MYSTICAL ACADEMY: Play with Fire

CHAPTER 30

"Maganda ba?"

"Oo, sobra!" Agaran akong tumango habang may malawak na ngiti sa labi.

Tinanggal niya ang pagkaka lock ng kwintas. Tumingala ako sa kaniya nang idaan niya ang dalawang kamay sa batok ko para isuot iyon sa akin. Parang baliw na nakangiti ako habang tinitignan ang pendant na hawak ko.

"Magkano?" Tanong ni Chalter.

Hindi ko inalis ang tingin sa pendant. Kilig na kilig ako habang pinagmamasdan iyon.

"Hindi mo pala siya kasintahan hijo, pero bakit mo siya binigyan ng kwintas? Alam mo ba ang ibig sabihin kapag binigyan ng lalaki ang babae niyan?"

Dahil sa sinabi ng matanda naputol tuloy ang paninitig ko sa pendant para lingunin siya. Ano ang ibig niyang sabihin?

"Sabihin mo nalang kung magkano." Malamig ang boses na wika ni Chalter.

Napalunok ang matanda. "Isang libong piso, hijo."

Umarko ang dalawa kong kilay dahil sa presyong binanggit niya. Isang libo? Really? ang mahal naman pala nito.

"Masyadong mahal pwede naman yung hair clip nalang." Suhestiyon ko dahil ako ang nanghihinayang sa isang libo niya.

"Nah. It's okay." Dinukot niya ang wallet sa kaniyang bulsa at walang pagdalalawang isip na ibinayad ang isang libo.

Habang naglalakad walang hiya na kumawit ako sa braso niya. Ramdam ko na natigilan siya dahil sa ginawa ko ngunit sa kasiyahan na nararamdaman ko natanggal bigla lahat ng kahihiyan ko. Hinayaan niya lang akong nakakapit sa braso niya.

Para akong aso sa lawak na aking ngiti. Nakatingala lang ako sa kaniya habang naglalakad kami. Ibinalik ko ang tingin sa dinadaanan at nakita ko ang mga musikero sa gilid ng daan na nagpapatugtog ng mga instrumento. Sa harapan nito ay ang mga batang tuwang tuwa at nagsasayaw.

Binitawan ko si Chalter at tumakbo sa direksyon ng mga bata.

"Ate ganda! bagay po sa inyo 'to!"

Iniabot sa akin ng isang batang babae ang flower garland. Nakatingin lang ako dito dahil may trauma ako sa bagay na 'to. May naramdaman akong presensya sa aking likuran na sa palagay ko si Chalter.

"Accept it. It's just a normal garland."

Nilingon ko siya sa likuran. "Sigurado ka ha! baka bigla nalang akong mamatay dito." Paninigurado ko pa.

Uso pa naman ang pagpatay sa mga estudyante ng Mystical Academy para palitan sila sa upuan at ayaw kong mapabilang doon.

Ibinalik ko ang atensyon sa bata at marahan itong nginitian. Lumuhod ako sa harapan niya para maisuot niya sa akin ang garland. Habang ginagawa niya iyon namamangha na pinagmamasdan ko ang mukha niya. Para siyang isang manika dahil parang siopao sa taba ang mamula mulang pisngi nito at ang sarap kagatin. Ang haba ng pilik mata nito at ang kulot na kulay tsokolate niyang buhok na umaabot sa kaniyang bewang.

"Ang cute mo naman anong pangalan mo?" Hindi ko na napigilan ang sarili na pisilin ang pisngi niya.

"Siya ang aking my baby baby you're my sun and moon." sumulpot ang isang batang lalaki at inakbayan siya.

"Ako po si Aingeal." Nakangiting sagot ng batang babae sa akin.

Hahawakan ko sana ang balikat ng bata ng tapikin ng batang lalaki ang kamay ko kaya gulat na napatingin ako dito.

"Don't touch her! Ako lang ang pwedeng humawak sa kaniya." Sinamaan pa ako nito ng tingin.

Hindi ko maitatanggi na ang cute nilang dalawa habang naakbay ang batang lalaki sa nakangusong babae.