🔥 فساد_و_حب 🔥 ( مكتملة )

ج 96

🌸فساد و حب 🌸
🌝 بقلم : ليالي نسيم🌝

وصلو للاوطيل لي كان سانك إيطوال كبير بزاف البوابة ديالو فالذهبي الأرضية فالرخام تشوفي فيه وجهك و الفوق ترية كبيييرة بزااف و فيها البولات على شكل شمووع و كل بلاصة محطوط فيها مشعل على شكل شمعة .. الجو فيه رومانسي بامتياز... دخلو الإستقبال وراتهم غزلان البطاقة و رحبو بيها حيت ديجا دايرة حجز من قبل مشاو فطرو و دخلوهم للمكان المخصص بحمام العروس .. خداو حمام تركي و مشاو لجهة المساج حيدو حوايجهم و تلواو في فوطات كل وحدة مشات عند ماسوز كاتماصي ليها رتاحو و ترخااو و كل وحدة منهم كانت قدامها طاسة عامرة بالديسير .. مروى كملات ديالها كاملة و دازت لتاع غزلان ..
مروى .. ''شافت فالماسوز '' واش كديري مساج تالحوامل !؟
الماسوز. .. ويي بيان سوغ. .
مروى .. اوا ديريه لي ..
خدمات لها مساج ديال الحوامل من الضهر و البطن ديالها .. كملو المساج ..خداو دوش خفيف دافي بالزيوت المعطرة و الورد .. باش يحيد عليهم الستريس... كملو الدوش و مشاو للطابق المخصص بالتجميل دارو لاصيغ للحمهم كاملة ماخلاو تا زغبة من غير مروى لي كانت دايرة الليزر و مهنية فخطرة .. صاوبو لهم شعرهم مروى و يسرى بدلو اللون و مروى قطعات لي بوانت أما غزلان كانت ديجا سابغاه. . ..كملو من الشعر و دازو للمينيكير و البيديكير غزلان دارت الفرانش و مروى سبغات بالأسود اما لمى و يسرى ختارو الغوز بيبي..
طلعو البنات للغرفة ديالهم و تبعوهم طاقم دالكوافورات و النكافة تا هي وصلات مع العائلة جابت اللبيسات لي ختارو كاملات...مروى جابت لها غوب فالأبيض على شكل صاية و ميني بوط الفوق مرصع كلو بالأحجار الكريمة و الايسطراس. . اما التحتي فا كلوش و فيه فتحة حد الفخض .. جمعات شعرها على شكل كعكة عشوائية خلات منها رغيباات طايحيين على وجهها و تاج صغيور على راسها مع أكسيسواراات بسيطة كوليي و حلقات اما المكياج خدموه لها تقيل باش يبينك بالأبيض فوق عينيها بالأسود و الفضي و الأبيض كحلات عينيها من الداخل بالأبيض.. عكرو لعا بالموف ماط جات غزالة سموكي
اما يسرى لبسات قفيطين بالغوز على شكل كسوة من الفوق مزير و من التحت كلووووش محيط بالأخضر و منبت بالأخضر و الأصفر فالوسط سميطة بالاخضر فيها تاج فالوسط بالخضر و الذهبي لبسات معاه طالون غوز بارد شوية أما المكيااج.. فوق العوينات بالغوز بيبي و خط رقيق من الأيلاينر .. ماسكارا بينات لها رموش عينيها طوااال.. كحلات لها وسط العين بالأسود و دارت لها كونتور بين لها تقاسيم وجهها أكثر .. مع كلوص ماط فالغوز فخومبواز .....
لمى ختارت صوارية مشبكة قصيرة حد الفخض بالكرونة مشبكة و مرصعة بالأحجار . لي فنفس لونها طالون و صاك ديال كتف طويل بالبيج الشعر خلاوه لها على راحتو انا المكياج خدمو لها على العينين أكثر شيء .. بالكرونة و العوز بيبي و البيج .. خط علي من الأيلاينر. . ماسكارا بينات لها رموش عينيها... و عدسات خضراء .. و دارت اكسيسواراتها البسيطة كوليي فيه فراشة وحدة مع الحلقات تا هوما على شكل فراشة ..
أما العروسة ختارت الغوب لي كانت سامبل مسانترية معاها من الفوق و جهة الخصر مطلوقة غير شوية جاية طويلة بزااف فيها وريدات على طولها مرصعة باحجار الجوهر و التشاوسكي و الطرحة حتى هي طويلة و منبتة بالموزون الابيض و مشدودة فشعرها لي كانت دايرو او مشيطة خفيفة و عشوائة طالعة للفوق ..و نازلين نصلات على وجهها لي كان مخدوم باحترافية العيون بالأسود لي جبد لها العين الايلاينر و الفضي وسط عينيها باش يبرز جمالهم مع العدسات و الشفار لي لسقو ليها .. أما الشفايف بلون الخوخ لي كبرهم اكثر .. دارو لها اكسيسوارات بسيطة كوليي و براسلي و حلقات خفاف ..و بوكي تالورد لي كان بالأبيض و الوردي الفاتح..
كملو البنات جاو كي البلارات .. ما حاو فين يكملو حتى دخل أيمن لابس كوستيم فالأسود مع بابيونة فالكرونه و شوميز بيضاء خدا يدها باسها و سرح فعينيها..
أيمن .. مكنتش عارفك زوينة تال هاذ الدرجة ..
غزلان .. ههه هذا العادي ديالي .. ههههه
أيمن .. اممم كتحمقي..'' باسها فعنقها ..''
غزلان .. ههه حشومة الناس كيشوفو ..
أيمن .. شكون يتسالني حلالي ..
مروى .. عنيبة😬
غزلان .. سكتي نتي ..
مروى .. عنيبة😬
أيمن .. فنفلقك نتي ..
مروى .. عنيبة 😬..
يسرى .. ههههه الله يستر .. أمم أيمن فين هو أنيس ..
أيمن .. خليتو كيهضر فتيليفون .. حبي يالله 😍
.. نزلو العرسان على إيقاع الوغارد و الورد لي كيتلاح فوق منهم .. خداو أماكنهم و بدأ العرس ..