حكايتى مع من لا يرحم

البارت 4

حكايتى مع من لا يرحم
البارت 4
مع الكاتبه ميرنا ميلاد ☺️
عدا شهر كامل وميرولا تذاكر حتى تحصل على حلمها ساميه التى حست براحه نفسيه بعدما نقلو لى بيتهم الجديد بعيد عن حماتها وهذا سلفها ومراته  التى لا تحبهم اطلاقا وريمون قال لى والدو وادتقدمو لى كارولين وكانت الفرحه ماليه المكان فارس لن يتغير حاله كل حياته شغل فقط وهذا اليوم سوف تظهر فيه نتيجه ميرولا 
مورا: اهدى  يا ميرو انشالله خير
ميرولا بخوف: قلبى وجعانى خايفه قووى
تينا : متهدى بقا يا بنتى اهو بجبهالك الموقع بيحمل
ميرولا: ااه بطنى وجعانى من كتر الخوف بصى انا هدخل جو لو حلو  قوليلى لاوحشه مش تقولى
تينا بتريقه :  على اساس مش هتعرفى 
ميرولا بخوف: اووف بقا متخوفنيش
ريمون: ميروو اهدى
تينا: فتح فتح وميرولا هتموت من الرعب
تينا صفرت: الله الله يا ميروو يا جامده
ميرولا: كام كام
تينا بفرحه: 99،5%
ميرولا بفرحه: احلفى
تينا بضحك : وجرس يا ميرو
ميرولا بفرحه وبتطنطت: ياس ياااس
ريمون: الف مبروك يا احلا دكتوره
ميرولا: الله يبارك فيك وطلقت المباركات من الجميع بسبب هذه الفرحه فا اى بيت مصرى اثناء ظهور نتيجه الثانويه يظل التوتر مسيطر على الكل وياما تنتشر الفرح بينا الجميع او يحل الحزن على الجميع فهذا الشى لا احد يعلمو
ـــــــــــــــــــــــــــــــــــــــــــــــــــــــــــــــ
نرمين قاعده فى اوضتها وخايفه ورافضه انها تنزل تحت وتجيب النتيجه
فارس وهو يخبط على الباب: افتحى يا نرمه
نرمين بدموع: لا مش هجيب حاجه انا خايفه
فارس: طب لو قولتلك انك جبتى 99،5% هتعملى اى
وهى وقفت مصدومه وفرحانه ودموعها تتساقط على وجهه من الفرحه
فارس: افتحى بقا
وهى فتحت وحضنتو جامد: انا مبسوطه قوووى مش مسدقه نفسى
فارس بحب: الف مبروك يا حبيبتى
نرمين بفرحه ومرح: هتجبلى بقا عربيه جديد وايفون
فارس بابتسامه:  هجبلك اللى انتى عايزه علشان مقصرتيش فى دراستك
نرمين بفرحه:انا مبسوطه جداا
فارس:طب يلا روحى اجهزى علشان هاخدك افسحك انهارده
نرمين بفرحه:بجد
فارس بابتسامه:  ااه يلا بقا احسن اغير راى
نرمين:فريريه  وطلعت تجرى وهى مبسوطه
ـــــــــــــــــــــــــــــــــــــــــــــــــــــــــــــــ
ميرولا: انا حققت حلمك يا بابا وبنتك هتبقا دكتوره
شريف بفرحه:انا طول عمرى واثق فيكى وعارف انك مش  هتخيبى ظنى
ميرولا بمرح:ايوه بقا فين الهديه بتاعتى
شريف:متخافيش مش ناسى بكره العربيه هتكون عندك
ميرولا بفرح:يااااس ايو بقا وهيبقا عندى عربيه
(ممكن ناس كتيره تلاقى ان عادى حد يبقا عندو عربيه لكن بنسبا لى بنات الصعيد اقل حاجه بتخليهم مبسوطين ممكن بابكى يجبلك اى حاجه حتى لو خاتم فضه بس بيبقا بنسبا ليهم حاجه كبيره وبتفرحهم مش المشكله فى ان الهديه تبقا كبيره او صغيره اهم حاجه تقدم بى حب  )
ميرولا بفرح:ااه ومتنساش بقا الايفون
شريف:وده حاجه تتنسى
ميرولا:احم فى طلب تانى
شريف بتنهيد:فى اى تانى هتخربى بيتى ههههه
ميرولا:عايزه اقدم فى جامعه القاهره
شريف:ليه وهى المنيا اشتكت
ميرولا:لا بس  جامعه القاهره حلو والتعليم هناك احلا علشان خاطرى وحياتى عندك يا بابا
ساميه:وافق بقا يا شريف البنت مجتهدا وتعبت ونفسها تروح جامعه القاهره
شريف:مع ان هبقا قلقان عليكى بس مش هزعلك وهقدملك فى جامعه القاهره
ميرولا بفرحه وهى تحضننه:انا مبسوطه قوووى انت احلا اب فى الدنيا
ساميه  وهى  تدخل المطبخ:طب تعالى معايا ساعدينى
ميرولا:اى ده يا شيفو انا نسيت حاجه اروح اعملها سلام
شريف بضحك:خدى يا بت انتى بتفلتى
ميرولا تبعتلو بوسه فى الهواء:حبيبى يا شيفو  سلام وطلعت تجرى على اوضتها

بقلم /ميرنا ميلاد

اللى جاى بقا هيبقا دمار 😈😂