زنيبة وخواتها

(( زنيبه وخواتها)) الحلقة الرابعه

زنيبه/ ومر الاسبوع بسرعه واجه يوم خطبتي وبدت الوادم تجينه
وكرايبنه يجون والجيران وحبايب امي بس انه كل هاي وماردت احد يجي بهذا اليوم لان كل ما اشوف احد اتوتر...

بس لمن اباوع على ابتسامة امي والكه بيها الفرح والاطمئنان شويه اهيد واقنع بروحي اكول ان شاء الله تعدي على خير

نوريه/ ها يمه شني اخبارج

زنيبه/ يمه ما مصدكه والعباس هيج واخيرا الدنيااا راح تضحك بوجهي

سويره/ اي خيه صبرتي وحصلتي بالعافية عليج

نوريه/ يمه شني بدلاتج جاهزه جابوهن الج يو لا

زنيبه/ لاا يمه بعدني ما جبتهن انه رايحة للصالون ومناك بطريقي امر اجيبنهن

نورية/ خوش يمه براحتج

سويره/اكلج خيه هيه شوكت الحفله

زنيبه/ هيج الساعه ب ٥ تقريبا على البرودة

سويره/اكلج يمه هم نجيب داكوكات ملايه ؟

نورية/فلشج كون يسويره شلج بالداكوكات اخر وكت اطبب كاوليات ابيتي

زنيبه/ جاا شني يمه غير عرس وفرحة جا من دون النسوان ما تجيبيلي شني محروكة غير بت واول فرحتج

نوريه/اندري بيجن يعرمات جيبن داكوكات جيبن كاوليات شو هيه كلش صارت على كوله المثل ((ظ..ر..ط وزانها وضاع الاحساب ))

زنيبه/ ههههههههه بعد كلبي يا يمه

نوريه/ المايله والمعدوله نايمات شويه وكعدنهن حتى يكفن البيت

سويره/ خوش يمه

زنيبه/ يله يمه انه رايحة مسلمه عليج يادوب اكضي منا للعصر

نورية/ روحي يمه مودعه بالله
.............................................................................
رحت لاحسن صالون حتى صكد اطلع اخبل والناس تنغر بيه وما خليت شي بنفسي كلشي اشتريت وكلشي سويت

اول ما دخلت للبيت تلكتني امي وهيه تدبچ
نورية/ ((اليوم اردح ردح واكسر الكاشية اليوم اردح ردح ))

زنيبه/ ههههههههه

نورية/صلاوات على محمد شطالعه يمه تسودنين بعلي

زنيبه / صكد يمه طالعه حلوة

نوريه/ اي والله يا يمه الله يحفظج ويبعد عنج العيون ويچفيج من كل شر