🔥 فساد_و_حب 🔥 ( مكتملة )

ج 67

🌸 فساد و حب 🌸
/بقلم : ليالي نسيم ✒

في السيارة كانت فاتي كاتحاول تخلق موضوع يجمعهم زيادة على هذا فآش عرفات سيلفادور ماكيشوفش فيها شوفة ديال حبيبة و إنما أخت فرحات و خصوصا فآش كيدوي عليها كيقول ختي مروى ..
فاتي .. عرفني على نفسك☺ إلى بغيتي طبعا..
مروى .. أمم شنو بغيتي تعرفي عليا ...
فاتي ..امممم ههه صراحة ماكرهتش نعرف كولشي.. هه أنا مبرزطة شوية .. ماتديش عليا ..
مروى .. ههه عادي ..
فاتي .. عاودي لي لي بغيتي غير باش نتعرفو و صافي ..
مروى .. أمم يا لالة أنا مروى العدلي .. عندي 24 سنة عندي ختي وحدة و ماما .. بابا متوفي و مذيعة هههه سااابقا و خادمة شخصية للسيد أسد حاليا..
فاتي .. خادمة .. ديال ميسيو أسد😱
مروى .. هههه مقالهالكش سيلفادور. .
فاتي.. لا لا سولتو قال لي متدخليش فلي بعيد عليك
مروى .. ههههه اوا يا لالة سي أنا خدامتو دأسد ..
فاتي .. مكيخلعكش😳 أنا كنشوفو كنبغي نبول فبول فسروالي بالخلعة😱
مروى .. هههههه المشكلة هي اني مكانخافش منو كون كنت كانخاف منو كاع ماتلقايني هنا .. كون راني فدارنا مع ختي و ماما ..
فاتي .. هههه باينة راسك قاصح و عنيدة..
مروى .. كثر ما تصوري 😕 خلينا مني دابا .. عاودي لي عليك..
فاتي .. اممم أنا فاتي ناصري خمسة و عشرين سنة عندي ماما و بابا فالمغرب و عندي 3 دخوتي قريت هنا عند عمي و خدمت مع سيلفادور 😍..
مروى .. كتقولي سيلفادور كيحمارو حنيكاتك و يبرقو عويناتك هههه
فاتي .. هههههه 😄 حسمتيني. .
مروى .. وينو كتبغيه ..؟؟
فاتي .. كنموت عليه .. شتي كلمة كنبغيه قليييلة بزاف على هاذشي لي كنحس بيه من جيهتو .. ثلات سنين و انا خدامة معاه كل عام كانزييد نتعلق بيه أكثر و أكثر ولا فحال الوكسيجين بالنسبة ليا .. رومانسي بزااف .. ''دمعو عينيها'' ههههه عرفتي شنو عمرو ما داها فيا .. عمرو ما تلفت لجيهتي ولا لمح لي لشي حاجة أو حاول يتقرب مني .. دائما أنا لي كانتقرب منو .. فالأول مكانش كيصدني لكن دابا .. دابا ولا كيبعدني عليه و يقمعني كل ما تقربت منو .. مقادااش نتحمل هاذ المعاملة 😭.. ههه سمحي لي كثرت عليك .. ولكن .. مكرهتش .. مكرهتش ننسى حبي ليه مكرهتش نهزو من قلبي فحال هكذا و نرميه .. سمحي لي ولكن فآش كنبدى ندوي عليه دموعي كيسيلو بوحدهم😭
مروى ..''عنقاتها''اممم ماتقلقيش كل واحد منا عندو حكاية فشكل ههه كل وحدة مجروحة فجيه .. عرفتي شنو .. أنا غانعااونك باش تنساي حبك ليه .. اوكي 😉 غاناعااونك باش ترميه من قلبك خصك غير تكوني قوية قوية قوية هههه
فاتي ... ياريت كان بهاذ السهووولة منقدرش ننساه😭
مروى .. حبيبتي يا فاتي .. عارفة الحب صعيب ولكن واش جايباني لهنا باش تنكدي عليا 😳
فاتي ....هههههه ويلي سمحي ليا
مروى ..يالله ضحكي و نشطي ليا مع راسك محدش واخد منها حاجة. .
فاتي .. ههه عرفتي .. نتي ضريفة بزاف .. هههه
مروى .. حتى نتي ..
فاتي ... و زوينة بزااف هه 😄
مروى .. اوففف حسيت براسي فهاذ اللحظة ههههه
فاتي ..اوووه .. نزلي شوية .. يالله هاحنا وصلنا ..
وصلنا للمتحف لي أقل ما يمكن نقول عليه رااائع مع أني ماعنديش مع داكشي دالرسم و الفن ولكن بهرني داكشي لي شفت كانو فيه لوحات ديال بيكاسو و بزااف ديال الفنانين لي خلاو بصمتهم في هاذ المجال .. كملنا من المتحف و مشينا لمطعم تغدينا فجو كلو ضحك فاتي ضحوكية و ضريفة عكس لي كيبان عليها كتبان مسمومة و عاجبها راسها .. من بعد ما كملنا لغدا مشينا كملنا الدوران فشوارع مدريد... و الكاردكورات مزلعين ورانا فحال لا خايفين يقتلونا...
فاتي .. أيوه يوه .. واش نتي مكانعياش. .يا ختي رجلي تقطعو بالمشي .. اوووه هذا كون ماكنتش لابسة سبادري كون سخفت. . ويلي نتي لابسة طالون مكانعياايش ألأخت
مروى .. ناري مكرهتش نمشي دوبل ديال هاذ المسافة مزال .. راك معارفاش من إيمتا ماتمشيت يا ختي افف حابسني فداك القصر حتى حماضيت..
فاتي .. نتي لي درتيها لراسك أبيبتي هههههه قالك كاتحلي فمك على من على أسد .. على أساس هو ساهل يعني ..
مروى .. غير سكتي ندمت على النهار لي خدمت فديك الإذاعة هههه .. كثرة الهم كضحك ..
فاتي.. يالله اختي نمشو عييت و ماتنسايش الحفلة و خصنا نوجدو روسنا..
مروى...أحبيبة وجدي راسك نتي أما أنا لاش مغانحضرهاش غانمشي ديريكت لبيتي ..
فاتي.. سيري سيري أسد قال لسيلفادور كولشي يحضر حتى نتي وعلاش جيت أنا غير باش نعاونك توجدي ..
مروى .. زيدي زيدي .. تال تم و نشوفو ..
مشا واحد الحارس الشخصي جاب الاوطو و البقية بقاو واقفين على روسنا... وصلونا للفيلا .. لقينا كولشي كيجري كاع الخدم كيجريو و كيحطو طبالي و يحطو عليهم باقة ورد فالمزهريات دالكريسطال والشموع موزعين بطريقة راقية فالفيلاا هاذشي تحت إشراف كريستينا لي تابعاهم صاوب نتا .. قاد نتا ..
كريستينا. . مزال ماوجدتووش .. الناس على وصول و نتوما باقيين هناا..
مروى .. أمم أنا مغانحضرش ياك .. مكاين لاش نوجد ..
كريستينا. . كولكم غاتحضرو .... و مابغيتش نقااش يالله حيدو من قدام
مروى .. بففف.. اوكي ..
#يتبع🔥
#ليالي 💎
#بنات_حواء 👑
#جيم_للتشجيع 😍
فنضركم شنو هايوقع فالحفلة😍😍😍😄😄😄