بقايا رماد

معايدة

كيف حالكم يامليحااات ....

كل عام وانتم بالف خيير اضحى مبارك اعاده الله علينا وعليكم باليمن والبركات وعساكم من عواده  ..

هذي لمتابعيني في  الوطن العربي

عيد اضحى مبارك وكل سنة وانتو طيبين احباب قلبي وبصحة والسلامه ان شاء الله وعقبال دااير ياارب

اما هذي لليبيين الفلاقي

حبيت نعيد عليكم ونشكركم علي تفاعلكم وكلامكم الحلو ربي يخليكم لجميلة جاسم  ...

في اسئلة دور في اذهان بعض من متابعيني ونبي نجاوبكم عليها اهنايا ..

الرواية كم بارت ؟

اربعين بارت باذن الكريم لا تنقص ولا تزيد

بتوقفي كتابة او لا ؟

باذن الله حتكون اخر رواية ولن ارجع علي قراري مرة اخرى لاني تعبت بجد  صارلي قصر نضر ومافيش مقابل يخليك تستمر...لذلك استمتعو باخر احرف واسطر جميلة جاسم وبشوية عليا  ...

في اكثر من بنت راسلتني وتبيني نكتب قصتها اسفة جدا جدا جدا لاني رخيت بيكم ممكن لو ربي عطاني عمر حنكتب قصصكم كتب باذن الله ...

اما بنسبة لطلب لقاء مع جميلة جاسم حاليا اني وقفت لقاءات لانه بحكم شغلي وحكم مكاني مش في ليبيا يعني صعب انه ناخد موعد مع اي حد من غيير ما نأكد واني حاليا ضروفي مرات
متسمحش ندخل مسابقات او نكون لجنة تحكيم في مسابقة كتابية لذلك اعتذر وبشدة علي الرفض المباشر الي صاار للبعض ....

اما بنسبة لشركة مش عارفة شنو ما يحضرنيش اسمها حاليا مقيمه في سنقافورة  اكثر من عشر اشخاص محررين في الشركة وتراسلو معاي علي خاطر نشر رواية الرجل الاربعيني في كتاب مقابل مادي ومن غير حقوق
طبعا رفضت لانه كل مرة ينبعت اسم وحسيته كانه نصب او شهرة علي حساب شخص...

اخيرا وليس اخرا....

مفاجئة لجماعه الفيس بوك جاني طلب اكثر من مرة علي خاطر نشر رواية بقايا رماد علي الفيس بوك وكنت رافضة لاسبااب عدة ومصلحية لنفسي...

حاليا بعد الانتهاء من نشريها علي الوتباد ... حنعطي الادن بنشرها علي الفيسبوك  لااكن بشرط

حتكون حصري للقروب فقط....ومكلفة بنشرها رغدة صديقتي.... كونو في الموعد ونشطو لقروب  عاد

شكرا جزيلا من قلب جميلة لقلوبكم ....
شكرا علي كل كلمة جميلة انقالت في حقي نفتخر لما تشبهوني بشخصياات عالمية ممكن اني قعدة ولا شي جنبهم لذلك فخرر كبيير انه اني وصلت لقلوبكم

كل الود والحب والاحتراام لاشخااصكم الراقية
دمتم في رعايه الله وحفظه ...

جميلة جاسم

عاد توا بنشدها في جرتكم بالمليييح هذا المليح