ذنبي ردت وطن

البارت التاسع

ذنبي ردت وطن
الكاتبة ؛ فاطمة

اليمتى نموت اليمتى يخضر ابدال الورد تابوت
نريد نعيش خل نبقى بلاية اجفوف
بس نرسم احلام ابتوت
نريد الطير ما ينصاد يبقى يطير
يم كبت علي ويفوت
نريد الكمر يبقى بخير
ولا تدنه يمه الحوت
نريد الناس تفرح كون كلها اعراس
ولا يبقى اثر لجتاف كل زاتوت

طلعوا وهما گلبهم نار ع ابنهم داخل صالة العمليات بقة بس خال علي جوة حتا يطمنهم ع الوضع

دخلو صالة العمليات وهما يحاولون يطلعون الرصاصة ويلمون الجرح  ساعات عديدة مرت وعائلة علي گلبهم نار ع ابنهم ويدعون الله يعديها ع خير
طلع الدكتور المشرف ع حالته
خال علي؛ ها دكتور شلونة علاوي طمني علي گلبي نار علي والله

الدكتور؛ الحمدلله والشكر سيطرنة ع النزيف وخيطنة الجرح حالته تمام
بس راح يحتاج وقت هواية حتا يكوم بسلامة
لان الضربة جاية بجتفها والطلقة متخطاية وكاطعة الاوردة لو مملحكين عليه جان صار عندة شلل بيدة

خال علي؛ الحمدلله والشكر اهم شي هسة مابيه شي وطلع منها سالم
اوف ياعلاوي ياخالي والله شلعت گلبنة
انكلك اكعد ماڪو تركض ركض للمظاهرات شمحصلين منها

مر يوم كامل وعلي فاقد الوعي
صحى وهو يون من الالم
جانوا جماعتة والثوار كله موجودة وتريد تطمأن علي
منتصر ومحمد مافارقوا ساعة استمروا وياه وماتركوة ابد
صحى من البنج وهو متألم ضربو ابر مسكننات

جمال؛ الحمدلله ع سلامتك خوية والله گلبي صار نار عليك خفت لايصير بيك شي واخسرك

علي؛ بتعب الله يسلمج فدوة للوطن

جمال؛ ابقة مغسول دماغك لو ميت شيفيدني اني حتا دمك يضيع محد يطلع والعباس حتا الناس يومين تبجي عليك وتنساك انت شتحصل

علي؛ احصل شوفة امي واموت واني بطل مو اني عار

جمال؛ بعصبية قسم بالله لو مو مريض هسة شوفني شسويت بيك حتا ماتعرف تحجي اشوفك بعد تخطي الباب

ابو علي؛ بوية علاوي  شلعت گلبنة والله كم موة كتلك دير بالك ع نفسك لا تكسر ظهري

علي؛  ببرود خوش تمام

بعد مرور اسبوعين وعلي  نايم مايكدر يتحرك  سبب ايدة والعملية الي سووها
وهو ضايج ومختنك لان مااراح للساحة واحداث هواية صارت وهو محاضر اتصل ع صديقة

علي؛ الو متتضر تعال يمي شوي اريدك

منتضر؛ اني بالساحة هسة صايرة اشتباكات وقمع بالثوار بس يهدئ الوضع اجيك

علي؛ اكو رصاص حي أكو شهداء لو بس مسيل

منتضر؛ لا ماڪو رصاص حي ولا قناص كلشي ماڪو بس بصجم ومسيل
حجة وهو يضحك: بس ماعفناهم والله
ضربنة واحد من الشغب بطابوكة براسة يمكن انفشك بنص

علي؛ عـفيۿ كفوو منكم ابطال والله عشتوا
دير بالك ع نفسك وع شباب
والله كلبي نار لان عايف الساحة ومو وياكم
لو اكدر احرك ايدي اله اجي هسة

منتضر؛ انجب واكعد هسة اني جايك ماڪو شي كاعد نلعب احنة وشغب همة يحبونة بلاخص احنة الحبوبي الاحزاب والحكومة  كله تحبنة دوم يجون يسيرون علينة هلا بيهم

علي؛ هههههههۃ وكت شقة وضحك هسة ولك دروح يلا ودير بالك ع نفسك

علي؛ راح منتضر واني الدمعة صارت بعيني
اوف شلون ماكدر اروح واشارك والله بس اطيب اله حتا للتحرير اروح واطلع حيف الشهر النايمة كله

بغداد "ساحة التحرير"

محمد؛ كعدت من نوم فتحت فوني شفت مواقع التواصل
توافد قوات الشغب والقوات الامنية الى ساحة الخلاني واصابة العديد من الثوار وأنباء عن شهيدين

شفت هيج تخبلت اتصلت ع كاظم جاوبني وهو صوته ممسموع ويكطع

الو كاظم وين انت كاظم الوووو تسمعني

كاظم؛ اني بالساحة والوضع كلش موزين ومتأزم
بيك شي الشباب بيهم شي هية جايكم اني يلا باي

لبست ملابسي بساع طلعت من الغرفة
كضني ابوي
ابو محمد؛ ع خير وين رايح
يابة الساحة الوضع بيها موزين والشباب كله هناك وشهداء

اي وانت وين مولي كون تعرف هيج
محمد ؛ رايح اساند اخواني والثوار لعد وين رايح

ابو محمد ؛ امشي ارجع ولك انجب يلا ماڪو طلعة اتساند الثوار ودورون وطن وهو الوطن مبيوع بي شنحجي وياكم مسمعون

محمد بعصبية وصياح ؛ يابه انت مو تكلنة الحسين ثورة والحسين والحسين واقتدوا باهل البيت ودافعوا عن حقكم و كونوا اسباع هسة شغيراك شو انو الي تكول خليكم ابطال وجيبوا حقكم واحنة حقنة ضايع ببطونهم شو متخليني اروح اجيبة

ابو محمد؛ ترفع صوتك بوجهي وتعلي امشييييي ادخل ولك لا قسم بالله اله اطيح حضك

محمد؛ اعذرني يابة اني ماخذ كلامك هالمرة واروح هسة للساحة وادعيلي ولاتغضب علية
حتا ارجعلك سالم واراضيك

ابو محمد؛ اذا طلعت هسة بعد البيت ماترجعلة

محمد؛ من ارجع الوطن ارجع اراضيك اثنينكم غالين عندي
باس ابو براسة وراح للساحة

راح والوضع كلش متأزم وشهداء هواية
وهو يساعدهم وينقل الجرحى والمصابين
بقوا واحد يسند الثاني ويحمي من الرصاص
جاننوا الثوار كلهم ايد وحدة
رغم محد يعرف الخ بس وكفتهم واحد جنب ثانب تنطيهم قوة وحافز