"အထွန်း ပွဲခင်းထဲသွားရအောင် ၊ နောက်ကျနေတော့မယ် "
"ဟုတ်"
ကျော်မိုးက စက်ဘီးကို ပြန်နင်းသလို အထွန်းကလည်း ဘေးစောင်းပင်ပြန်ထိုင်သည်။ ထိုတစ်ကြိမ်တွင်တော့ အထွန်းသည် မရဲတရဲပင် ကျော်မိုး၏ အင်္ကျီစကို ကိုင်ဆွဲထားလေသည်။
********
ပွဲဈေးသည် ကြက်ပျံမကျ စည်ကားလျက်ရှိသလို လူများလွန်းသဖြင့် မတိုက်မိအောင်ပင် ရှောင်နေကြရသည်။
"အထွန်း ဘာစားချင်လဲ"
" မသိသေးဘူး"
အထွန်းက ဟိုဟိုသည်သည် ကြည့်ရင်း စားစရာရှာသည်။
ပန်းသီး ဟင့်အင်း ၊ အကြော် ဟင့်အင်း ၊ ဝက်သားတုတ်ထိုး ဟင့်အင်း။
တစ်ခု စဉ်းစားပြီးတိုင်း ခေါင်းတစ်ခါ ခါသည်။ နောက်ဆုံးတွင်တော့ အထွန်း တစ်ယောက် မုန့်လေပွေကို သွားတွေ့သည်။
"ကိုမိုး ကိုမိုး မုန့်လေပွေ စားချင်တယ်"
အင်္ကျီစကို ဆွဲကာ ကလေးတစ်ယောက်လို ပြောနေသော အထွန်းကို ကျော်မိုးက ကြည့်ရင်းရယ်သည်။
"လာ သွားဝယ်ကြမယ်"
အထွန်းက မုန့်လေပွေအချပ်ကြီးများကို ကြည့်ရင်း ရယ်သည်။
"အထွန်း ဘာတွေ သဘောကျနေတာလဲ"
"မုန့်တစ်ခုကို အထွန်းမျက်နှာ နှစ်ဆလောက်ရှိတယ်"
အရယ်တစ်ဝက်ဖြင့် ပြောလာသော အထွန်းကို ကျော်မိုးက ကြည့်သည်။ ထို့နောက် လက်တွင် ကိုင်ထားသော မုန့်လေပွေကို ကြည့်ကာ ရယ်တော့သည်။
"ဟုတ်သားပဲ အထွန်းပြောမှ သတိထားမိတယ်"
ရှေ့ဆက်လျှောက်သော လမ်းတွင် ကစားဝိုင်းများကို လည်းတွေ့ရသည်။
"အထွန်း ဆော့မလား"
"ဘာကိုလဲ"
"မြားပစ်မယ်လေ "
"ဟင့်အင်း အထွန်းမပစ်တတ်ဘူး ရှုံးသွားလိမ့်မယ်"
"ရပါတယ် အထွန်းရဲ့ စမ်းကြည့်ကြတာပေါ့"
မြား ပစ်သည့်နေရာရောက်သောအခါတွင်တော့ ကျော်မိုးက ပိုက်ဆံထုတ်သည်။ အထွန်းကတော့ ဘေးမှသာ လိုက်ကြည့်သည်။
Part 35 ( Unicode)
Começar do início
