"ကို သော့်ကို စိတ်ဆိုးနေတာလား.... ဟင်.... သော်...သော်လေ....."
ပြောစရာစကားက ကို့အကြည့်တစ်ချက်အောက်တွင် ပျောက်ရပြန်သည်။
"စိတ်မဆိုးဘူး...ရပြီလား...."
သော် ကို့ကို ငေးကြည့်သည်။
သော့်ကို ငုံ့မိုးကာ စိုက်ကြည့်နေသော ကို့ အကြည့်တွေ....သော်သိသည်။
သော့်မှာ ကို့ကို ပြောစရာရှိရင် ခုပြောပါတော့လို့....ပြောနေတဲ့အကြည့်။ဘာမှသေချာရေရာသိရသေးတဲ့ ပြသနာမဟုတ်သေးတော့ ကို့ကို ဘယ်က စ ပြောရမှန်းလဲမသိ။ သေချာအောင် ထပ်စုံစမ်းရမည်လေ။ သော် တို့ ရှင်းလို့ပြေလည်သွားတာလဲ ဖြစ်နိုင်သေးသည်။ ကိုရယ်.... သော့်ကို အချိန်ပေးပါ။ သော် တမင်ဖုံးကွယ်ချင်တာ မဟုတ်ရပါဘူး။
ထမင်းစားတော့လဲ နှစ်ယောက်လုံးတိတ်ဆိတ်စွာသာ။
သော်လဲ သိပ်မစား။ မိုးဦးကတော့ ထမင်းဘယ်လိုစားနေမိသည်တောင်မသိ။ ဘယ်လောက်ကြီးတဲ့ပြသနာမို့လို့လဲ သော်ရယ်ဟုတွေးနေရင်းသာ။
အေးလေ....သေချာပေါက် ရဲရင့် သိမှာပဲ။
ရဲရင့်ကမှ ထပ်ဖုံးကွယ်ရင် ဆံပင်ညှပ်ဆိုင်က တစ်ယောက်ကိုသွားမေးရုံပင်။ သူ့ဆီကအပြန်မှာ သော် ဒီလို စ ဖြစ်တာပဲလေ။ညနေကဆို စျေးထဲမှာ ဝင်တိုက်ခံရသည်တဲ့။ အန်တီပြန်ပြောပြလို့သိရသည်။ သော်က ဘာမှမပြောဘဲ ဒီတိုင်းရှောင်လာခဲ့သည်တဲ့။ အန်တီ့မှာ ဒေါသတွေထွက်လို့။
ပေါ့သေးသေး ပြသနာမှဟုတ်ရဲ့လား သော်ရေ.....စာမေးပွဲလဲနီးပြီဲ။ စာမေးပွဲ ဖြေကာနီးရင် သော်ဆိုသည်မှာ တစ်ခုမဟုတ်တစ်ခု ဖြစ်လိုက်ရမှ။
မိုးဦး သော့်ပြသနာ သိရရင်လဲ မပြီးသေး။ သော့်ကိုရန်ကုန်မှာ ထားကိုမထားချင်တော့တာကြောင့်...သော် စာမေးပွဲဖြေပြီးရင်...................
မိုးဦး အရာအားလုံးအသစ်ဖြစ်အောင်စရမည်။စိတ်ကို အတိအကျ ပိုင်းဖြတ်ပြီးသား။
.
.
.နောက်တစ်နေ့မနက်........
တွေ့ချင်ပါသည်ဆိုမှ ရဲရင့်က နောက်ကျသည်။
နေ့လည်ရောက်တော့ မိုးဦးမနေိုင်တော့။
မြတ်နိုးကိုမေးရသည်။
မြတ်နိုးနှင့်ရဲရင့်က တွဲနေကြပြီဟု ရုံးမှာ အားလုံးကိုပြောပြထားပြီးပြီ။
အလုပ်ကိုတော့ ကိုယ်ရေးကိုယ်တာနှင့် ခွဲခြါးလုပ်တတ်ကြသည့် အတွဲပါ။
အလုပ်လုပ်နေချိန် လုပ်ဖော်ကိုင်ဖက်အသွင်သာတွေ့ရတတ်သည်။
မြတ်နိုးကိုမေးတော့....ဒီနေ့ခွင့်ယူသည်တဲ့။
YOU ARE READING
ချစ်သူ့စကား ရင်နှင့်ကြားစေ
Romanceအချစ်ဟာ ပျားရည်မြစ် အချစ်ဟာ စမ်းရေအေး အချစ်ဟာ ဆောင်းနှင်းရည်နဲ့သီးတဲ့ချိုမြိန်သစ်သီး အချစ်ဟာ နွေဦးရဲ့လေပြေ အချစ်ဟာ မိုးဆန်းပန်း အရမ်းချစ်တယ်♥♥
part(39)
Start from the beginning