المي وملاذي

البارت الرابع والاربعون 44(ج2)

السلام عليكم 🌺🤍
★#ألــــمـــي_ومــــلاذي★
★البارت الرابع والاربعون 44(ج2) ★
★الكاتبة اساور حسين🤍★

رفعت يديها وقالت :
ربي أبعد شرهم عني ..
فكان أول الراحلين أعزهم لقلبها !
♡♡♡♡♡♡♡♡♡♡♡♡♡♡♡♡♡♡♡♡♡♡
رهف ..

واكفه على طباخ وكبالي قواري الجاي واحد اكبر م̷ـــِْن الثاني التفتت اتأكد م̷ـــِْن صواني الكعك ..
وعلى يساري سلات التوزيعات ..
رفعت راسي على سله صغيره خليتها فوك الثلاجه
نزلتها واخذت كيس اباوعله وعيوني
انملو دموع بداخله تيشيرت اطفال حديث الولاده
سويتها العبدالله الرضيع ..

رجعت السله المكانها وغسلت وجهي مااريد احد
يشوفنيي ويشفق على حاليي ..

مشيت للكاونتر خليت الاستكاين رتبتهن، دخلت عليه امي مستعجله ..

ام رهف:-يمه رهووفه صبي 10ستكااين جااي
اجتي الملايه ويااها نسوان ..

فاتت هاله ويااي اخذت الكعك واني صبيت الجاي وطلعناا سلمت على كااعدات وزعت وصلت للملايه
انطيتها استكانها سحبتني باستني ..
انسانه طيبه بشكل حيل احبهاا وهيه تحبني وتعزني ..

وصلت للعاملات انطيتهن وحده منهن اسمها
وسن كرصتني بخدي وهمست:-مااريد جايي مااعدكم عصيرر كلبي حااار ..

رفعت ايدي اشرت على عيونه وكتلها: -انطيج عِيوني ادلليي لحضاات اروح ركض اجيبلج واجيي ..

خلصت ورحت للمطبخ فتحت الثلاجه اريد ارجع انطيهاا العصير واشوفها واكفتلي بالمطبخ
م̷ـــِْن الهبطه رجعت لليوره وصررخت

وسن:-ايي خيه شمالج اعصاابج شفتي جني ..

رديت بضحكه مصطنعه لان عيب فشلت م̷ـــِْن تصرفي: -لا عيوني انتيي بس اني هيج جبانه م̷ـــِْن كلشي افزز ..

تقدمت خليت العصير بيدهاا وكتلها:-ليش تعبتي
نفسج واجيتي ..!!

وسن:-لا وين التعبب هو اريد اخلص م̷ـــِْن الهووسه شويه وشردتت ..

رديت بضحكة:-يااااعينيي دكعددي هنا شويه
هدووء ..

كعدت على ميز واني واكفه اغسل الاستكاين الرجعوهن سألت:-اكلج رهف ه̷̷َـَْـُذآ الرجال الوصلني
قبل كم يوم منوو اخووج ..

رهف:-لا وين مااعندي اخوان ه̷̷َـَْـُذآ زوجيي ..

وسن:-ياا لج عيني درره مال الله ادب واخلاق
رَبّــيٌ يحفظكم البعض ..

رهف:-امين ياارب ..

سكتت اكمل شغلي وهيه هم سكتت بس شو دقايق ورجعت تسأل:-ازوجتو على حب لْـۆ تقليدي عذريني على سؤال بس اني شويه فضوليه ..

ضحكت وكعدت مقابيلها وكتلها:-لا عااادي هو اي احد يشوف علاقتنه او حتى يشوفنه يصير عنده فضول يتعرف علينه وعلى علاقتنه ..