မင်းရဝိန်သည် Queen စိန်တိုက်ပိုင်ရှင် ဒေါ်ပျိုမဒီ ၏ယောကျာ်းဖြစ်သူ ဦးမျိုးမင်းနှင့်ရသည့် တစ်ဦးတည်းသော သားဖြစ်သည်။ ဦးမျိုးမင်းသည်လည်း ဆန်စက်၊ ဆီစက်၊ ဆောက်လုပ်ရေးပစ္စည်းဆိုင်ကြီးများစွာ ပိုင်ဆိုင်ထားသည်။
ထိုကဲ့သို့ ပိုက်ဆံရှိအသိုင်းဝိုင်းမှ မင်းရဝိန်သည်လည်း ကုမ္ပဏီငယ်တစ်ခုကိုကိုယ်စွမ်းကိုယ်စဖြင့် မိဘများ၏အကူညီမပါဘဲ တည်ထောင်ထားသေးသည်။ အရာရာပြည့်စုံသည်ဟုပင် ဆိုနိုင်သူ မင်းရဝိန်သည် အချစ်အတွက် ကြက်မောက်ပင်ခြေရင်းတွင် မြက်နှုတ်နေရလေသည်။
" ဟေ့ မြက်နှုတ်ခိုင်းတာ တွေးငေးမနေနဲ့လေ၊
မြန်မြန်နှုတ် "
" နှုတ်နေတယ်လေ၊ မတွေ့ဘူးလား "
အမိန့်တွေဇွတ်ပေးသော ကိဝီကို သိပ်မကြည်၍ ကြည့်မရသည့်အထိ ဖြစ်ရသည်။ ရဝိန်အတွက် ချစ်သည်က သက်သက်၊ ကြည်မရသည်က သက်သက်ဖြစ်သည်။ စိုက်ပျိုးခြံမှာလိုက်နေဖြစ်သည့်အချိန်မှစ၍ ရဝိန်သည် ကိဝီကိုကြည်မရလောက်အောင် ပိုချစ်လာမိသည်။
" ရဝိန်လား "
သက်ပိုင် ကြက်မောက်ပင်များအောက် မြက်နှုတ်နေသော အလုပ်သမားသည် သူငယ်ချင်းရဝိန်နှင့် တူသလို့ရှိ၍ နာမည်ခေါ် ကြည်လိုက်သည်။
နာမည်ခေါ်သံကြောင့် ကြည်လိုက်လျှင် သက်ပိုင်
ကို အမှတ်မထင်တွေ့လိုက်ရလေသည်။
" သက်ပိုင် ဘယ်လိုရောက်လာတာလဲ "
" ငါမေးရမှာလေ၊ မင်းကဒီမှာဘာလုပ်နေတာလဲ "
" ငါအလုပ်လုပ်နေတာလေ "
ပိုက်ဆံရှိ သူဋ္ဌေးသားရဝိန်ကို စိုက်ပျိုးရေးခြံ၌ အလုပ်သမားအဖြစ်တွေ့လိုက်ရ၍ သက်ပိုင်
အံ့သြရသည်။
" သက်ပိုင်လာတော့လေ၊ ဘာရပ်လုပ် လုပ် "
" မ ! "
" ရဝိန် ! "
အနားထိလာ၍ သက်ပိုင်ကိုလာခေါ်သော သူဇာဝေနှင့် မင်းရဝိန်တို့တစ်ယောက်မျက်နှာတစ်ယောက်ကြည်ပြီး နာမည်အချင်းချင်းခေါ်နေကြပြန်၍ သက်ပိုင် နောက်တစ်ခါအံ့သြရပြန်သည်။
သက်ပိုင်ကို သွားလိုက်ခေါ်သူ မဝေ ပြန်မရောက် လာ၍ ကိဝီလိုက်ခေါ်ရာ ရဝိန်နှင့် အတူရှိကြသည်ကို တွေ့လိုက်ရသည်။
" သိကြလို့လား "
" သိတယ်×2 မသိဘူး "
ကိဝီအမေးကို သုံးယောက်လုံးပြိုင်တူဖြေလာ၏ ။ သို့သော် နှစ်ယောက်ကသိသည် ဟုဖြေ၍ ရဝိန်ကမသိဘူး ဟုဖြေလာသည်။
ကိဝီ၏သစ်အိမ်လေးထက်မှာ ကိဝီအပါဝင် လူ့ငါးယောက်သည် မျက်နှာချင်းဆိုင်ထိုင်နေကြသည်။ တစ်ယောက်သည် ခေါင်း၌ ဖြူသော ပတ်တီးနေရာယူထားသည်။ တစ်ယောက်သည် ညိုသောအသားရောင်ကို ပိုင်ဆိုင်ထားသည်။ တစ်ယောက်သည် ချစ်စရာအသွင်ရှိသည်။ တစ်ယောက်သည် ရှည်သော ဆံပင်ရှိသည်။ တစ်ယောက်သည် လှသောမျက်နှာနှင့် အကြည်စူးစူးတို့ဖြင့် မျက်နှာချင်းဆိုင်မှ အညိုဆင်ကို စိုက်ကြည်နေလေသည်။
" ဘယ်လို့စတွေ့တာလဲ ဝက်ကလေး "
ခေါင်းထက် ပတ်တီးအဖြူနှင့် စိုးသက်နောင် သည် စကားဝိုင်းကို အစဖော်ပေးလိုက်သည်။
" ရဝိန်မြက်နှုတ်နေတုန်းတွေ့တာ၊ ပြီးမှ မဝေနှင့် တွေ့တယ်၊ နောက်ဆုံး ကိဝီရောက်လာတယ်၊ ဒါပေမယ့် ရဝိန်ကအလုပ်ရှိသားနဲ့ကိုး။ ဘာလို့
ကိဝီခြံမှာအလုပ်လာလုပ်နေတာလဲ "
" မဝေ ရဝိန်နဲ့ သိတာလား "
ကိဝီသိချင်နေသော အမေးကိုသာ ဦးစားပေး မေးလိုက်သည်။
" သိတယ်၊ ကိဝီကိုပြောပြဖူးတဲ့ မဝေရည်းစား ဟောင်းလေ "
" မင်းဘာလို့ မသိဘူးငြင်းတာလဲ "
ရဝိန်ဘက်လှည့်၍ ကိဝီမေးလာလျှင် ချက်ချင်း စိတ်ကျေနပ်ဖွယ်အဖြေအား ပေးနိုင်ရန် စကားရှာရသည်။
" မဟုတ် ငါရှင်းပြမယ်၊ ကိဝီ ငါ "
စကားရပ်လိုက်သော ရဝိန်ကိုဆက်ပြောရန် ကိဝီ မေးထိုးပြပြီး ကြည်နေလိုက်သည်။
" ငါက ငါ "
" ဆက်ပြောလေ၊ နားထောင်နေတယ် "
" ငါ ငါ ဗိုက်ဆာတယ် "
ရည်းစားဟောင်းရှိနေ၍ ပြောစရာစကားတောင် ရှာမရဖြစ်နေသည့်ရဝိန်ကို ကိဝီကြည်မရ ဖြစ်ရသည်။ ရဝိန်က ရည်းစားဟောင်းကို သံယောဇဥ်လက်ကျန်ရှိနေသေးတာလား။
" မင်းငါကို ချစ်လား "
" ချစ်တယ် "
ချက်ချင်းတုံ့ပြန်လာသောအဖြေကြောင့် ကိဝီကျေနပ်မိသည်။
စိုးသက်နောင်၊ သက်ပိုင်နှင့် မဝေတို့သုံးယောက် လုံးပြောင်းလဲသွားသော အခြေနေကြောင့် မျက်ခုံးပင့်သူပင့်၊ မျက်လုံးပြူးသူပြူး ဖြစ်သွား ရသည်။ ထိုအချိန်၌ ကိဝီသည် ပြတ်သားသော လေသံဖြင့် စကားတစ်ခွန်းကို ထပ်ပြောလာသည်။
" ငါလည်းချစ်တယ် မောင် "
YOU ARE READING
မောင့်ကိုချစ်ဖို့ မွေးဖွားလာပါသည်။
Romanceယခု (မောင့်ကိုချစ်ဖို့ မွေးဖွားလာပါသည်။) ဇာတ်လမ်းတွင် ပါဝင်သော ဇာတ်လမ်း ဇာတ် ကောင်များသည် ကိုယ်တိုင်ဖန်တီးထားသော အရေးအသား အကြောင်းရာများသာ ဖြစ်သည်။ တိုက်ဆိုင်မှုရှိသော် သတိပေးနိုင်သည်။ စတင်သည့်နေ့ =(16.6.2021-11.7.2021) ယခု (ေမာင့္ကိုခ်စ္ဖို႔ ေမြး...
