#ولدتني_عاهرة
الجزء 1
منار .. منار ..
نعم شن تبي !!
مازال بابا ما يبيش يروح ؟؟ 😔😢
ما نعرفش ...
انا نبي بابا 😢😢 .. قتلي منار باهي خلاص اسكتي .. قعدت نبكي و خدتني خلتني في حضنها .. كنا كلنا نسألوا نفس السؤال ..
وين بابا ؟؟؟؟؟
أمي قالت إنها بتبدا تخدم .. ترفع فيا معاها .. به هذا منو الي بنركبوا معاه السياره ؟؟ 🙄🙄
أمي : أركبي و سكري فمك .. 😠
ركبنا و طول الطريق و هو أيده على فخدة أمي .. و نزل للمحل و خدالي حاجات .. كان يحاول يتوددلي لكن كان في شي في داخلي بالرغم صغر سني و طفولتي يقولي هذا خطأ ..
روحنا و في الليل خش كل واحد فراشه .. نضت مشيت لفراش منار ..
منار .. منار ......
خيرك شن في ؟؟
أسمعي راه اليوم بعد ما انتو مشيتو المدرسه جى راجل و ركبنا معاه و قالت ماما ان احنا ماشيين العمل .. قتلي و انتو وين مشيتوا ؟؟
قتلها مشينا لمكان كبيررررر و وااااااااسع و فيه شجرات ليم هلبااااااااا ... انا نقعد نلعب برا و لما نتعب نرقد في السقيفه 🤭
منار : 😥
قتلي كل يوم تمشوله المكان هذا ؟
قتلها ايه هذا مكان العمل متع ماما .. قتلي كان سألك عمي تقدري تقوليله هكي ؟ هزيت براسي ايه ..
.....................
رقدت جنب منار أختي .. ممكن ليلتها انا رقدت و منار قعدت تفكر للصبح ..
و في يوم جتنا عمتي .. تبكي و تتحسب على أمي .. و بعدها جى خالي و عمي .. و يبدوا ان صاير موضوع كبير ..
عمي ينادي على منار .. طلعت منار ..
عمي ينادي عليا .. طلعت ..
تعالي يا ماريا .. ترا أحكيلي على خدمة ماما ؟؟
تعرف يا عمي نمشي غادي نقعد نلعب و نقطع في الليم و ناكل و ماما تخش داخل هي و عمي المدير يسكروا في الباب .. انا مرات نرقد تحت الشجره و ديما نتبول في التراب .. ماهو ماما ما تقدرش تفتحلي باب الخدمه ..
شدتني منار من ايدي و دخلتني الدار .. و تعرف يا عمي في كلب انا نخاف منه غادي .. منار تشدني من ايدي اسكتي و هيا .... يبدوا اني كنت نتعرض للتحقيق !!!!
قعدت في الدار نلعب بي ألعابي .. فتحت أمي باب الدار ..
خشت علينا و فيها من كل نوع من انواع الجنون .. في أيدها خيط كهرباء ملفوف و بدت فينا ضرب .. انا و منار ..
كانت كل ما تجي فيا ضربه انقز و كأني تعرضت لصاعق كهربائي ..
نبكي .........
نعيط ...............
عيوني يناجوا فيها الأمومه ...🥺🥺 أرجوك يا ماما حارة و الله حارة اااااااااااااااااااااااااااااااااااي و راس أمك يا ربي قوللها ..
تبولت على ملابسي ....
زادت حدة الضرب ...
أغمى عليا __________ 💔💔💔💔💔
فقت و أنا على فخدة منار .. نزار .. محمد .. جنبي خوتي كلهم ..
كلي اميه مبلوله .. يبدوا انهم بخوني بالماء ..
و بعد أيام عاد فيها الهدوء .. نضنا الصبح انا و نزار .. بنفتحوا باب الدار لقيناه مصكر .. طقينا الباب .. بعد لحضات جت أمي فتحت الباب ..
خيركم شن تبوا ؟
__ جيعانين نبو ناكلوا حاجة ..
أمي : سم ان شاءالله راكم تتمرقدوا زي باقي الصغار ...
انا و نزار 🤭🤭🤭
خشت أمي المطبخ .. طلعنا انا و نزار من الدار ..
نزار : تعالي معاي ماريا ..
تبعته للصالون .. في راجل مقعمز ..
اووووو ما شاءالله تعالوا سلموا هي ..
انا و نزار خفنا و رجعنا الدار .. جت امي .. شدي انتي و خوك كولوا بسيسه و بعدين نعطيك حاجة تاكلوها ..
و صكرت علينا الباب .. سألني نزار .. هذا نفسه عمي الي يرفع فيكم للعمل ؟؟
قتله لا لا مش نفسه ..
بعد اكثر من ساعتين .. جت امي هيا نوضي انتي و اياه وتوا روحكم للمدرسه معاش وقت ..
لبسنا و مشينا ..
روحنا .. ماما .. ماما ....
خيرك شن تبي ؟؟؟
الواجب هذا ما عرفتش نديره ..
أمي : انتي قاعده صف الاول و ما عرفتيش كيف .. تعالى يا نزار وري لي اختك واجبها ..
كنت كل ليله نبكي و نرقد عند منار .. نقول لي نزار وين بابا يا نزار ؟؟ انا نبي بابا 😢
يقولي بحميَّة شرقيه .. توا نكبر و نبدا راجل و نطلع ندور عليه باهي ؟ 💪🏻🤨
نهز راسي و نقول به 😔 .. يطبطب نزار على راسي و يقولي معاش تبكي باهي ! 😊
نهز راسي و نقول به ...
بكره عيد الطفل ..طول الطريق مروحه من المدرسه و نفكر شن بنرفع معاي
نزار .. نزار ..
رد عليا .. نعم !
قتله هاجر بنت صفي بتجيب معاها بسبوسه غدوة و احنا شن بنرفعوا معانا ؟
قالي توا نروحوا و نقولوا لي ماما اديرنا حاجة نرفعوها معانا باهي 😊
قتله به 😊
نزار كان أكبر مني بي 3 سنوات .. و منار كانت اكبر مني 6 سنوات .. و محمد كان أكبر مني بي 10 سنوات ..
روحنا و قلنا لي أمي على عيد الطفل .. قالت قعمزوا ما فيش مشي .. ما عندكم شن ترفعوا ..
قعدت نبكي و نقول لي منار نبي نمشي نبي نمشي .. قتلي خلاص تو نلبسك انا بكرة و نرفعك انتي و نزار ..
كنت نقرا عشيه انا و نزار .. نضت الصبح بكري فرحانه بلبسة العيد الي بنلبسها في عيد الطفل .. قعدت انوض في نزار ..
نزار .. نزااااااار .. نوض
فاق فتح عيونه .. شن تبي مازال نبي نرقد ..
قتله شن بنرفعوا معانا لعيد الطفل ..
ناض قالي بنخش الحمام و بعدين بنطلع تو نجي ..
خش الحمام و جى قالي تعالي اوقفي حدا الباب .. لما نجي انا نجري انتي صكريه .. قتله به 😀
طلع نزار و كنا في الحوش بروحنا .. و قعدت أنا واقفه قدام الباب ..
نشبح في خلود بنت جيرانه مركبها خوها علي في برويطه و يهيج بيها ..
خلووووووووووود .. ياااا خلووووووووووووووووود .. تركبيني تجيره و راس أمك ..
ناداني علي .. تعالي ماريا اركبي ..
مشيت نجري ركبت و بدا علي يجري بيا و انا في قمة المتعه 😆😆😆 .. خش فيها يا علي 😁😁 خُش .. اضربها اضربها 😄😄 ... خلود تجري و احنا وراها ..😆😆
فجأه نسمع في نزار ينادي عليا .. نزلت نجري و مشيتله ..
نزار : توا مش قتلك انا اقعدي واقفه قدام الباب 🤨🤨 .. أهو الباب تصكر من الريح .. منو بيفتحلنا الباب توا هي ؟؟
أنا : حي علينا بتروح امي تلقانا في الشارع 😱
قعدنا مقعمزين فم الباب .. نزار شاد شكاره .. قتله حي شنو هذا ؟
قالي شكلاطه ارفعيها معاك لي عيد الطفل ..
فرحت هلبا 😍 و شديت في رقبته .. و قعدت نغني
..
خوي نزااااار انا نحبه 🎼 .. انا نحبه هلباااااااا 🎼
خوي نزار هو بطل يغلب كل الاعداء🎼 و يجيبلي كل شي نحبه 🎼.. 🥰🥰
...........
نضنا قعدنا نلعبوا مع علي و خلود بالبرويطه .. نزار يدف بي خلود و انا يدف بيا علي 😄😄😄😄 .. لين جى خوي محمد و منار ..
محمد فتح الباب بالمفتاح .. خشينا .. حوايجنا مبهدلين و شعرنا تراب ..
منار : نهاركم انتو شن اديروا في الشارع ..
أنا : ماهو الباب تصكر علينا 😔..
منار : خشي الحمام خلي نغسلك و نلبسك نرفعك للمدرسه ..
خشيت فرحانه نجري .. لبستني منار و رفعتني للمدرسه انا و نزار .. 👸🏻🤴🏻
رفعت معاي شكلاطه و لعبت مع الصغار و روحنا أنا و نزار ...
و لما خشينا للحوش .. نلقوا عمي عبدالله صاحب دكان الغدائيه واقف ع الباب ..
نزار خاف و هرب .. انا خشيت 😳
امي تتأسف من عمي عبدالله و أعطاته فلوس ..
أمي : محمد يا محمد .. نوض دور على خوك و جيبهولي ..
أنا 😳😳
أمي : ماريا .. يا ماريا .. و خشت عليا في الدار .. قتلي شن رفعتي معاك اليوم للمدرسه ؟ قتلها شكلاطه ..
جى نزار .. جابه محمد خوي ..
صكرت علينا الدار .. و شادة طوبوا الغاز .. عيونها بيطلعوا في نزار .. بدت تضرب فيه ..
كانت نظرة عينها تخليني نتبول على ملابسي طول .. تدب فيا الرعب ..
نزار ما يعيطش .. يزيد من غيضها ..
تزيد حدة الضرب ..
و انا نبكي ما نبيش نزار ينضرب .. تلفتت لي امي .. و بدت فيا ضرب .. كل ضربه انقز معاها فوق و ننزل ..
لا يا ماما و راس امك لا 😭.. نعيط .. نعيط .. نعيــــط
—————-
طلعت أمي و قعدت انا و نزار نبكوا .. قتله علاش ماما ضربتنا ؟ ..
قالي ماهو انا الصبح مشيت دكان عمي عبدالله خنبت منه شكلاطه 🤭🤭🤭
قتله قول و حق ربي 😨
قالي و حق ربي خنبتها منه باهي ..
قالي اعطيني من الي جبتيه من عيد الطفل انا جيعان ..
قتله هي نقسموا ؟
طلعنا حاجاتنا و بدينا ناكلوا و نضحكوا بصوت خافت 🤭🤭🤭🤭🤭🤭
____________________________
No name ♥️🌺
