المي وملاذي

البارت السابع عشر 17

السلام عليكم 🌺🤍
★#ألــــمـــي_ومــــلاذي★
★البارت السابع عشر 17 ★
الكاتبة اساور حسين
مِن شفتَك ..
تغير موعِد النوم
بديت أسهَر
وأحن
وأشتاك
وأبرَد
وأغار
وترجف إيدي
وأبچي
وأحتار
وأشوفك
وأرتبَك
وأبنيك
وأنهَد
♡♡♡♡♡♡♡♡♡♡♡♡♡♡♡♡♡♡♡♡♡♡♡
رهف...

مد ايده لزم ركبتي باثنين ايديه وطكها اخر شي سمعته صوت الطكه هيه طكه وهيه غواش صار على عيني ماكمت اشوف بيهن والوجع انتشر باانحاء ضهري وفقدت..

صحيت اصوات حواليه عيوني شويه شويه افتح بيها حسيت عمي غسل وجهه بمي وعمو يعقوب بيده عطر ورائد يطبطب على خدي بخفه حجيت بصوت شبه مسموع..

رهف:شكو شنو اصار هنا ..

عمران:كومي ياعموو كوومي وكعتي كلبنه هية طكه شلون تخربطتي..

رد عليه رائد وهوه يبتعد من عندي ويكعد على قنفه المقابيلي..

رائد:من الخوف وكعت مو من الوجع..لان مستحيل طك الركبه الهل درجه يوجع..

رهف:اصلا ماحسيت بشي بس خفت حيل معبالي هيجج متووجع..

اباوع وجهه وجسمي كله مي طلعت الساني شو طعم حلو رجعت باوعت على ايد عمو شفت الكلاص وضحكت..كمت على حيلي وكتلهم..

رهف:رايحه اسبح اني عذروني دوختكم وياي..

ام رائد:كولي غيرها يمه هسه طك ركبتج ميصير.

رهف:شلون لعد مااسبح وعمي مسبحني بعصير البرتقال..

من الخبصة حتى ممنتبهين باوعو على ايده وطكووها بضحكه عفتهم وفتت سبحت طلعت للغرفه لكيت ماجده بيدها باندج رائد موصيها تلفها حتى ميرجعلي التشنج..

سرحت شعري ولفيت الباندج وطلعت كعدت بالهول وياعمامي نسولف شويه وكمت للمطبخ اجيبلهم مي فتت انطيت العمو عمران وندك الباب البيت طلع عمو يعقوب فتحه وفات بسرعه صاح بغضب..

يعقوب:هذا اخوك جاسم بالباب..

عمران:واخووك هم ..

عافه عمو يعقوب يريد يفوت وصاح عليه لزمه من ايده وصرخ بوجهه..

عمران:اوكف هنا عيب عليكك كتلك لاتخلي العالم تضحك علينا..

كمل كلامه وطلع دخل عمو جاسم احنه شردنا للمطبخ..شويه وفاتت علينه بنته بعمري اسمها ريماس سلمت علينه وكعدت ويانا اسولف..اندمجنه وياها سوالفها حلوه وتنحب بسرعه..ماكو دقايق وطلعت اختها بس مو بجمال ريماس سلمت وعمتي سألتها..

ام رائد:شسمج انتي يمه..

ـ اني اقبال اختهم اكبر من ريماس..

ام رائد:كل الهلا بيكم يمه نورتو بيتنه ..

ضلينه كاعدين بالمطبخ نحضر الجاي والعصاير العرفته من خلال كلام ريماس عمو يعقوب م#٢سلم على عمو جاسم البعمري مشايفته ..حيل عندي فضول اشوف مرته من اذكر مرته مصريه تجي على بالي الممثله ليلى علوي..