فراعنة الالفينات (لعنة الفراعنة ٣)

اقتباس من كريزي لاند

_ ببساطة احنا في جزيرة الشيطان.....

أنهى ليث كلماته تلك يفكر في تلك المصيبة التي وقع بها مع هؤلاء المجانين... لايكفيه أبناءه وزوجته وزوجات أبناءه... بل أيضا هناك عائلة ابريس وتلك العائلة الجديدة والتي من تصرفاتهم يظهر عليهم انهم لايقلون عنهم في الجنون

صاحت هالي ببسمة غبية :

_ الله؟؟؟ جزيرة الشيطان؟؟ مش ده فيلم الاستاذ عادل ايمان والست يسرا

تشنج ادهم يردد كلمتها بغباء :

_ عادل ايمان لو سمعك هيديكي رصاصة في نص نفوخك  يريح البشرية منك

ضحك شادي عليها بشدة لترمقه بغيظ فيضربه سليم محذرا اياه أن يضايق هالي كما يفعل دائما

تحدثت مريم ببسمة تجاريها في ذلك الغباء بينما ليث ينظر لهم ببرود شديد يغمض عينه يحاول تمالك نفسه  :

_  الله يعني ممكن نلاقي دهب هنا زي الفيلم يا كريم؟؟

نظر لها كريم لا يصدق غباء زوجته التي تجاري تلك الحمقاء هالي

زفر إياد بضيق يصيح :

_ جزيرة شيطان ايه وعادل امام ايه؟؟ انتم بتهزروا؟؟؟

نظر له الجميع بتعجب ليكمل إياد وهو ينظر لليث :

_ دي جزيرة الشيطان صح؟؟ يعني بتاعة مالك اكيد

زفر زياد بضيق يهتف بتبرم :

_ اهو كل واحد معاه قرش محيرة يجيب جزيرة ويسميها على اسمه هتفتحوا علينا فتحة... ده انا جايب شقة في اسكندرية وكل ما ديما تفتح بقها بكلمة بذلها بيها

ثم نظر لديما التي ترمقه بسخرية :

_ اهي هتيجي دلوقتي تقولي عايزة جزيرة اشمعنا نور ودانة... بتجيبولنا الكلام انتم

تحدث إياد ينظر حوله باعجاب :

_ لا بس مالك ده ذوق ياض شايف الجزيرة شرحة وبرحة ازاى مش زي قرص المشبك اللي ابوك مشتريه لأمك

نظرت دانة بغيظ وغضب لليث تتخصر :

_ جرا ايه يا ليث يا مليونير بقى بتضحك عليا بجزيرة اوضتين وحمام، ومالك جايب لنور جزيرة قد القاهرة والمحافظات المجاورة

ضحك ليث لا يصدق ما يحدث الان هل هم جادون حقا؟؟؟

نظرت ميسرة لابريس بسخرية :

_ يا ختي احمدي ربك فيه ناس محدش عبرها ولا حتى بحمام عام

رفع ابريس حاجبه لميسرة كأنه يقول لها حقا؟؟

تحدثت هالي بعدم فهم من هذا مالك وكيف اشترى جزيرة كبيرة كتلك :

_ يعني الجزيرة دي مش بتاعة الاستاذ عادل ايمان وبتاعة قريبكم ده اسمه ايه؟؟

ابتسمت سماريا تنظر حولها بغباء  :

_ ايوة أصل عمو مالك معروف بالشيطان وكده فتلاقيه اشتراها وسماها على اسمه،،،بس تعرفوا مش حلوة الحركة دي منه يعني مثلا عمو ليث خلى اسم الجزيرة بتاعته جنية بلاك كان المفروض عمو مالك يسميها بنت الشيطان احسن الحاجات البسيطة دي بتفرق معانا احنا كبنات

اطلق مصعب صوت ساخر من حنجرته مرددا :

_ حاجات بسيطة؟؟؟ مشتري جزيرة وتقولي حاجات بسيطة!؟؟؟ ولما نحب نكلف نفسنا نعمل ايه ان شاء الله نحتل دولة عشان نبقى عملنا حاجة تستاهل

نظر ابريس لليث بملل وكأنه يخبره انه لم يعد يحمل هذا الغباء حقا بينما سليم يرمق الجميع لا يصدق ما يتحدثون عنه

أخذ الجميع يتحدث ويتناقش حول مالك والجزيرة ليهمس ليث بسخرية :

_ الراجل قاعد مع نور في امان الله والاساتذة كتبوا جزيرة باسمه من غير ما يعرف

زفر ابريس بضيق من هذا النقاش العقيم ليصرخ فجأة في الجميع بنفاذ صبر :

_ بـــــــــــــــــــــــــــس

#كريزي_لاند
#بداية_جنون_اكبر
#قريبا