أوهمتها_بالحب_و_تزوجتها_للإنتقام

12

الحلقة 12
خرجو كيف كيف راحو للمول شراو اول مرة يخرجو مع بعض و يضحكو المهم هو يخيرلها فاللبسة و هي تخيرلو كملو راحو تغداو فالريسطون و روحو تعبانين كل واحد راح لبيتو و رقدو ...
فاق على حسها الصباح تجري فالدار و تعيط يا رؤو يااا رؤوف راح يجري ليها
ر: واش بيك واش كاين
س: راح عني الحال و مازال مانعرفش الطريق مليح البس ضرك و وصلني
ر: ببففف روحي وحدك ولا دبري راسك
س: ياك انا مرتك -_- هيا نوض وصلني
قرب ليها هز صبعو على وجهها يمس فيه
ر: هههه مرتي ... انت ماترقديش معايا مام با فنفس الشومبر
س: ....... ياا خااه مش وقتهاااا راح الحال اني نستنى فيك التحت راحت تجري لبس قشو و هبط راحو للجامعة دخلها و راح تعدا يومها الاول تما هااايل تعرفت على 2 بنات من الجزائر و طفل و طفلة من الترك روحت فرحانة دخلت للدار مالقاتش رؤوف بدلت قشها و قالت مادامني غير قاعدة نظف شوي الحالة لبست سيرفات نايك بيستي نايك هزت شعرها و بدات تنظف وقفت قدام بيتو و ترددت باه تدخل قالت في قلبها اكيد نلقاها زبالة -_- فتحت الباب لقات كلش مستيكي في بلاصتو القش مطوي فالخزانة و معلق
س: ايييه انا طفلة و مش منظمة هك هههه
بدات تمسح فالغبرة راحت للفرتاي هزت البيسي باه تنفض
س: نهار كومبلي و هو يعبد في هاد البيسي و الله نشوف واش فيه فتحاتو و بدات تقرقز حتى دخلت لوحد الدوسي لقات تصاورها وحدها فالترك تصاور عرسهم و بزاف تصاور زادت خلطت دخلت للكاميرا هههههه
س: اايي هاذي شومبرتي مصورها !! أوووواهه لالا هاذا تسجيل كاميرا ... يعني دايرلي كاميرا في بيتي خخخخخخ والله هايلة هاذي راحت لبيتها تجري بداتتحوس عليها لقاتها في بلاصة ماتبانش ماحبتش تبين الي هي فاقت بيها بالعكس عجبتها و خلاتها كملت مسحت غلقت الباب و خرجت
س: والله هايلة تراقب فيا هههههه بصح ضرك تشوف واش ندير فيك
جا على 9 تاع الليل جاب معاه العشا و الشوكولا كي شافت الشوكولا فرحت صوطات ليه عنقاتو دارتها بالذمة
س: merciii bcp
ر: de rien
تعشاو غسلت الماعن و طلعت هو بقا فالصالون يخدم ولا يتفرج عليها هههه
راحت لبيتها و ماحبتش تشوف فالكاميرا باه مايفيقلهاش دخلت دوشت لبست دو بياس بلو نوي يقتل دارت فوق الكاب دو بان و خرجت راحت لخزانتها و نحات الكاب دو بان بقات غير بالدوبياس و هو كان يتفرج عليها حب يهجم عنها في دقيقتها
جبدت شورت حمر قصيير بزاف بيستي بيض مبين صدرها خلات شعرها مطلوق و تكسلت
رؤوف كي شافها هكذاك النوم هرب من عينيه هههههه
تاع الصباح قاعدة غير تتقلب ماجاهاش النعاس هو قاعد يكمل في خدمتو بصح عند بالها راه راقد هبطت بشوي للكوزينة شعلت ضو خفيف جبدت النوتيلا و قعدت فوق البوتاجي تاكل هههه رؤوف عرف بل هي الي هبطت راح بشوي يشوف فيها لقاها قاعدة فوق الرخامة مربعة رجليها و تاكل بصباعها ههههه قرب ليها بالشوي جاها من اللور و حوطهابيديه قفزت و جمدت في بلاصتها
ر: الشوكولا في نص الليل ؟
س: .......
ر: واش بيك قفزتي هكذا ؟
س: بعدني
ر: اممم قوليلي واش هاذ اللبسة ؟
س: كنت راقدة بيها
دورها ليه شاف وجهها كامل معمر شوكولا هههه قالها وجهك لازمو ميناج و قبل ماتهدر قاطعها و بدا يبوس فيها كان يبوس فيها بحنانة و او مام تو كان يمسحلا فالشوكولا طبعات بيديها
س: خلاص رؤوف !!!!
ر: كي تلبسي لبسة هكذا ماتلومي الا روحك هههه راحت تجري لبيتها طلعت فوق السرير تسوطي
فاتو شهرين على حالهم رؤوف ماولاش خلص يقيسها بالكلام و لا يزعفها بلعكس ولا يح يروح للدار باه يشوف و يضحك على هبالها كل يوم العفار على التيليكومند ههههه هي والفت العيشة و القراية تما وحد المرة كانو قاعدين يتفرجو صونا تيليفونو
ر: الو وي ؟
رؤوف جيب سيليا و اهبط للجزائر فيسع
ر: رهف واش كاااين ؟؟؟ واش صرا ( صوطا مت بلاصتو مفجوع )
س: رؤوف واش صرا ؟
رهف: ماني طاحت البارح هزيناها للسبيطار و طلبت تشوفكم
ر: قوليلي راهي مليحة ؟
رهف: حالتها ماتعجبش ارواحو فيساع
ر: سيليا مانيي
س: واششش بييها مانيييي
حكالها بدات تعيط و تبكي