بين ثنايا القدر أنتِ لي

بين ثنايا القدر أنتِ لي

#رغدجعفر

....الحلقه 29....

كملت من ساعه ب9ونحذف💔😐

بفستانها القصير
‏تتراقص بنشوةِ الفرح العارِمة
‏بسيقانها العارِية
‏وفستانها الابيض القصير
‏قصة حُبٍ أرهقَت كلا العاشقين

اسد....مياده..

نعم..

شبيج؟؟

مااابيه ششي..

شماله رجلج عليش يشكي منج..

ممادري ااني اجيت حتى بس انطي اغراضي..

بتسمت بداخلي  بس مابينت على ملامحي ضيكت عيني وكتلهه

بس انه ماكتلج عليش جايه هاذ زوجج والج حق تودعينه وتكعدين تحجين ويا وتتفاهمين وتتعرفون اكثر

شوفي يخوي علي عزيز عليه وانتي تعرفين من اكول هاي الكلمه يعني من صدك عزيز

علي ورحال بدونهم اضيع همه اكثر من اخوان اليه وثنينهم احبهم ازعل على زعلهم وارضى على رضاهم

علي خوش رجال بالج علي حتوي لا تضيعينه بفهاوتج وغبائج اعرفج انتي كدهه بس لتخلينه يشكي منج هواي بالعرس ان شاء الله من تصيرن يمه
انتبهي علي وعلى تصرفاتج ويا لتنطينه مجال للغلط
هسه يلا روحي نامي...

ماشي يخوي تصبح على خير

نازك...متمدده احس عطره باقي بالمخده صارله ليوم ثالث من ملتحق فتحت لجهاز اباوع على صورته اقرب بيهه واباوع على كل رسمه بي هواي صور ناشر
ذبيت حسره جرحت صدري اكو صوره بيده سلاح وصور كومه بيهن متعوب ومبين الحر والشمس يذبح يمهم
شتاقيتله..
اي شتاقيتله تحس بيه رحال لو متحس
تعرف بيه بالي يمك
تعرف بيه شكد احبك
تعرف بيه مشتاقتلك
تعرف بيه محتاجتك
صافنه بصوره رن جهازي قريت اسمه رجف كلبي
تخربط كل كياني فتحت خط برجفه همست
الوو
اجاني صوته

مشتاقلك..

سكتت شويه همست
شلونك..

عوفي لوني مامشتاقتلي..

شعجب كاعد هسه..

غلسي والله كريم
نازك مشتاقلج ومشتاق لعطرج ولعيونج تعبان نازك ليوم ولا رحتي من بالي متردد اتصال خاف نايمه..

لا كاعده..

شمكعدج...

لمكعدني مكعدك...

الحنين موو..

انت شتكول..

انه لمكعدني لحنين حنيتلج وشتاقيتلج حسيت نفسي مشتاق اسمع صوتج ..

نازك...سكتت محجيت شي بعدهه همس

يصير اطلب شي نازك...

اطلب..