#الساحره 🔥جديد 2020 في المقدمه 🏇🔥
راكب علي حصاني 🏇 ونجري شفت نفس البنت يلي شفتها من قبل وحاولت انها تتقرب مني بس انا 😕 صديتها رغم جمالها بس صديتها عشان المرحومه مش قادر ننساها زوجتي ماتت وهي تجيب وانا انهرت عليها هي والبيبي ليا 10 سنوات ارمل انا رجل اربعيني اسمي هو سليمان عايش مع الغاليه أنا وحيدها وتوا ماشي للصحراء و انا نسكن في البر 🔥
نزلت من الحصان بعد شفت البنت الجميله لابسه زي العاده اللون الاسود محليها بزياده قعدت نبحت فيها وهي تبحت فيا بنضارات مش مفهومه وفجأه 😨
اعيونها قعدن يخوفن وكأنها نضرات اعيونها لعنه طحت ودخت عالآرض وماعش حسيت بشي ابداا
انا كريته بيدي للكوخ المهجور بكل قوتي ومددته عالفراش وقعدت نبحت فيه بعيوني ومن الان حايقعد خاتم في صبعي هو صدني واجد وانا لازم وضروري نسيطر عليه علي شان أنعيش في حوشهم لازم انعيش كزوجه له و وجودي مهم جدا في حوشهم
🔥 ابتسمت بخبث اطريت نسحره 🔥
الكل يموت في جمالي وهو ما عبرنيش انا مسكره راسي عليه هدفي الاساسي ان نقعد زوجته مش حب وقطف فاضي بس عندي اسبابي الخاصه ومن خبرتي في السحر سيطرت عليه قعد طريح الفراش لمده طويله حوالي شهر كامل وأنا هك نبي وهذي خطه مني بحتت فيه فتح أعيونه وبحت حواليه وقعد وبحت فيا لوقت وبعدها أبتسم رديتله البسمه وبخبث قربت وقعدت جنبه ومسكت يده : انا حلوه ؟
سليمان بحت فيا : طبعا حلوه 🔥
انا ابتسمت ولمست خده : نبي نعيش معاك بس بزواج
سليمان 😍 : وما احلاني اذا رفضت عرض زي هضا انا حانعيش مع وحده جميله جدا اعيونها سحر 🔥
وقعد يبحت فيا بهيام ويبتسم وبحت حواليه وقال : وين نحناااا وكيف جينا هنااااا ؟؟؟
أنا بلعت ريقي وقلت : شنو نسيت مع بعضنا جينا وانت تعبت لك شهر طايح هنا وانا نرجا فيك 😈
سليمان : اممم نسيت شكله جاني زاهيمر 😅
انا ضحكت وقعدت نلعب علي خصيلات شعري ونبحت فيه ونبتسم : ماتبيش تعرفني علي عيلتك
سليمان صبا : لا طبعا اكيد حانعرفك هيا نمشو ومسك يدي وصباني وانا خديت الشنطه امتعي وطلعت امعاه كنت رابطتله حصانه برا ومهتمه بيه خلال هالشهر يلي كمل بعد شافه فرح وركب عليه ومد يده ومسك يدي رفعني ورقاني خلفه مسكت فيه وعدا بياا بعيد وصلنا بعد وقت لحوش كبير بكل و واضح ان الدنيا مقلوبه عليه ابتسمت بخبث وهو نزلني ونزل وهو يبحت فيا ومش قادر يشيل اعيونه من عليا بحت في الشخص يلي ناده علي أسمه وجاه يجري
وليد : سليمان وين كنت يا راجل
سليمان : اووه وليد شنو الجو
وليد رفع حاجبه وبحت فيا تجاهلته انا : شنو يا سليمان لك شهر مختفي قلبنا عليك الدنيا كلها وامك ميته من الخوف عليك وانت جاي وفرحان ومعاك بنت وشير عليااااا
سليمان : نزل يدك ما تشيرش عليها تفهم وانا كنت معاهاا بس مرضت وهي اهتمت بيا ومسك يدي وخش بيا جوا الحوش يلي نرجا في خشتي له بفارغ الصبر وسليمان بحت في امه يلي رابطه شال علي راسها وفي وحده تواسي فيها : وسعي بالك توا يجي سليمان مش صغير ما تخافيش
ثريه : كيف ما انخاف هضا وحيدي ما عندي غيره عدا زي عادته للصحراء عشان يتاسبق في الخيول مع اصحابه بس هالمره ماعش جاه وقالو ماجش هو اصلا للسباق قوليلي وينه بس اختفاه فجأه ولدي وبحتت في اتجاهنا وشافت ولدها يلي جاها وباس راسها ويدها وهي حضناته : وليدي وين كنت حرام عليك ادير فيا هك شهر 😢 وأنا مشغوله عليك وخايفه
سليمان : اسف بس مرضت معليش يالغاليه
ثريه بحتت فيا لوقت وقعدت ترعش في مكانها وشيرت عليااا : من هذي ؟؟
وانا نلعب علي شعري ونبتسم بخبث 🔥
سليمان بحت فيا : هذي حانتزوجهاااا
ثريه : شنو تتزوجهاا ! 😳 وبحتت في الوليه يلي معاها ومصدومات وهنا يبحتن فيااا وانا في نفسي
🔥 حاتشوفو الجحيم كيف شكله 🔥
#يتبع_في_الحلقه1
رايكم وتحياتي لكم : سلطانه كوكي كاتبة روايات متنوعه 🔥
