السلام عليكم .. وحشتونى اوى
الصفحه الرسميه للكاتبه الشقيه Amanystory
قرب غروب الشمس فى مصر توقفت سيارة زين وسيارة سليم امام مول كبير وهبط من السيارتين سليم وزين بسرعه كأن كل منهم سائق خصوصى وفتح باب السياره المجاور له لتهبط عشق من سيارة زين ويارا من سيارة سليم بكل تكبر وغرور وأنف مرفوع وخلفهم الفتيات لين وسما وجورى مع عشق واسيل وريم مع يارا .. يبدو انهم كانو ذاهبين للمول ومالك كالعاده رفض ان يذهبو بمفردهم هم والفتيات فبعث معهم زين وسليم الذين لم يتوقفو عن الضحك من طريقة عشق ويارا
تجمعت الفتيات من السيارتين حول عشق ويارا ونظرت عشق لزين وسليم
عشق / يلا ياحبيبى روحو شوفو وراكو ايه وابقو ارجعو خدونا لما نتصل بيكم
زين وهو ينظر لريم / حاضر ياماما تؤمرى بحاجه تانيه
عشق بنفاذ صبر / عنيك لاقلعهملك ياروح امك
زين بضحك / طب ماتاخدونا معاكو والله هنقعد مؤدبين
عشق بشر / خد اخوك ف ايدك واتكل على الله
زين / حاضر ياست الكل
سحب زين سليم الذى كان يختطف النظرات لسما وذهبو
يارا / ها تحبو ندخل فين الاول
سما بحماس / نتكل على الله ونبدأ بمحل اللانجيري
ضحكت الفتيات عليها وضربتها عشق اسفل ظهرها بغيظ ( مش محتاجه اوضح اسفل ظهرها اكيد فهمتو )
سما بضحك وألم/ ااااااه يا وليه ورمت خلاص
عشق / انتى ليه مصره تحسسينى انى مربتكيش
يارا بضحك / انتى فعلا مربيتيهاش هههههه
عشق / استنى لما نرجع البيت ياسما وحياة امك لأخلى شبشبى يعلم على التوته هخليكى متعرفيش تقعدى عليها اسبوع
ريم بضحك / خلاص يا شوشو قلبك ابيض بلاش التوته
لين / انا بقول نبدأ بمحل الهدوم وبعدين نشوف مستلزمات البيت
عشق / وانتى يا اسيل ايه رايك
اسيل بهدوء / انا معاكم ف اى حاجه عادي
عشق ليارا / انتى كنتى بترضعى البت دي ايه ... انتى متأكده انها بنتك يايارا
يارا بشك / بصراحه مش متأكده تفتكرى ممكن متطلعش بنتى
عشق / ازاى دانا اللى مولداكى فيها
سما بضحك / عادي بتحصل ف احسن العائلات .. ممكن تكون اتبدلت منكو ف الحضانه
يارا بغباء / تفتكرى يابت ياسما
لين بضحك / والله حرام عليكو اللى بتعملوه ف البت ده ولا هى عشان غلبانه مش بتعرف تاخد حقها
