بقايا رماد

البارت 17

#بقايا_رماد

#جميلة_جاسم

بارت طويل لعيونكم تعويض

ربيعه....عيوني علي جليلة كمية الخوف علي انها تتعاود قصتي معاها هيا بشكل غيير طبيعي ....

خشيت وهيا في ايدي كانت عند جدااي ... سكرت الباب وقابلتها ....

اسمعي جليلة كل كلمة وحطيها في ودنك وقت الدلع والطيش انسيه خوك توة تزوج جداك بتلقاك بروحك بتقولك تعالي ....
تعرفي تمشي معاها نقتلك جليلة منعرفش شن ندير فييك لو تسمعي كلمتها وتمشي

جليلة...ربيعه مركزة قداش قلتيها مرة اليوم قريييب عشرين مرة...
اني جليلة بنت ذهيبة رباية ربيعه وسالم...تبي وحدة زي جداي بارقة تضحك عليا...
اقسسسسملك بالله وتراب امي الغاالي وريحتها الي ماشبعت منها نوصلها للبحر ونردها عطشاانه...متخاافيش

ربيعة...منبيكش توصليها للبحر ولا ديري مشااكل نبييك تخطييها جاااانب بس اسمعي الكلمه

جليلة...وانتي الي خطيتيها جانب شن صااار...

ربيعة....اهو متزوجه ومرتااحه وحاامل وبنولي ام شن تبي اكثر...

جليلة ..كملي وقولي في كل مجمع تخليك مقعمزة وتستفزك بمختاار ولا تفتح صفحه عمااد وانتي وجهك يتغيير وتطلعي ....حتي لو متزوجه وساام ربيعه ..ومرتااحه جداي دايرتلك نقطة كحلااا في حيااتك...
ولأنك ماخديتيش بحقك وقفتيها هيا مستمتعه وفي كل مرة تجبدلك السيييرة....لو وقفتيها عند.حدها رااهي واطت راسها في اللكز متاع الشارع وسكتت..
اوراسك انتي ياربوووعه ...
انخليها تندم علي كلمة ذهيبة الدايحه الي يعاودو فيها....بناويت عمي ويضحكو

ربيعه...ياااهمي همممم اني افهمي انتي توة اندفاعية وتبي اديري مشكلة بسييف خليها مقداها شي سيورها تموت وترتاحو...

جليلة....شن الحلول البسيطة هذي تقعدي ايدك علي خدك وتستني فيها امتى تموت....هذي الدنيا تخلى كلها وهيا ماتموت.
انتي ارتاحي بس ومتحرقيش دمك
وكلميلي سااالم توااااااا

ربيعه.... شن تبي فييه

جليلة ..نبيييه نبي نشبحه قبل العرس

ربيعة ....خديت التليفون وكلمت سالم والناس ضجه برا وياكلو ويشربو علي حساابة...
دايرين غدي للجيران وبنمشو لصاله نحضرو عرس سعاد...

خش ساالم سلللم علي الخيمة وعماتي وخالاتي يحضنو فييه ويباركو...اما جليلة...

شفت فيها البنت الصغيرة مدللة سالم بنت 9 سنوات حاضنة ساالم وهو دايرها تحت ايده... والناس تشبحلهم
وعيونهم ماترحمش خفت علييهم....مشيت وقفت جنبه لاني صبح شفته هو وسام لما مشيت للمستشفى ..

ساالم وخيي بالك وقت اعليك

سالم....ماشي اني غير جاي بنشبح بنتي وبنمشي كيف نقعد من غير جليلة...مستحيلة