🔥 فساد_و_حب 🔥 ( مكتملة )

ج 5

🔥فساد و حب 🔥
بقلم : ليالي نسيم ✒

....ومشيت لخدمتي ..كي دخلت لبيرو ديالي أول حاجة درتها خذيت نمرة دسلفادور عاودت اتصلت بيه .. بعض انتضااار طويييل تفتح الخط أخيراا لكن بصوت أنثوي😂
انا : Holà (مرحبا)..
...... : (منفخة) Hola😒
أنا : (بصوت مسموع) خراا شكون هاذشي عاوتاني  ..
......: يخ شهاذ قلة الأدب هاذي .. شكون معاياا ..
أنا : نتي مغربية .. شكون نتي؟؟أنا بغيت سلفادور..
.....: كيفاش كيفاش شبغيتي سيلفادور و شكون نتي اصلا لي تتصلي بيه اه انا مغربية😡
أنا :  غا بشوية عليك اختي اناري مالك باغاا ضاربي. . معاك مروى مذيعة دبرنامج '' نقط على الحروف '' ممكن ندوي معاه ؟؟ واش تيليفونو بعدا هذا😳😳
.....:اه نمرتو .. و نتي شنو باغاه بالسلامة !؟اشمن شغل عندك معااه. 😒
انا : ممكن نعرف انا مع من ؟؟شكون نتي؟؟
......:انا المساعدة الخاصة ديالو
انا :اااه شنو سماك الله بعداا. .
.......:فاتي
انا : متشرفين حبيبة ..عافاك ازين تعذبت باش جبت نمرتو .. ممكن تعطيه تيلفون. ..
.....: اوف اوكي ستناي  بقاي معايا فالخط. .
أنا : واخة شكرا ..
........:حبيبة مستر ريفيرا مامسالياش دابا .. قال لي غايتصل بيك بالليل فآش يسالي ..
أنا : زعما غايتصل .. راني بغيتو ضروري واش عرفني بعداا؟؟
.......:اه عرفك ..سمع سميتك بدأ يضحك ..
أنا : اااه مزيان على الله يتصل ...
......:واش غانجمعو؟؟ أسيري اختي لا عندك شي شغل قضيه مرانيش مسالية ليك ..
أنا : اناري غا بشوية ماتنساايش تعطيه نمرتي(قطعات لي فوجهي قبل ما نكمل هضرتي😳)
حطيت تيلي و نزلت جبت كأس دالقهوى  .. و اتجهت لبيرو ديالي حتى وقفني رئيس التحرير بكرشو ممدودة قدامو😂  مسيو أحمد عاطيفي 😌
أ.ع: لالة مروى .. شخبارك اليوم ..
أنا : (ابتسامة مصطنعة) بيخير سي حمد و نتا لباااس. .
أ.ع: وعلاش كاين لي يشوفك و مايكوونش بيخير..
أنا : (قلبت وجهي .. وبصوت غير مسموع) يغصبك يا الشيبة العاصية. .
أ.ع : قلتي شي حاجة ألالة مروى ..
أنا : قلت ليك ربي يخليك اسي حمد..كيف راها المداام  ..
أ.ع :  راها شرفاات و وبا فيها غا النگير .. الواحد بغى يجدد الشباب و هاذيك لي بقى معاها غا زوج سوايع غاتقتلو  بالفقصة. ...
أنا : هههههههه زعما نتا لي باقي صغير لا حول ولا قوة إلا بالله ي...
ايمن :أي أي أي سي حمد لباس عليك (نغزني) اهيا ديك السرسارة كالما. .
أ.ع :(خزر فأيمن) سيرو قابلو شغلكم سيرو .. و نتا ماتبقاش غا فينما نضور نلقاك شاد فشي وحدة ..
ايمن : ههههههههههههههه واخة مايكون غا خاطرك اسي حمد..
أ. ع:هي لا طلقتي من الآنسة مروى دابا !!
أيمن : هههههه هاني (هز يدو لفوق..👐)
انا : زيد قدامي راني بديت نتعصب زييد ..(سبقتو)
دخلت لبيرو ضربت بالباب  و حطيت الكأس دالقهوى ..
ايمن : (دخل و سد الباب )وااااعععع ههههه هههههههههههههههههههههههههه واااميييي كرشي هههههههههههههههههههههههههه اووه مون ديووو هههه كي كي كيغير عليك مسكين هههههه وامي 😂😂😂😂
انا: (سرفت عليه بطالون) قود عليا الخانز تفووو. . نتا لي بقيتي ليا 😡
أيمن : ههههههههه واااكواك ماقادرش نحبس الضحك ناري بغا ياكلني ههههههه
انا :  الله ينعل القح**ة دموو الز** ويلي قال لك مراتو شرفات بغا يجدد الشباب الله يغصبك .. نتا شبر و القبر و لي فيك ما هناك. .
ايمن :  هههههههههه الحاااال ما  يشااور ابيبي ههههههههه مسكين ..
أنا : ناري كون صبت لو الجهد نقتلوو. .
ايمن : غاديري أكبر مزية لا قتلتيه😂
انا : الله ينعلك الخانز باغي تهناا مني 😂
أيمن :اويدي غا شاد فيك انا شحال عندي منك شحال ها ..؟؟
أنا : أنا طبعا ما في غيري هاهاها ..😈
أيمن : اوا شتي غير ضبرتي ليا شي موعد مع زوزة  اليوم مانساش خيرك. .
أنا : هههههه من نيتك .. ياك عندك نمرتها ؟؟ياك كدويو؟ ؟ اوا لاااش مصدع ليا كاشوشي انا ؟؟
أيمن: ههههه المشكلة هي أننا زمان هذا و حنا كندويو غير بحال لخوت أو صاف ...
أنا : هههههه عارفة عارفة. . نتا لي مابغيتيش تزعم. .
ايمن : كانخاف لا تصدني. .
أنا : شنو خاسر لا جربتي !!..
ايمن : وا راه داكشي علاش قلت لك ضبري لي شي موعد .. حيت السيجي ماشي ديال التيليفون...
أنا : هههههه واخة اسيدي ماتكون غا على خاطرك مي ماشي اليوم غدا .. غانقول لها عارض علينا أيمن لعشا اوا من بعد نخليكم بوحدكم بحجة عندي الخدمة 😌 عارفة راسي ذكية بلا ماتشكرني. .
ايمن : هههه أري ليا داك الرأس نبوسو 😍
انا : جداك انا 😒
أيمن : الحب ديالي نتي العمر نتي 😍
انا :  صافي صافي گهمتيني .. 😒 اااه حقااا شكرا على النمرة صدقات ديالو نيت  ..
ايمن :  علاش كنتي شاكة فيها ههه .  شنو دويتي معاه .. شنو قال لك شنو قلتي ليه!!..
أنا : جاوباتني لاسيكري ديالو ههه ..باينة كاتبغيه مسكينة دارت ليا.. استنطاق😂 مافخبارهااش بحال دوك الأشكال كاع ما نشوف فيهم انا هههههه  مجرميين  و نصاابين. .
أيمن : هههههه اوا راه السيد شخصية صعيب تكون معاه 24 ساعة و ماتبغيهش نتوما البنات هكذا ديما لي يتعامل معاكم مزيان تصحبوه يبغيكم 😂
انا : (ضربتو لراسو) مال الحمار بوك اليوم مالك حنا البنات لي عندنا عقل كنفكرو بيه كاااع ما كنديوها فدوك الأشكال 😌😌
أيمن : هههههههه انا راه كنت كندوي على البنات نتي اصلا ممحسوباش...
أنا : نود قود خراا 😡😡 سير تحلم لغزلان باح باح 😒😒
أيمن : لالا احمباك إلا غزلان مادخليهاش فالخلافات الشخصية ديالنا😂

#يتب_____ع....
🔥🔥 لي قرآت شي جزء دير نجمة للتشجيع فقط ماشي أمر 😍 😍