منزل مالك وعشق وداخل غرفة لين وسما ... الجيل الجديد لين وسما ومعهم اسيل وريم وجورى كل واحده تجلس بركن وتقوم بشئ سما تدرس لأنها بالكليه واسيل ترسم على دفتر وتبتسم وبالطبع نعرف من ترسم .. ريم تتفحص هاتفها وجورى تدرس مع سما ولين تقف بالبلكونه وتنظر بساعتها وكأنها تنتظر احد ما فنظر لها الفتيات ثم نظرو لبعضهم بخبث وصاحت ريم
ريم بمرح وهى تغنى / ابن الجيران اللى هنا قصادى مش عارفه بس اعمله انا ايه
سما بمرح / عمال يصفر كده وينادى وفى كل حته ياناس بلاقيه
ريم وهى تنظر للين بغمزه / اكمن حبه ف القلب نااااار
سما وهى تراقص كتفيها بدلع / واقف قصادى طول النهاااار
لين / كان بس ماله ومالى يشغلنى لييييييه
ضحك الجميع وركضت لين خلف ريم وسما
لين / تعالى هنا ياريم دانا هقتلك وانتى يا سما يا سهونه طلعلك لسان اهو وبقيتى تغنى لنانسى ياحيلتها
ريم بخبث / ما كلنا عارفين انك مستنيه اخويا
اسيل بهدوء / كده عيب ياريم
لين / الله يكملك بعقلك يامرات اخويا والله ماجمع إلا اما وفق .. هى وياسين برميل هدوء وعقل مشفتوش على حد .. بس احيانا بشك انهم من العيله دي اصلا معندناش حد عاقل ..
جورى بضحك / لو سمعك مالك كان علقك
اسيل بهدوء / عيب يا جورى اسمه اونكل مالك
جورى بفخر / لا هو قالى نادينى مالك بس من غير اونكل انا لسه صغير وهو الصراحه مز اوى مش لاق عليه اونكل خالص ده ميفرقش عن ياسين ابدا
اسيل بغيره/ لا فرملى هنا يا روح امك ده بالذات اسمه اونكل او ابيه ياسين ده بالذات اللى هتجيب سيرته هشقها نصين ده خط احمر ياجورى
ريم بتصفير / هوبا طلعت المتشرده اللى جوا اسيل .. ياجماعه مين يصدق ان الكيوته دي بتعرف تردح اصلا
سما / لا بتقلب ع الكتعه بس لما حد يجيب سيرة ابيه ياسين بتطلع جينات الجنان اللى ورثتها من يارا
لين / انتو هتستلمو البت ولا ايه ياختى منك ليها ماتسيبو مرات اخويا فى حالها دي سلفتى المستقبليه
ريم / قولى بقا كده عشان هتاخدى اخوها وهى تاخد اخوكى طب مانا وسما سلايف برضو ايه يعنى
سما وهى تحتضنها / قلبى ياناس داحنا هنخربها تعالى يا اخت الغالى ف حضنى تعالى
ضحك الجميع عليهم وثوانى ورن هاتف ريم وكان سليم اخوها
ريم / خدي يا سماسم ردى هو بيتصل عايزك انتى
سما بخبث / لا مش فاضيه لو عايزنى يرن عليا وبرضو مش هرد عليه خليه كده
