بين ثنايا القدر أنتِ لي

القدر ♡8♡

بين ثنايا القدر أنتِ لي

#رغدجعفر

........الحلقه 8..........

‏هُنا ..
في مكان لا تُطاله الأعيُن
عميقًا في جوفِي
تنام

اسد...يلا اذا كملتي امشينه ...

نازك...تمام
يلا بنات باجر اشوفكم
رحت ورى جان يمشي بهمه اول مره اشوفه بملابس سبورتيه كوله دشداشه وبشت

عفتهه ومشيت وهيه وراي ضجت من تصرفهه كلش جاا هيه يمته تخابر من يطلعون وتبقه وحدهه يلا تتذكر عود تخابر جبت الطريق كله فاير بس هاذ اول يوم الهه عذرتهه يجوز ماتذكرت نست درت عليهه وهيه تمشي بعيد عني وكفت نتضرتهه طلعنه من الجامعه سوه عبرنه الشارع فتحتله لباب وصعدت وانه حولت اسوق ماحجيت ولا كلمه اعرف نفسي بس احجي انهد اتخذت السكوت

نازك....ياا هاذ شبي والله اني نسيت بس شلون اجه يلا خاف هوه يعرف شوكت طلاب تطلع وصلنه للبيت سلمت على عمه زهره وخديجه وحدهن بلمطبخ ورحت للشيخه سلمت عليهه وصعدت غيرت ملابسي ورحت غسلت وجهي من طلعت شفته لابس دشداشه ومتوضي دخل للغرفه واني همات خابرت اهلي وصليت اجت مياده

مياده.....لج هلوو جايه قبلي

نازك.....كولشي منطونه اليوم بس فقره تعارف واجينه وانتي شصار وياج

مياده....هم ماكو دروس كتب نطونه وتعرفنه وزعونه على القاعات واجينه
اكلج انه كلش جوعانه

نازك....اني حنام لان اكلت لفه قبل لااجي انتي نزلي اكلي

مياده....غبيه غير تاكلين وياي

نازك...ماريد حبي بالعافيه تمددت ضليت اكلب بلفون ومياده بدلت وصلت ونزلت نعست بس مجايني نوم شويه وصعدت مياده

مياده....شنو مانايمه ....

لا منمت ...

لعد اني راح انام نعسانه ...

نامي عبالي تبقين كاعده وياي ضوجه تعالي نجلد كتبج ....

صدك جذب عليمن نجلد نخلي انام هسه ...

بس تمددت نامت اضاهر نعسانه كولش صارت ساعه ٣ضهر لبست شال ونزلت لكيت زينب وايات يسون كبه

زينب.....هلا بيج حبيبه

ايات....هاا حبيبتي خوماجوعانه

نازك....لا مجوعانه بس مكدرت انام ومياده نامت وعافتني وحدي ضجت ونزلت يمكم

زينب....هيه هاي مياده من ترجع تعبانه تنام يلا ترتاح

سرور.....هاا شمالك ليوم

اسد....شبيه تعبانه شمالني...

شنهي جا هوه اول يوم الك بلشغل وتعبان...

سرور شنهي تحقيق خوما تحقيق خليني انطمر وراي شغل....

هسه انه شكتلك وتصيح عليه بس صدك لو كالو ابوي ماكدر بس على امي ....