" ကွာရှင်းစာချုပ်ကိုတော့ငါလက်မခံနိုင်ဘူး !"
" ကျနော်လည်းခင်များနဲ့ရှေ့မဆက်နိုင်တော့ဘူး ! ကျေးဇူးပြုပြီး ထွက်သွားပါတော့ ..."
နောက်ဆုံးကျန်သည့်လည်ပင်းနားမှကြယ်သီးလေးအားတပ်ပေးရင်းနှင့် တိမ်၀င်သွားသည့်လေသံတိုးတိုးဖြင့်သာကောင်ငယ်လေးကဆိုလာခဲ့သည်။ထို့နောက် သူ့ထက်ခေါင်းတလုံးမြင့်သည့်ထိုလူသားအားမော့ကြည့်၏။စိုစွတ်ပြီးရွှန်းလဲ့လဲ့မျက်၀န်းတို့က မည်သို့လောက်နာကြင်ရသည်ကိုဖော်ပြနေသေးသည်။
" ဒီလောက်နဲ့ပဲပြီးဆုံးသွားကြရအောင်လေ ! ကျနော့်မှာဒီ့ထက်ခံနိုင်ရည်မရှိတော့ဘူး ။ ပြိုလဲပြီးရင်ပြန်ထနိုင်ဖို့ကြိုးစားရအုံးမယ် ... ခင်များလည်းကျနော့်ရဲ့အဝေးတနေရာမှာပျော်ရွှင်အောင်နေပါ "
" တပက်ပြည့်ပြီဆိုတော့ မင်းစိတ်ကြိုက်ပဲပေါ့ ။ သွားလိုက်ပါ ငါ့နဲ့အဝေးဆုံးကို ... ကွာရှင်းစာချုပ်ကိုငါလက်မှတ်ထိုးပြီးပို့ခိုင်းလိုက်မယ် "
ထိုသို့ပြောကာသူ၏ခါးကိုကိုင်ထားသည့်ကောင်လေး၏လက်တို့ကိုဆွဲဖြုတ်ချလိုက်သည်။ပြီးနောက် ဘေးနကမှန်တင်ခုံပေါတင်ထားသည့်ကုတ်အကျီအနတ်ရောင်ကိုလှမ်းယူကာမှန်ကြည့်ပြီးအကျအနယူ၀တ်သည်။
" နောက်ဆုံးအနေနဲ့ငါ့ကိုနက်ခ်တိုင်ချည်ပေးမလား ?"
သူ့နားမှလှည့်ထွက်သွားသည့်ကောင်လေးအားလှည့်မေးလိုက်သည်။ထိုစကားကိုကြားလိုက်သည့်ကောင်လေးမှာတော့ပြူးကျယ်ကျယ်မျက်၀န်းတို့ဖြင့်ထိုလူသားအာလှည့်ကြည့်လာခဲ့၏။ပြီးသည့်အခါ ကောင်လေးကခေါင်းငြိမ့်ပြပြီး ဗီဒီုနားသို့ပြန်လျှောက်ခဲ့ကာဗီဒိုတံခါးကိုဖွင့်သည်။ထပ်ပြီးအတွင်းရှိနက်ခ်တိုင်ထားသည့်အံဆွဲအားဆွဲဖွင့်ကာထိုလူသား၀တ်ဆင်ထားသည့်အကျီအရောင်နှင့်လိုက်မည့်နက်ခ်တိုင်အားရွေးပေးနေသည်။
" ဒီနေ့ကငါတို့ရဲ့၈လပြည့်တဲ့နေ့နော် ..."
ရင်အစုံကိုလှုပ်ခက်သွားသည့်နှယ် နောက်ကျောမှလူသား၏ခပ်အေးအေးစကားကြောင့်ကောင်လေးမှလက်ဖျားတို့အေးစက်သွားခဲ့ရသည်။လှိုက်တက်လာသည့်၀မ်းနည်းမှုတို့ကအလိုက်မသိစွာဖြင့်ရင်၀သို့ရောက်ရှိလာသည့်အခါမျက်၀န်းမှာမျက်ရည်ကြည့်တို့ပြည့်နှပ်သွားခဲ့၏။ဒီနေ့မှာမငိုပါအကြိမ်ကြိမ်အားတင်းထားသော်လည်း ထိုလူသားကစကားတခွန်းထဲနဲ့အလဲလဲအကွဲကွဲပြိုလဲစေသည်။
BẠN ĐANG ĐỌC
𝔹𝕃𝔸ℂ𝕂 𝕃𝕆𝕋𝕌𝕊 | အနက်ရောင်ကြာပန်း | Completed
Fanfiction✓ 𝐔𝐧𝐢𝐜𝐨𝐝𝐞 𝐎𝐧𝐥𝐲 𝐓𝐚𝐞𝐡𝐲𝐮𝐧𝐠 🔺 × 𝐉𝐮𝐧𝐠𝐤𝐨𝐨𝐤 🔻 [ 𝐒𝐭𝐚𝐫𝐭 𝐝𝐚𝐭𝐞 - 𝐀𝐩𝐫𝐢𝐥 𝟐𝟐,𝟐𝟎𝟐𝟏 𝐄𝐧𝐝 𝐝𝐚𝐭𝐞 - 𝐀𝐮𝐠𝐮𝐬𝐭 𝟖,𝟐𝟎𝟐𝟏 ] 𝐂𝐨𝐮𝐩𝐥𝐞 - 𝐓𝐚𝐞𝐤𝐨𝐨𝐤 / 𝐕𝐤𝐨𝐨𝐤 𝐛𝐲_@𝐞𝐞_𝐲𝐮𝐧𝐚𝟗𝟕 #𝐨𝐰𝐧_𝐜𝐫𝐞𝐚𝐭...
အပိုင်း (၂၃)
Bắt đầu từ đầu