في ربيع عمري اصبحت اسير ذكرياتي

البارت العاشر

#ﻓﻲ_ﺭﺑﻴﻊ_ﻋﻤﺮﻱ ﺍﺻﺒﺤﺖ ﺍﺳﻴﺮ ﺫﻛﺮﻳﺎﺗﻲ

#ﺍﻟﻜﺎﺗﺒﺔ / ﺍﻳﻼﻑ ﺍﻟﻨﺠﻮﻡ

#ﺍﻟﺒﺎﺭﺕ_ﺍﻟﻌﺎﺷﺮ

ﺧﺎﺗﻮﻥ
ﺍﻟﺘﻔﺖ ﺍﻣﻲ ﺗﺪﻣﻊ ﻭﺍﻛﻔﻪ ﻭﺭﺍﻱ
ﻧﺠﻤﻪ ﻭﺍﻛﻔﻪ ﺑﺎﻟﺰﺍﻭﻳﻪ ﻻﻓﻪ ﺣﺠﺎﺏ ﻋﻠﻰ ﺭﺍﺳﻬﺎ
ﻋﻴﻮﻧﻬﺎ ﺗﺪﻣﻊ ﺑﻴﺎﺭﻕ ﻓﺮﺣﺎﻧﻪ
ﺻﺎﺭﺕ ﺑﺎﻟﺪﻳﻮﺍﻧﻴﻪ ﺻﻮﺭﺕ ﺍﺑﻮﻱ ﻛﺪﺍﻣﻲ
ﺇﺣﺴﺂﺱ ﺷﻠﻮﻥ
ﻣﺸﺎﻋﺮﻱ ﻣﺨﺮﺑﻄﻪ ﺍﻧﺎ
ﺍﻷﻳﺎﻡ ﺍﻟﻔﺎﺗﺖ ﻛﻠﻬﺎ ﺃﻓﻜﺮ ﺑﻘﻴﺲ
ﺷﻨﻮ ﺫﻧﺒﻪ ﻳﺎﺧﺬ ﻭﺣﺪﺓ ﻋﺪﻫﺎ ﻧﻘﺺ
ﻣﺸﺎﻋﺮﻱ ﻣﺨﺮﺑﻄﻪ ﺍﺳﺘﺎﺫﻧﺖ ﻛﺘﻠﻬﻢ ﺑﺲ ﺭﺑﻊ ﺳﺎﻋﻪ
ﺍﻻﺏ ﻋﻠﻲ ﻗﻴﺲ ﻛﺎﻫﻢ ﻣﺎ ﻋﺠﺒﻬﻢ ﻣﻮﻗﻔﻲ
ﺑﺲ ﻗﺪﺭﻭﻭ ﺇﺣﺴﺂﺳﻲ ﺍﻧﺎ ﺗﻌﺒﺎﻧﻪ
ﺍﻧﺎ ﺧﺎﻳﻔﺔ ﺍﻱ ﺧﺎﻳﻔﻪ ....

ﺧﺎﻳﻔﻪ ﻣﻦ ﺍﻟﻤﺴﺘﻘﺒﻞ ﻭ ﻣﻦ ﺣﺎﺿﺮﻱ ﺩﺧﻠﺖ
ﻟﻐﺮﻓﺘﻲ ﺩﺧﻠﺖ ﻛﻌﺪﺕ ﻋﻠﻰ ﺟﺮﺑﺎﻳﻪ
ﻣﺤﺘﺎﺭﺓ ﻣﺘﻮﺗﺮﺓ ﺧﺎﻳﻔﻪ ﻭ ﺍﺑﺠﻲ
ﻳﺎﻟﻠﻪ ﺗﻌﺒﺖ ﺭﺍﻭﻳﺘﻲ ﻃﺮﻳﻘﻲ
ﺍﺑﺎﻭﻉ ﻧﻔﺴﻲ . ﻻﺑﺴﻪ ﺑﺪﻟﺘﻲ ﻭﺭﺟﻠﻴﻪ ﺑﻴﻬﻦ ﺅﻃﻮﺑﺔ ﻣﺎﻝ ﻳﺎﺱ ﻭﺍﻳﺪﻱ ﺩﻧﻜﺖ ﺩﻣﻌﺘﻲ
ﻃﺎﺣﺖ ﻭﻧﺰﻟﺖ ﺭﺍﺳﻲ . ﻇﺎﻫﺮ ﺍﻧﺎ ﻣﺎ ﺭﺍﺡ
ﺃﻧﺴﻰ ﻭ ﺭﺍﺍﺡ ﺍﺑﻘﻰ ﻓﺎﺷﻠﺔ ،،،
ﺭﺣﺖ ﻃﻠﻌﺖ ﺳﺒﺤﻪ ﻣﺎﻝ ﺑﺎﺑﺎ
ﺍﺑﺎﻭﻉ ﻋﻠﻰ ﺳﺒﺤﻪ ﻭ ﺍﺑﺠﻲ
ﺩﺧﻠﺖ ﺍﻣﻲ ....
ﺍﻻﻡ : ﺧﺎﺗﻮﻥ
ﺧﺎﺗﻮﻥ : ﺃﻧﺘﻲ ﺷﺠﺎﻳﻪ ﺗﺴﻮﻳﻦ ﺑﻐﺮﻓﺘﻲ
ﺗﻔﻀﻠﻲ ﻃﻠﻌﻲ ﺑﺮﺍﺍﺍ ﻣﻦ ﺭﺧﺼﺘﺞ
ﺍﻻﻡ : ﺑﻨﺘﻲ .......
ﺧﺎﺗﻮﻥ ﺻﺮﺧﺖ ﻋﻠﻴﻬﺎ ﺑﺼﻮﺕ ﻛﺘﻠﻬﺎ ﺩﻳﺮ ﺑﺎﻟﺞ ﺗﻜﻮﻟﻴﻦ
ﺑﻨﺘﻲ ﺍﻧﺎ ﻣﻮ ﺑﻨﺘﺞ
ﻛﻌﺪﺕ ﺍﺑﺠﻲ ﻋﻠﻰ ﻓﺮﺍﺵ . ﻛﺘﻠﻬﺎ ﻣﺎﻣﺎ
ﺍﻷﻟﻢ ....
ﺍﻷﻟﻢ،،ﻭ ﻗﻬﺮﺭﺭ ﺑﺪﺍﺧﻠﻲ ﺑﺲ ﺍﻟﻠﻪ ﻳﻌﻠﻢ ﺑﻲ
ﻛﻠﺒﻲ ﻣﺎ ﻧﺎﻭﻱ ﻳﺠﻮﺯ ﻭﻣﺴﺘﻤﺮ ﻳﺎﺫﻱ ﻧﻔﺴﻪ
ﺿﻤﻴﺮﻱ ﻳﺎﻧﺒﻨﻲ ﻟﻐﻠﻂ ﻣﻮ ﻏﻠﻄﻲ ﺍﻧﺎ ﻏﻠﻄﺔ ﺍﻟﻘﺪﺭﺭ
ﻏﻠﻂ ﺍﻟﻮﻭﻭﻗﺖ ﺍﻝ ﻏﻠﻂ
ﻏﻠﻄﺞ ﺃﻧﺘﻲ
ﻟﻮﻣﺎ ﻣﻦ ﺧﺎﺑﺮ ﺃﺧﻮﺝ ﺳﺄﻝ ﻭﻳﻦ ﺃﻧﺘﻢ ﻭﻛﺘﻴﻠﻪ ﺑﺎﻟﺤﻔﻠﺔ
ﻭﻋﻔﺖ ﺧﺎﺗﻮﻥ ﺗﺪﺭﺱ
ﻟﻮﻭﻭ ﻣﺎﺍﺍ ﻣﺎ ﻛﺘﻠﺘﻴﻨﻲ ﻟﻮ ﻛﻌﺪﺗﻴﻨﻲ
ﻭﺳﺎﻟﺘﻴﻨﻲ ﻣﺎﻣﺎ ﺃﻧﺘﻲ ﺷﺒﻴﺞ ﺷﺼﺎﺭ
ﻭﻳﺎﺝ ﻟﻴﺶ ﺧﺎﻳﻔﻪ ﻣﻦ ﺧﺎﻟﺞ ﻟﻴﺶ ﻛﺎﺭﻫﺘﺘﻪ
ﻻﺗﺒﺠﻴﻦ ﺑﺠﻴﺞ ﻭﻧﺪﻣﺞ ﻭﻳﻦ ﺗﺼﺮﻓﻴﻨﻪ
ﻫﺴﻪ ﻟﺞ ﺗﺴﺘﺤﻲ ﺭﻭﻭﺣﻲ ﺗﺘﻘﺒﻠﺞ ﺃﻡ ﺑﻌﺪ ....

ﺃﻳﺎﻡ ﻭﻟﻴﺎﻟﻲ ﺍﻛﻠﺞ ﺧﺎﻟﻲ ﻳﻠﺰﻣﻨﻲ ﺧﺎﻟﻲ ﻳﺒﺎﻭﻉ
ﺧﺎﻟﻲ ﻳﺬﺏ ﺣﺠﻲ ﺑﻨﺖ ﻣﺮﺍﻫﻘﻪ ﻭ ﺇﺣﺴﺴﺴﺲ
ﺟﻨﺘﻲ ﺟﺬﺑﻴﻨﻲ ﺟﻨﺘﻲ ﺗﻜﺘﻠﻴﻨﻲ ﺧﻠﻴﺘﻲ ﺟﺴﻤﻲ
ﻟﻮﻭﻭﻭﺣﻪ ﻝ ﺍﻻﻟﻮﺍﻥ ﺛﻘﺘﺞ ﺏ ﺍﺧﻮﺝ
ﻟﻮﻧﺘﻮﻧﻲ ﺏ ﺃﺑﺸﻊ ﻟﻮﻭﻥ ﻭﺍﺧﺬﺗﻮﻭ ﻣﻨﻲ ﺃﺣﻠﻰ
ﻟﻮﻥ ﺍﻟﺒﻨﺖ ﺗﺘﻤﻨﻰ ﺗﻠﺒﺴﻪ .....
. ﺍﻟﻠﻮﻥ ﺍﻟﻲ ﻛﻞ ﺑﻨﺖ ﺑﻄﻔﻮﻟﺘﻬﺎ .....
ﺑﻤﺮﺍﻫﻘﺘﻬﺎ ..
ﺗﺘﻤﻨﻰ ﺗﻠﺒﺴﻬﺎ ﻳﺪﻝ ﻋﻠﻰ ﻧﻘﺎﺀ ﻭ ﺑﺮﺍﺀﺗﻬﺎ

ﺑﺲ ﺍﻧﺎ ﻋﻠﻰ ﺷﻨﻮ ﻳﺪﻝ ﻟﻚ ﺍﺻﻼً
ﺍﻧﺎ ﻋﻨﺪﻱ ﺣﻖ ﺍﻟﺒﺴﻪ ......
ﻛﻤﺖ ﻭﻛﻔﺖ ﻛﺪﺍﻡ ﺍﻟﻤﺮﺍﻳﺔ ﻛﺘﻠﻬﺎ ﻻ ﻣﻌﻨﺪﻱ
ﻣﺎ ﻋﻨﺪﻱ ﻻﻥ ﺍﻧﺎ ﻣﻮ ﺑﻨﻴﻪ
ﻣﺎﻟﻲ ﺣﻖ ﺑﻬﺎﺫ ﺍﻟﻮﻟﺪ
ﺍﻱ ﻣﺎﻟﻲ ﺣﻖ ﺑﻘﻴﺲ ،،،،ﻗﻴﺲ ﺇﻟﻲ ﻋﺎﻑ ﻛﻠﺸﻲ
ﻭﺗﻘﺒﻠﻨﻲ ﺑﻌﻴﻮﺑﻲ ﻣﺎﻟﻲ ﺣﻖ ﺑﻲ ﺑﺴﺒﺒﺞ .....
ﻟﺰﻣﺖ ﺳﺒﺤﺔ ﺍﺑﻮﻱ ﺍﺑﺎﻭﻋﻠﻬﺎ ﻃﺎﺣﺖ ﺩﻣﻮﻋﻲ ﺍﺷﺘﺎﻗﻴﺘﻠﻚ ﺑﺎﺑﺎ ﺍﻧﺖ ﻋﺰﻭﺗﻲ ﺇﻧﺖ
ﺳﻨﺪﻱ ﻭﻳﻦ ﻋﻔﺘﻨﻲ ﻭﺭﺣﺖ
ﻣﻮﺗﻚ ﻛﻠﻬﺎ ﺑﺴﺒﺒﻲ ﻭﺍﺑﺪ ﻣﺎ ﺭﺍﺡ ﺍﺳﺎﻣﺢ
ﻧﻔﺴﻲ ﺍﺑﺎﻭﻉ ﺗﻠﻔﻮﻧﻲ ﻗﻴﺲ ﺟﺎﺭٍ ﺍﻹﺗﺼﺎﻝ
...