بين ثنايا القدر أنتِ لي

القدر ♡11♡

بين ثنايا القدر أنتِ لي

#رغدجعفر

......الحلقه 11.......

خلصت كون احب
كون الكه
كون ارتاح
كون الكاه الشمع هوه وصوانيه
كون الله يكلي هاك هذه اتراب
وانته براحتك سويلك بنيه
لسويلي مره مو بس عليه تغار
علي من تلتفت تكطع الترجيه
بيضه بشكل كلبي
وترفه طينه بير
بس وكت الافه تلكاه بدويه

نازك....رجعت لكيتهم هستوهم جايين وسرور نايمه واسد ايده على راسه وابنه بحضنه
الي فهمته منزله لبيبي خطيه وجهه اصفر ولكانونه بديهه كتله الله يعوضكم ان شاء الله
صعدت بدلت وشويه سمعت صوت صياح وهوسه

نزلت اركض حتى بلا شال

الدرج يصير بلصاله وهيه الصاله جبيره لكل موجود وسرور كاعده تبجي وتصيح هواي نقهرت امهه وابوهه حتى عمو جبل وعمه زهره يحاولون يسكتوهه متسكت اضاهر مجانت تعرف لبيبي نازل عمليه مسويلهه اسد عاط بيهه يلا ضلت تبجي بسكوت

اسد....انه متعود هاي كم مره الطفل مايطول شهرين ثلاثه ويروح بس هلمره دكتوره قنعتهه وكالتلهه مابيج شي ونكت فوك راسي على طفل خضعت لرغبتهه بيوم كعدت هم متوجعه اخذتهه للمستشفى كالو الطفل مابي نبض ميت نقهرت كلش بس هاي شلون كلت للدكتوره سويلهه بنج عام ولاتكولين للمريضه ادري بيهه ماتقبل اول مصحت من لبنج سألت على الطفل امهه كالتهه موجود لاتخافين رجعتهه للبيت نامت شويه وكعدت من شافت لكل ملتم عليهه عرفت الطفل مات ضلت تصيح ودك وتلطم وانه روحي خلصانه عطت بيهه

عليمن دكين وتلطمين ماتعودتي هاي لردتيه انه كايلج ماريد بسج لاتحبلين وانتي ماتسمعين لحجي عدج ولد وبت كافي كعدي عليهم وسكتي جربتي مره مرتين ماكو الله مايريد يطينه بعد كاافي عليش هالملحه

جبل....كافي يبوي بسك جانته تهودهه يو تزيد عليهه

اسد....بويه تعبت انه ماخليتهه تحبل تنك عفيه مره لا تجل ولا تمل كل يوم بليل تكورع راسي وارجع افهمه هيج رايصير وياج وهيه مالهه اذن تسمع

ابو سرور....كافي يعمي بسك انه بعد ماخليهه تحبل شنهي بويه مارايدينهه وان جانك تريد فروخ تزوج وخلف

سرور....شنهي بويه تريده يتزوج عليه وانه على الضيم جاا شنهي انه هنا خراعه خضره حرام عليك بويه

ابو سرور...كومي يمره اخذي بنيتج لدارج خلهه ترتاح

اسد....عمي تره السالفه موسالفه زواج وفروخ انه ماكايل اريد اتزوج ولا كايل اريد افروخ بس انتم صايرين تفتهمون غلط

شيخ جبل.....بسك يولد تلاسن بين عمامك
رحال بويه اخذ اخيك وده لداره بعد عمك

رحال....صار عمي تأمر

دتعال اصعد كافي مامليت كل مره تنعاد نفس السالفه وتفتح نفس الموضوع هاي هيه ليريده الله يسوي