Wave Back, Kahel

Prologue

"Manahimik ka nga panay ka mura para kang..." Hindi ko na narinig pa ang huling sinasabi ni Mommy Ronin kay Had dahil tuluyan na akong lumabas, malamang ay mag-iinisan nanaman ang dalawang bwisit na 'yon, asar talo pa naman si Hadri kapag si Ronin na ang nagsalita, wala kasi siyang palag do'n, eh.

Nakapamulsang maglalakad ako nang masalubong sa hallways ang isang schoolmate, 'yung tinutukoy ni Had, maganda ito at matalino, type ko ngunit parang hindi ko gugustuhing landiin kasi parang hindi marunong makipag-fling ang babae, ayoko nga ilagay sarili ko sa alanganin, kahit alanganin 'yung mismong lumalapit sa akin.

Minsan alam mo talaga sa sarili mo kung lapitin ka talaga ng gulo.

"Hi, Gali!" Masiglang bati niya, hmm nabanggit ko bang mabait din siya?

Ngumiti lang ako sa kaniya at bahagyang tumango, maganda talaga, she's not straight at ang usapan ay bisexual ito pero hard pass bruh, sabi ng radar ko, her love is so dangerous yeah yeah so dangerous—okay, hindi ko talent ang kumanta, take note.

"Gali!" Rinig ko nanamang may tumawag sa beautiful fucking name ko, this time kilala ko talaga kung sino, nagkagulatan pa nga kami.

Si Jacinthe, may katamtamang haba ng buhok, mukang masungit na mabait kaya nangingibabaw ang 'president's lister' vibes niya.

Wow, nakasalubong ko nga ito...just like what Hadri said, ang galing ni Had ah? Pwede na palitan si Madam Auring.

Nakangiting lumundag si Jacinthe sa akin at humalik sa pisngi ko pagkatapos ay ginawa namin ang signature hand shake na gawa-gawa ni Had The Great.

"Saan ka punta? Balik dali."

Napairap ako, hindi ako uubra kay Jacin kaya nagpatulak nalang ako nang igiya niya ako paharap sa kung saan ako nanggaling.

Dala pa ni Jacin ang mga libro niya kaya ako ang nagbitbit no'n para sa kaniya, siya lang ang may exam ngayon at puro major. Hay, nakaka-stress maging college!

Napansin kong nakangiti si Jacin sa akin kaya tinaasan ko ito ng kilay.

"Ano? Ganda ko?"

"Pwede na." Kumindat ito. "Magsasaya tayo mamaya."

Tila nagningning yata ang mata ko. Dala niya pala ang magandang balita ng alak ngunit napaungot ako nang may maalala. "Tayo o kayo ng jowa mo?"

Tinawanan niya lang ako. Tagal na naming magkaibigan saulo ko na 'to!

Pero okay lang, napangisi ako.

Matik na kasi na may pupuntahan kaming party, sakto, kailangan kong mag-unwind, masyado na akong nag-effort sa pag-aaral!

Mabuti nalang at malapit na ang bakasyon.

Miss na miss ko na ang Dapit-Hapon! Resort 'yon na may magandang beach, may maliit na souvenir shop kasi ang mama ko sa resort na 'yon kaya roon ako nagbabakasyon para bantayan 'yon.

Doon din kasi ang probinsya ko,  actually kaming dalawa ni Hadri, mga barrio kids, yes naman, proud!

Dahil nga may pupuntahan kami ay kani-kaniya kaming ayos, si Ronin na kaswal lang suot ang denim jacket niya na tinernohan ng puting cropped top sa ilalim, it's her simplicity and presence that screams. Si Jacin na naka racerback top at skirt na hindi manlang umabot ng tuhod! Mahabagin, this girl is flaunting her curves, bless my eyes. At syempre si Hadri mukang mamahalin dahil sa porma niyang expensive classy bitch look, wearing her high-waisted mom jeans, and cropped blouse under her brown cropped blazers. Naka budget talaga ang porma niyan.

"Jusko bagal mo Ronin para kang isang taon kung maglakad!" Reklamo ni Hadri, natawa ako, kulang nalang kaladkarin ang tamad na tamad na si Ronin, parang ayaw pa nga no'n sumama dahil may readings daw kami pero walang magawa ang loko dahil kinulit-kulit nina Jacin. Readings my ass.