية وهاذ كله مشبعانه من شوفته هواي يجيلنا بالأخص والدتي مربيته يمر عصرية وبليلة يسافر ابوي يبات يمنة عينه ابد مو زايغه مؤدب وعاقل ومن يشوفني كلة يگلي خويه أعتبره كلشي بحياتي إلا اخوي اعرف البداخلة أنو انا أخته مجرد أخت و بت خالة او صديقة بس مليون بالمية من سابع المستحيلات يباوعلي بغير عين هههههه او بالاحرى مثل العين الي يباوع بيها خاتون شكد أحاول ما اغار بس كل مرة الگة روحي مكسورة أكثر كل ما اسكت أيام يجي يسألني خاتون شسوت شلابسة اليوم و إسئله متخلص خاتون خاتون خاتون يالله يا گلب شگد كسرتك چبيرة باوعت للسما عيوني تلالي بيها الدمعه برگبتي قرآن لزمته گتلة يا ربي أذا هل حب بي فايدة خلي حبه بگلبي بس إذا حبه عذاب الي شيلة ياررب تعبت وكامت طيح دموعي شفته إنتبهلي نزل من السيارة درت مسحت دموعي وكملت مشي شفته ضحكت ياااااااا اللّه شكد ضحكت هل ضحكة چذابية گدامة دومي أسأل نفسي ليش أنا من اشوفه يضحك اعرف ضحكتة چذابية لو لا ليش اكشفه ليش أحس بي وهوا ميحس ليش انا اشوف عينه من بيها الحزن وشفايفه من يضحك ضحكه الچذب وهوا ميشوفها ليش لييش  ما تحس لك حس بنفسي. اصرخ بوجهه كااافي حس حس بيه گلبي ذبلتة بس كالمعتاد هههههه خيبة أمل
قيس:هلا نجومه عجيب شو رجعتو ما طولتوو ليش
نجمة:مالنا واهس على غير مرة انشالله حسيته توتر گالگال
قيس:خاتون يعني اقصد بيارق حچت ويا خاتون بشغله شي منا منا لو لا،،،،،،،،نجمة:ما حچن شي گدامي
قيس:هاااا،،،،..........نجمة:اي،،،،،،،
قيس:زين نجمة شسوت خاتون شحچت بالله سولفيلي عجبها من السوگ شي او حچت عني شي...
نجمة: ما رحنا للسوگ لا محچت شي عليك گضتها ساكته...
قيس: زين شلونج انتي 🙈🙈؟؟؟
نجمة: ههههههههه بعد. وقت قيس أفندي...... گام يضحك بصوت نوب ضل يتغمز😉😉ويگول عادي عادي
نجمة:نسكت  شكم قووش قزح عدنا هههههههههههه
قيس:ولج اوگفيلي لسانج طولان....نجمة ركضت للبيت رغم 3 بيوت بس فرحانة واركض من صدك على موصلت للبيت باوعتله واكف برمودة مالته وحاط ايده بجيبة ويضحك اووويلي ضحكته تخبل صرخ سدي الباب
سديتة وگفت ورا ايدي على گلبي يدگ حيل  دخلت لغرفتي بدلت ملابسي ونمت لفلفت روحي بالبطانية يمكن گمطت نفسي على الفرحة الي أحس بيها افكر اوويلي هاي غمز وضحك وصرخ سدي الباب هيج صارر بيه لعد لو يگلي احبچ اطيييح اويلي كمت ارفس برجبس وأصيح ييييي
يمي اختي نايمه صرخت
---أدري ثور أسترالي يمي خل انااام لا ترفسين ....
نجمة:غطيت راسي وثبتت ونردت انام شكد حاولت أنام  أحلام أحلام براسي كلهن اريد احلمهن واشوفهن انا
وقيس بالَحَلم....أحس گلبي يريد يصرخ قيس أحبك....¤¤¤¤¤¤¤¤¤بيارق•••••••
ضلينا بالسيارة انا وخاتون 
خاتون:بيارق بسرعه وديني للشط شوي مختنگه...
بيارق:هسه هاذ أمر طلب شنو سالفته ما فهمت...
خاتون:😡😡 اليعجبج انتي شتشوفين؟؟؟
بيارق :إلي يعجبج اشوفة تدللين خاتونة....
رحنا للشط يم مكان قريب على تنومه صادف بوقتها يبنون بالجسر مال التنومه مخَلصين النافورة إلي يم الجسر ومنه جسر شبة خالص يعني  وگفتها جبتلها لبلبي انا من نوع ما احب لبلبي صح شتا بس احب الماي مالة وعليه حامض اووويلي يصير يجنن ضليت منتظرة واباوع  على ما ييخلص النفس دنيا اوف🙈شگد مشتهيته ....
¤¤¤¤¤¤¤¤¤¤¤¤¤¤¤¤¤
¤¤خاتون¤¤¤¤¤¤¤¤¤¤¤¤¤¤¤¤