ذنبي ردت وطن

البارت الاخير

ذنبي ردت وطن
الكاتبة ؛ فاطمة

دمعنه ودمنه خلصن منو يبيعلنه
اليندل دمع لو دم خل يكللنه
هذا لوطن مايشبع يحب الموت
واحنه نحبه ننطي مايخجلنة
ياخذ وين الوحيد
الحلو العريس
ومنهم طيف بارد مايعوفلنة
وطن قاسي وحنين  وبارد وبي نار
مثل الناس ابد مايوم عاملنة
يداوي جروحنه ويكتلنة من نطيب
بكيفه نموت وبكيفه ياجلنة
يحبنة ويعتذر كل مانموت هواي
واذ مانروي كاعه بلدم يزاعلنه
بحزنه احنا المعزب واحنا ابو لمكتول
ويرد بغيرنة بفرحته يبدلنة نركض
نشتري كلما تبيعه الناس وننسى وعل الخبز والمي  يعاملنه
   وعينى وي النفس نشتم دمه ودخان
والله يدري شيشتمون البحلنه
كل مانصعده وطن كلنا نصعده الاول التاريخ
جوا المالهم داعي ينزلنه
   

بيوم 28/11/2019
فزيت من نوم ع صوت اخواني وصوت العائلة كله مخبوصة
نزلت واني مفزوع ركض
علي شصاير شنو بيكم تفاجأت لكيت ابوي موجود واقاربنة وخالاتي
علي بباستغارب شنو الي صاير
خالة علي؛ يمة من شفت الخبر احس گلبي وكف وكلت راح علاوي بعد ماشفناه الحمدلله من مارايح

علي؛ شنو ياخبر شصاير

اخ علي؛ ولك الحبوبي صارت بيه فاجعة اليوم الشمري داخل عليهم ومسوي مجزرة
اني سمعت نصدمت تذكرت خيمتي واصدقائي والثوار كلشي مر علية مثل الشريط حتى بيوم الي تصوبت  فتحت فوني لكيت الدنيا مخبوصة رحت اركض بلاوعي ركض فزعت للحبوبي وجانوا خواني هم وياي
مو وحدي الناصرية كله احتجت بهذا اليوم نسوان وزلم وشباب
كله احتجت مابقى احد بيتة لان جانت صدمة لكل عوائل الناصرية
رحت ركض شفت الحبوبي عبارة عن دم دم الشباب بكل مكان
جانت الدنيا ليل وخاف الوضع بعد مافزعت اللاهل والعوائل منسحبين اولاد الكلب
راحت ضحاية هواية
شباب هواية
اماني هواية
نكسرت گلوب امهات هواية
اتيتمت اطفال انكسرت نسوان
هواية شهداء خسرنة بهاي المجزرة
جسر النصر صار جسر الشهداء بسبب كثرة الشهداء الي وكعوا علي
يوم الجمعة بعد ماصارت مجزرة جميل الشمري صار حداد مدة 3 ايام وتشيع رمزي بالحبوبي
العوائل وامهات الشهداء كله بالحبوبي
دخلت للحبوبي
جان عبارة عن صورة الشهداء
السواد يحيط بيه من ڪل مكان
الكل حزنان ع شهدائنا الي خسرناهم
القران وصوت الطم
عاشت ساحة الحبوبي ومحافظة الناصرية ايام صعبة كلش
ضحت بولدها وشبابها
مرة شهر كامل والحبوبي وجميع الثوار الي بي عالنين حداد وحزنانين على المجزرة  الي صارت
بعد ڪل الي مرينة بية
صارت گلوبنة باردة وماتت وي الراحو
مايخوفنة لا رصاص لا صوت عالي نموت فدوة للوطن
ماعفت الحبوبي من يوم المجزرة والي صار بيها وبقت الثورة مستمرة والشهداء مستمرة
وكل هالسنتين ثورتنة لازالت
بس الحماس وعدد الشباب قل مو مثل قبل بداية الثورة مرت سنتين ع ثورتنة
شفنة هواية اكلو وكعدوا وشاركونة بخيتمنة وصاروا اصدقائنة بعدين ننصدم بيهم يطلعون مندسين
لو احزاب وكمنة مانعرف منو الويانة ومنو العلينة
هواية انتقادات واجهتنة وهواية ڪلام حطمنة
اكو شباب ملوا ورجعوا لبيوتهم
لان شافو سنتين وهما يردون  حقهم ماطلع ومحد يسمعلهم
حتى اعتصامات بالساحة ماڪو
گمنة نتوافد قليل ونرجع والخيم طيحوا كله حسينياتنة البنيناها
كله طيحوها صح جانت صعبة وماتحملنة هالشي انو احلامنة كلها تتهدم والساحات  سدوها وتمشي السيارات على دم شباب واحلامنة وكل حلم حلمنة بيه يوماً جنة متوقعين راح يتحقق وراح يرجع وطنة وراح نفرح وننسة ڪل هاي الايام الصعبة بس محد ساندنة ومحد ويانة
علي؛ 2021/2/22
جنت كاعد اشتغل بالمحل وي ولد جيرانة اشتغل وياه
اجاني اتصال من صديقي مصطفى