"လွှာရောထမင်းလာမစားပါလား ဘာဖြစ်လို့များလဲ"
ညစာစားတော့ လွှာ့ကိုမတွေ့၍ ဦးကျော်မင်းမေးလိုက်သည်။
"ဟို မမသိပ်နေမကောင်းလို့ပါ"
ဆောင်းလိမ်ဖြေလိုက်သည်။အမှန်တော့မမက ညနေကကိစ္စကြောင့် ရှက်ပြီးအပြင်ထွက်ဖို့မဝံ့မရဲဖြစ်နေတာပါ။
ဒေါ်မေသက်ထားကလဲ သဘောပေါက်သည်။လွှာဆိုတဲ့မိန်းကလေးကအတော်ကိုအရှက်ကြီးတာပဲ။
"ဟုတ်လားသမီး ဘယ်လိုဖြစ်ရတာလဲ ဆေးခန်းမသွားဘူးလား...သမီးမင်းမမကိုသေချာဂရုစိုက်ပေးလိုက်ဦး ဒီအတောအတွင်း သမီးအတွက်နဲ့တော်တော်ပင်ပန်းခဲ့ရတာ"
"ဟုတ်ကဲ့ ဖေဖေ"
ဖေဖေက အဟုတ်ကြီးမှတ်ပြီးစိတ်ပူနေရှာသည်။ဖေဖေတို့တွေ စားသောက်ပြီးတော့ ဆောင်းမမအတွက် ကော်ဖီဖျော်ပြီး ပေါင်မုန့်ကြက်ဥကြော်လိုက်ကာမမအခန်းကိုထွက်ခဲ့သည်။
"မမ"
"မမ ဗိုက်မဆာဘူးလား မမအတွက်ဆောင်းကိုယ်တိုင်ကြော်လာတာ"
ကော်ဖီခွက်နဲ့ပေါင်မုန့်ကြက်ဥကြော်ပန်းကန်ကိုစားပွဲပေါ်ချရင်းပြောလာတဲ့ဆောင်းလေး။လွှာကြည့်လိုက်တော့ ပေါင်မုန့်ကြက်ဥကြော်ကမီးအနဲငယ်ပင်တူးနေသည်။လွှာပြုံးမိသွားသည်။ဒီကောင်မလေး မတတ်တတတ်နဲ့လုပ်လာခဲ့တာပဲ။
မမကပြုံးလိုက်တယ်။ကြည့်ရတာမမစိတ်ပြေသွားပြီထင်ပါတယ်။
လွှာပေါင်မုန့်တစ်ချပ်ကိုယူစားလိုက်သည်။အနည်းငယ်ခါးသက်သက်အရသာရှိပေမယ့် ကောင်းပါတယ်။လွှာချစ်တဲ့ဆောင်းလေးရဲ့လက်ရာပဲလေ။
"ဆောင်း ဒါပထမဆုံးလား"
"ဟီး ဟုတ်တယ်မမ ဆောင်းကမေမေလုပ်ပေးတာပဲစားဖူးတာ စားကောင်းရဲ့လားမမ"
"အင်း မဆိုးပါဘူးဆောင်းကတော်သားပဲ ပထမဆုံးလက်ရာကဒီလောက်ဆိုအဆင်ပြေနေပါပြီ ပေါင်မုန့်တစ်ချပ်လုံးမီးမတူးသွားတာပဲ တော်သေးတယ်ပြောရမယ် အဟင်း"
မမကချီးကျူးသွားတာလား ကဲ့ရဲ့လိုက်တာလားပင်မသိတော့ပေ။ဆောင်းပန်းကန်ထဲက ပေါင်မုန့်တစ်ချပ်ကို ယူစားကြည့်လိုက်သည်။
ΔΙΑΒΑΖΕΙΣ
ချစ်ဝဋ်ကြွေးရယ်မပြေစေလို
Ρομαντική"ဆောင်း မမကိုချစ်တာမမရဲ့အတိတ်ကိုမဟုတ်ဘူး ဆောင်းကမမရဲ့ပစ္စုပ္ပန်ကိုချစ်တာ... ဆောင်း မမကိုမမြင်ဖူးခင်ကတည်းကချစ်ခဲ့တာ မြင်ဖူးပြီးတော့လည်းပိုချစ်တယ် မမအတိတ်မှာဘာပဲဖြစ်ခဲ့ဖြစ်ခဲ့ ဆောင်းမမကိုချစ်တယ် မမပျိုတာအိုတာ ဆောင်းဂရုမစိုက်ဘူး"