أوهمتها_بالحب_و_تزوجتها_للإنتقام

05

الحلقة 5
سيليا: وينها ماني ؟؟
ر: معاها الطبيب يشوف فيها
س: واش بيها كيفاه طاحت (تبكي)
ر: ماعلاباليش عيطتلنا الخدامة و قاتلنا
خرج الطبيب و قال لولادها
- حالتها صعيبة بزاف و حياتها معدودة في هاذو اليومين :/الخبر نزل عليهم كالصاعقة دخلو شافوها من بعد قالت خلوني نحكي مع رؤوف و سيليا وحدهم
الجدة: قبل ما ربي ياخذ امانتو حبيت ندير الحاجة الي كنت نحلم بيها من صغركم
ر:......
س:....
الجدة: علابالي بقراري اني اتخذتو بلا مانعرف رايكم فيه و انتم احرار تحبو توافقو و لا ترفضو بصح يسعدني و يهنيني لوكان تقبلو .... رؤوف وليدي حبيتك تاخذ سيليا بنت عمك تتزوج بيها و ديرها شريكة حياتك
سيليا: كييفاه !!
رؤوف: .....
الجدة: زدت شفتكم فالعرس شحال متفاهمين اقتنعت بلي انت هو المناسب ليها و هي المناسبة ليك
سيليا: ماني راكي في عقلك ؟؟
رؤوف:......
س:رؤوف اهدر كاش حاجة
الجدة: يا بنتي انا مش راح نسيف عليكم بصح قبل ماربي يدي امانتو نحب نتهنى عليك في بلاصة بوك الي ماحوسش عليك
رؤوف سمع سيرة عمو خرج و طربق الباب وراه
س: يا ماني انا مازالني صغيرة 19 سنة برك تعيشي ماديريش هكذا نحب نقرا و نحقق احلامي ... قاطعتها
الجدة: عندي ليك عرض اذا تقبلي بيه !!
س : واش ؟
الجدة : لوكان تقبلي تتزوجي برؤوف رح نكتبلك 4 قطع اراضي بإسمك تقدري تبني فيهم الماجأ الي طول عمرك تحلمي تبنيه
( سيليا عندها حلم تحلم تبني ملجأ للفقراء و اللاجيئين )
س: .......
الجدة : خممي مليح وقوليلي
سيليا: ( بين نفسها) لوكان نقبل ماني راح تحققلي حلمي في اقرب وقت قرب ما تزيد حالتي تتدهور :'( و انا نحب رؤوف و رؤوف يحبني ♥ بصح مازالني صغيرة :( ااووف
الجدة: واش قلتي
س: شوفي رأي رؤوف
الجدة: عيطيلي ليه
خرجت عيطت لرؤوف
الجدة: راك سمعت كلامي نحب نسمع رأيك
ر: الي تقولي عليها موافق
س: o_o
الجدة: و سيليا قابلة ;)
س: مانيي !!
الجدة: ماتخافيش راح يحطك بين عينيه تربيت يدي رؤوف
رؤوف من داخل فرحان تقدم 10 خطوات للقدام سيليا كانت ملخبطة بسك ماكانش دايرة في بالها الي هي راح تتزوج بسن 19
الجدة بعد ماخرجت من الكاينيك جلملت العايلة كاممل و خبرتهم استغربو و تفاجئو من الاول من بعد فرحو
س: رؤوف و الله ماعلابالي كيفاه صرا :'(
ر: قدم يمسحلها دموعها و قالها: ماتبكيش ياك راح تتزوجي بيا انا رؤوف حبيبك و عمرك
س: :) اييه بصح ...
ر: لا بصح لا والو مانحبش نزيد نشوف دموعك دموعك غاليين قرب ليها و باسها
س: نرجع غدوة لازم نحكي لماما
ر: نشالله غدوة نوصلك للمطار بون نوي عمري
س: بون نوي bb روحت للترك و تفاهمو باه ترجع بعد 5 ايام مع يماها باه تحضر الخطبة و العرس بسك كانت باقية تما الجدة حبت تعرسلهم في شهرين تقول حاسة روحها راح تموت بعد مارجعت سيليا مع امها يماها رفضت تبقى في بيت اهل طليقها كرات دار بين ما كمل العرس و روحت جازو الايامات و تخطبو سيليا و رؤوف كانت الفرحة راح تخرج من عينيها مش مصدقة بلي راح تتزوج بحبيبها اول حب في حياتها ... فوتو اايمات شباب كيف كيف كل يوم خرجات و تحواس قرب يوم العرس هو نفسو اليوم الي يكتبو فيه الصداق رؤوف فرحان بإنتصارو اما سيليا فرحانة الي هي راح تتزوج الشخص الي حباتو
يوم العرس
فاقت ناشطة دوشت و جاتها الحفافة للدار عملتلها شعرها بوكلي و ماكياج خرجت تقتل لبست الروبة البيضاء من تصميم امها لانو يماها عندها شركة ازياء ( كيما تشوفو فالفوطو) عيطلها رؤوف
ر: واش حبي نسيتيني واقيل
س: ههههه كيفاه ننساك و انا كل مايخبط قلبي نحس بيك
ر: اممممم حبيت نقلك وجدي روحك الليلة راح تكون ليلة مميزة بزاااف راح تتفكريها طول عمرك
س: ( حشمت) ااه ... ايا باي من بعد راني نشوفك و نحكو بيزوو :*
رؤوف: ضحك ضحكة طوييلة : شفت يا صاحبي كي نقلك ندير حاجة نديرها
نائل: والله قلبي مش متهني خو :/
رؤوف: اليوم يبدا الشي الي استنيتو طول حياااتي
نائل: بصح الطفلة واش ذنبها اون بليس هاديك حاجة من الماضي و كانت بينو و بين باباك
رؤوف: (خبط الطابلة بيدو) اولا عمي نقدر نضرو الا بواسطة بنتو نعذبو بعذاب اقرب الناس ليه ثانيا الي تقول عليه ماضي عمري مانسيتو عمري مانسيت كيفاه كان السبب في شلل بابا و انهيارو عذاب يما و اختي .. عمري مانسيت كبرت و لحقد كبر معايا اتتقامي راح ن.ف.ذ.و !! و خرج
ر: عمري وجدي روحك رانا جايين
س: اوكي بيبي واجدة ♥
راحو فالكورتاج اكثر من 40 طونوبيل قلبوها وصلو لدار سيليا دخل رؤوف ليها لقاها واقفة لابسة الروبة مفصلة لاطاي تاعها خزر فيها و حس بإحساس غريب قرب ليها باسها من راسها و خرجها راحو لمكان العرس ( قررت سيليا دير العرس في شط من الشطوط ) و رؤوف طبعا قبل البلاصة كانت تقتل طريق طويلة مفروشة بالورد و نجوم البحر يمشو عليها العرسان وصلو قعدو فالطابلة يكتبو الصداق و الكل فرحان بيهم خاصة سيليا الفرحة باينة من عينيها
ر: دقيقة عمري صونالي تيليفون urgent
س: ماطولش
راح و جبد باباه على جنب
ر: بابا حقك الي ضاع بعد 5 دقايق نكون استرجعتو و انتقمتلك

جااام للحلقات ❤❤❤❤