ثلاث دمعات

بارت 51

أمنية :- اي گلتها وهزيت راسي وگمت اباوعلة
غمار :- يلا
أمنية :- شلون حتنزل
غمار :- امشي دخلي ولتشيلين همي
أمنية :- ابو غمرة
غمار :- عيوناااااااا
أمنية :- مراح تعوفني
غمار :- للأبد

أمنية :- ابتسمت بوجهة جان اگولة سامحني
غمار :- أدخلي بسرعة
أمنية :- صار كلتها ودخلت وسديت الباب بهدوء
ع كيفي ونزلت جوة ولازمة رگبتي ومن اتذكر
شلون جنت قريبة منة تتسارع انفاسي وحرارة
تصير بكل انحاء جسمي وتمغصني بطني صحيت
ع نفسي شردت اسوي اني شلون ردت انتحر
واغضب ربي بقيت استغفر ربي واتضرعلة بالدعاء حتى يسامحني ع خطيئتي..

البنات نايمات رحت سحبت موبايل طفوف من جوة راسها دخلت رقمة الحافضتة ظهرا ع قلب
دگيت جان تطلعلي هاي ام الشركة
"عزيزي المشترك رصيدك على وشك النفاذ"
غميت الموبايل اياا فگر يطفيف معدها رصيد بلكي توصل الترميشة يربي عود مرت شيخ وبالك وخر..

بسرعة اتصل عليه غطيت نفسي ودخلت جوة
الفراش اهمس همس
غمار :- لج كليلي شسوي بيج
أمنية :- رديت بفطارية ليش اني شمسوياااااا
غمار :- ممسوية ياب ممسوية. عوفي الحجي لبعدين
وارتاحي هسه ولتخافين من شي أمنيتي
أمنية :- ها
غمار :- اغفي وانتي مطمئنة ولتخافين اني بظهرج
اذا عفتج مرة بأمر منج فهالمرة مااعوفج ع گص رگبتي

أمنية :- غمار اني مريضة ب
غمار :- اششش كل هذا أدري بيه وكلشي سهل
وراح نعدي سوية اوعديني؟
أمنية :- بشنو؟
غمار :- راح نتخطى كلشي ونسهل كل صعبة
أمنية :- جريت نفس بهدوء وكلت اوعدك غمار
لخاطرك راح اتعلق بأيامي الجاية..

غمار :- ان شاء الله هذا العار يربطج بيه عقد محكمة؟
أمنية :- اي
غمار :- هاليومين ورقة طلاگج يمج
أمنية :- غماررر
غمار :- كولي
أمنية :- شلون وصلتلي بالسطح
غمار :- شعليج

أمنية :- غماررررر دحجي الفضول موتني
غمار :- لتجيبين طاري الموت ع هيج تفاهات
عرفي، شلون تحجين
أمنية :- اي اي بس احجي
غمار :- شحچي؟
أمنية :- شلون صعدتلي
غمار :- شلون؟

أمنية :- شكد مكروه غثيث
غمار :- اي وبعدين؟
أمنية :- مراح تحجي يعني؟
غمار :- اني سما حجتلي ع طلاگج ومرضج اختج
كايلتلها بس حجتلي سما ركبت سيارتي واجيت
ليش ماأدري بس جنت متأمل اشوفج ومن وصلت بقيت انتضر لحدما صعدتي وشفتج تتلفتين واني گلبي نار عليج مااتحملت وصعدت ع سياجكم الخلفي وطفرت للسطح وجان الگاج كاعده
ع السياج تريدين تطفرين عقل مابقا براسي وركضت
بسرعة نزلتج
أمنية :- عزاا شوون گدرت
غمار :- بعد حبيبج وتدرينة

أمنية :- اي ابو غمرة بعد
غمار :- يلا أرتاحي وباجر نحجي بكلشي
أمنية :- تمام
غمار :- لتفكرين بأي شي ارتاحي وبس مفهوم
اكرر؟
أمنية :- لا هاهيه ان شاء الله
غمار :- يلا هذا رقم اختج؟
أمنية :- اي بس لتتصل الا اني اتصل
غمار :- ديلا بابا ارتاحي