အရာအားလုံး၏ ကနဦးအစ
ဇူလိုင်လ ၁၄ရက်၊ ၁၉၈၇ခုနစ်။ နွေရာသီအားလပ်ရက်။
ထိုင်ချွန်းနိုင်ငံတကာ အမျိုးသား အထက်တန်းကျောင်းတွင် ဖြစ်သည်။
အားဟန့် ရေကူးကန်အဆုံးသို့ ရေကူးသွားလိုက်ကာ မတ်တပ်ရပ်လိုက်၏။ ထို့နောက် လက်တစ်ဖက်တည်းဖြင့် ရေကူးမျက်မှန်ကို ဆွဲချွတ်ချလိုက်ကာ နံရံကို မှီလိုက်ပြီး အသက်ရှူဖို့ ကြိုးစားနေစဉ် တစ်စုံတစ်ယောက်က သူ့အား စိုက်ကြည့်နေသယောင် ခံစားလိုက်ရသည်။
ရေကူးကန်၏ နံရံကို မှီကာ အသက်ရှူနှုန်းပုံမှန်ဖြစ်အောင် အနားယူနေရင်း သူနှင့်ရွယ်တူ ကောင်လေးကို လှည့်ကြည့်လိုက်မိသည်။
သူတို့နှစ်ယောက် အကြည့်ချင်းစုံသွားသည့် အခိုက်တွင် ထိုကောင်လေးက မျက်နှာလွှဲသွား၏။ အားဟန့် အကြည့်လွှဲလိုက်သည်နှင့် ထိုကောင်လေးက သူ့ကို စိုက်ကြည့်နေပြန်တာကို ခံစားမိလိုက်သည်။ အားဟန့် လှည့်ကြည့်လိုက်ပြန်လျှင် ချက်ချင်းဆိုသလိုပဲ ထိုကောင်လေးက မျက်နှာလွှဲသွားခဲ့ပြန်သည်။ ခိုးကြောင်ခိုးဝှက် စိုက်ကြည့်နေခဲ့ကြသော်ငြားလည်း တစ်ယောက်ကိုတစ်ယောက် မြင်ရသည်ကတော့ ရှင်းလင်းပြတ်သားစွာ။
ထိုကောင်လေးသည် ကြည့်ကောင်းသည့် မျက်နှာပေါက်ကို ပိုင်ဆိုင်ထားပြီး အနည်းငယ် ပေါ့တီးပေါ့တန်နိုင်မှုက သူ့ရဲ့ နှုတ်ခမ်းပါးထောင့်ကို အားစိုက်လျက် ဆွဲထားသယောင်။
ထိုကောင်လေးကို အားဟန့် တစ်ခါမျှ မမြင်ဖူးပေ။
ရေကန်၏ အခြားတစ်ဖက်ခြမ်းမှ ခရာမှုတ်သံကိုကြားလိုက်ရတာကြောင့် အားဟန့် ရေကူးဖို့ပြင်လိုက်၏။ သို့သည်တိုင် တစ်ချိန်တည်းမှာပင် ထိုကောင်လေးက ရေကန်ဘောင်ကို လိုက်ကန်လိုက်သည့်အတွက် အားဟန့် နောက်ဆုတ်လိုက်သည့်အခါ ထိုကောင်လေးသည်လည်း နောက်လိုက်ဆုတ်လိုက်၏။
သူတို့ ရယ်မောလိုက်ကြသည်။ ဘယ်လိုတောင် တိုက်ဆိုင်တာလဲ။
"မင်း နာမည်ဘယ်လိုခေါ်လဲ" အားဟန့် မေးလိုက်သည်။ "ငါ အရင်က မင်းကို မမြင်ဖူးသလိုပဲ"
أنت تقرأ
Your name Engraved Herein (Mm Trans)
القصة القصيرةName - Your Name Engraved Herein(刻在你心底的名字) Written by - Yu Ning Chu, Di Fer, Patrick Kuang-Hui Liu English translator - semicolonseas Chapters - prologue + 10 Chapterr Burmese translator - Jing Summary 1987ခုနှစ် ထိုင်ဝမ်၌ စစ်အစိုးရအုပ်ချုပ်ရေးစနစ်...