" ကြိုက်တယ် "
အထွန်းက ခေါင်းညိတ်ရင်းဖြေတော့ ကိုမိုးက စံပယ်ပင်
ဘက်သို့လျှောက်သည်။စံပယ်အိုးတို့ကိုတွေ့သော်လည်း စံပယ်ပန်းတို့က ပုံစံမတူ။
"အန်တီရေ စံပယ်ပင် လိုချင်လို့"
"အေး လာပြီ"
အထွန်းတို့ကို တစ်ချက်တစ်ချက် လှည့်ကြည့်နေသော ပိုင်ရှင်သည် ချက်ချင်းပင်ရောက်လာသည်။
"ဘယ်အပင် ကြိုက်လဲ ၊ ဒါက ရွှေစံပယ် ၊ ဒါက ဆယ့်နှစ်ရာသီစံပယ် ၊ ဒီဘက်က စံပယ်လည်ဆံလို့လည်း ခေါ်တယ် ၊ မွှေးတာကတော့ ရွှေစံပယ်က ပိုမွှေးတာပေါ့ "
"ဆယ့်နှစ်ရာသီ စံပယ်ကရော"
"သူကတော့ ရွှေစံပယ်လောက်မမွှေးပေမယ့် တစ်နှစ်လုံးပွင့်တယ် "
"ဟိုဘက်က အပင်ကရော"
"အဲဒါလေးက အိုးပုတ်စံပယ်လို့ခေါ်တယ်"
ကိုမိုးက ခေါင်းညိတ်ရင်း အထွန်းဘက်သို့ကြည့်သည်။
"အထွန်း ဘယ်ဟာကြိုက်လဲ"
"ဆယ့်နှစ်ရာသီ စံပယ်လေး"
"အန်တီ ဆယ့်နှစ်ရာသီစံပယ် နှစ်အိုးယူမယ်"
ပန်းအိုးနှစ်အိုးရလာသောအခါ ကိုမိုးက အထွန်းကို တစ်အိုးပေးသည်။
"တစ်ပင်က အထွန်းအတွက် ဝယ်ပေးတာ "
"ကိုမိုးကရော"
"တစ်ပင် ယူသွားမယ်လေ ၊ အထွန်းဆီမှာ တစ်ပင်
အကို့ဆီမှာ တစ်ပင် ထားမယ်""ဟုတ် "
အပြန်လမ်းတွင် အထွန်းသည် လက်တစ်ဖက်က စံပယ်အိုးကို ပိုက်ရင်း အခြားတစ်ဖက်က ကိုမိုး၏ အင်္ကျီစကို အသာဆွဲထားသည်။
လမ်းတောက်လျှောက်တွင်တော့ အထွန်းတို့ကို ကွက်ကြည့် ကွက်ကြည့်။
အချို့က တိုးတိုးကပ်ကာ စကားပြောရင်း အထွန်းတို့ဘက်သို့ ကြည့်သည်။ အချို့ကတော့ မျက်နှာမဲ့ကာ တစ်ဖက်သို့လှည့်သွားကြသည်။အထွန်းက ဆွဲထားသော အင်္ကျီစကို လွှတ်ကာ ခေါင်းငုံ့ထားလိုက်တော့သည်။
ВИ ЧИТАЄТЕ
ပုလဲတို့ဖြင့်ဖွဲ့သီသော ( Completed)
Романтика"ကံ့ကော်ဆိုတာ မပြောင်းလဲတဲ့ချစ်ခြင်း သက်သေ"
Part 33 ( Unicode)
Почніть із самого початку