"သော်လေး. . .စာတစ်ဖက်နဲ့ပင်ပန်းနေရင် ကို့ အတွက်အလုပ်ပိုတွေ မလုပ်နဲ့"
"မပိုပါဘူး ကိုရယ်. . .လုပ်နေကျဖြစ်နေတော့ အလုပ်ပိုလို့မထင်ပါဘူး"
"သော်. . .ဒီတစ်ပတ်ပိတ်ရက်လေ...ကိုတို့ ဘုရားသွားရအောင်နော်....သော် အပြင်မထွက်တာကြာနေပြီ စာတွေချည်းလုပ်နေရတာ ကို့သည်းပေါက်လေး"
"အင်း....သွားလေ"
ဘယ်တုန်းကမှ...မိုးဦး သော့်ကိုစကားနှစ်ခွန်းမပြောခဲ့ရပါ။ မိုးဦးစကားကို သော် ငယ်ငယ်လေးကတည်းက နားထောင်ခဲ့တာပါ။ ခု ပိုတောင်နားထောင်သေးသည်။
မိုးဦးသူ့ကို သိပ်ချစ်မှန်းသိသည်။ စိတ်မချမှန်းလဲသိသည်။ ဒါကြောင့် မိုးဦး စိတ်ပူရမဲ့ကိစ္စလုံးဝမလုပ်တော့။
ဒါကြောင့်ပဲ အချစ်ပိုနေရတာ။ထမင်းစားပြီးတော့. . .သော့်မျက်နှာလေးက တမျိုးလေးဖြစ်နေသည်။ တစ်ခုခုပြောစရာရှိသလိုလေး။ မိုးဦးကလဲ laptop တစ်လုံးနဲ့အလုပ်ကမပြတ်သေး။ စာလုပ်နေရင်း မိုးဦးကို ခိုး ခိုးပြီးကြည့်နေသည်။
"သည်းသော်လေး. . .ဘာပြောစရာရှိလို့လဲ"
"ကို...အလုပ်ပြီးပြီလား ဟင်"
"ပြီးပြီ...သော်ရော... စာ တွေအကုန်ရပြီလား ဘာအခက်အခဲရှိလဲ"
" စာကရပါတယ် ကိုရယ်. . .ဟို ဟိုလေ"
"ပြောပါ....ဘာများပြောမှာမို့လို့လဲ သော်ရယ်"
"ပြီးခဲ့တဲ့ နှစ်ပတ်လောက်ကလေ...ရဲရင့် အိမ်ကိုလာသွားတယ်"
"အင်း"
"ကိုနဲ့သော့်အကြောင်း မေးတယ်"
"အင်း"
"ဟို ဟို အလုပ်မှာ အရင်လိုပဲလား ဟင်...သူပြောတာ မမြင့်မိုရ်လဲသိတယ်တဲ့"
"ဟုတ်လား...အင်း...မြင့်မိုရ်ကသိမှာပါပဲ...ကိုကအရမ်းသိသာနေတာကြောင့်....ဟား.ဟားး"
ပြောရင်း မိုးဦးသဘောတကျနှင့်ရယ်သည်။
သော် ကို့ကိုငေးရင်း.... ကိုကတော့ စိတ်ပေါ့ပါးနေတာပဲ။
"ကိုက ရယ်နိုင်သေးတယ်...သော်က စိတ်အရမ်းပူနေတာ... ကို့ကို"
"သော့်ကို အတွေးမများဖို့ ကိုပြောထားတယ်လေ...ကိုကဘယ်သူသိသိအရေးမထားဘူး...ကို သော့်အတွက်ကလွဲရင် ကျန်တာဘာမှမပူဘူး...သော်က ကို့ကို မယုံဘူးလား....မြင့်မိုရ်ကိုလဲ ကိုကပြောပြတော့မလို့ပါပဲ....ရုံးမှာလဲအလုပ်ကများများနဲ့...နှစ်ယောက်ချင်းတွေ့ဖို့က အဆင်မပြေဘူးလေ...ကိုက သော့်အတွက်တွေးပြီး မပြောသေးတာပါ..ကို့စိတ်အတိုင်းဆို လက်ထပ်တောင်ပြီးနေမှာ"
YOU ARE READING
ချစ်သူ့စကား ရင်နှင့်ကြားစေ
Romanceအချစ်ဟာ ပျားရည်မြစ် အချစ်ဟာ စမ်းရေအေး အချစ်ဟာ ဆောင်းနှင်းရည်နဲ့သီးတဲ့ချိုမြိန်သစ်သီး အချစ်ဟာ နွေဦးရဲ့လေပြေ အချစ်ဟာ မိုးဆန်းပန်း အရမ်းချစ်တယ်♥♥
part(33)
Start from the beginning