ندم صعيدى

6/أول عقاب

❤️ بسم الله الرحمن الرحيم ❤️

💙لا اله الا انت سبحانك اني كنت من الظالمين💙

💜اللهم انك عفو تحب العفو فأعفوا عنى💜

💚
💚
💚
💚

صدمه ألجمت تفكير عيسى بعد أن استمع اللى هذا الخبر اللعين.

لؤى بفزع: بتقول ايه يا عيسى شركه ايه اللى اتحرقت.

ثم اكمل بوجع و حسره : يعنى ايه تعب ومجهود السنين ديه كلها اتحرق سهرنا اتحرق فلوسى و شقايا و أفكارى كل ده اتحرق.

هب من مكانه بغضب وأكمل بحزن شديد : كل ده بسبب طمعك وجشعك وكبريائك لو كنت اتقيت الله فى سلمى مكنش كل ده هيحصل لكن نقول ايه دماغك ديه طول عمرها ناشفه و اشرب بقى يا صاحبى اللى بيحصلك واللى هيحصلك ولا انت فاكر الذل و الضرب و الاهانه و قله القيمه اللى كنت بتعامل سلمى بيهم هيعدوا على خير كده لا يا صاحبى فوق ده انت هتشوف اللى يجى على اللى أضعف منه جزاءه عند ربنا بيبقى ايه.

تحرك خطوتين للأمام و بعدها ألتف له ثانياً وأكمل : و أه صحيح يا صاحبى ولا اقولك خساره فيك كلمه صاحبى انا راجع أمريكا و ياريت مشفش وشك تانى كفايه اللى ضاع منى بسببك و آخر نصيحه منى ليك أحذر من اللى اسمه سلطان و بلاش تلعب معاه أو تتحداه عشان شكله مبيرحمش و اهو اول ما هدد نفذ مطلعش بيتكلم و خلاص.

اتجه لؤى بإتجاه الباب و أمسكه و قبل أن يفتحه أكمل بحزن على صداقته الوحيده الذى ينهيها الآن : طلق سلمى يا عيسى و ارحمها بقى كفايه حرمتها من طفولتها و حرمتها من شبابها حتى ابسط حقوقها انها تحب حد و تتجوزه حرمتها منه طلقها يا عيسى واعمل حاجه واحده صح فى حياتك.

ثم تركه و رحل بكل بساطه لم يصدق عيسى ما حدث للتو و لو يقدر على إستيعابه حتى فلؤى صديق عمره يتركه فى لحظه هكذا هو يتذكر جيداً كم مره حذره لؤى أنه سوف يقطع علاقته به بسبب ما يفعله لسلمى لكن كان يأخذ تهديده على محمل المزاح و لكنه كان يعلم بداخله أن لؤى لم يكن يمزح.

هذا الولد اليتيم الذى تعرف عليه بالجامعه وقرروا أن ينجحوا سوياََ وكانوا يفعلوا كل شئ معاََ تركه الان واصبح وحيداً.

كان مشتت ولا يعلم ما يفعله والليل قد فرد ستائره منذ فتره طويله وجد كارولين تقول له بنبره مستاءه : انا ذاهبه عيسى واه قبل أن أنسى لقد قرأت أخبار شركتك و علمت بما حدث لها وما فهمته من الذي حدث منذ قليل ان لؤي سيعود إلى أمريكا.

ثم وقفت من مكانها وأكملت بسخريه لاذعه : سأنام بفندق الليله فأنا لا أتحمل هذا الضغط النفسى ولا تخف سأتصل بشركه التأمين حتى نرى كيف سنصلح هذه المصيبه.