Days of Counting Camellia (Hiatus)

[17]Ravens have claws '

Eliza က ထိုသို့ ခပ်ပြုံးပြုံးပြောလေသည် ။ သူမ၏စကားမှာ ယဉ်ကျေးပုံရသော်လည်း ခိုင်းစားတာကတော့ အထင်းသား ... ဒါ့အပြင် သူမရဲ့အစေခံ၏ ရိုင်းပြမှုကိုကျတော့ ခပ်ပေါ့ပေါ့လစ်လျှူရှုပေးပါဆိုပဲ ။

Afa သည် နန်းတွင်းတစ်ခု၌ ကြီးပြင်းလာသူဖြစ်ပေမယ့် နန်းတွင်း၏မာယာများပုံ ၊ စကားအလိမ်အကွေ့များကိုတော့ ဘယ်တော့မှ အသားမကျနိုင်ခဲ့ပါ ။ မျက်နှာဖုံးများစွာနှင့် သရုပ်‌ဆောင်တော်သူတို့သည် ပါးနပ်သည်ဟု သမုတ်ခံရတတ်သည် ။ လောကကြီး၌ ထို ' ပါးနပ်သူ ' တို့သည် ချီးမြှောက်ခံရလေသည် ။

Eliza ၏ သကြားဖြူးတဲ့ စကားလုံးတွေကို Lila က ဒေါသထွက်ပြီ ။

Lila : " အော် ဟုတ်ကဲ့ပါ Fame သခင်မလေးရှင့် "

Lila က ဂါဝန်စလေးကိုမကာ အရိုအသေပေး‌သော်လည်း မျက်နှာမှာခပ်ရွဲ့ရွဲ့ ... ။ Lila မှာ Eliza လို စကားလုံးကြွယ်ကြွယ်တွေမရှိ ။ ထို့ကြောင့် ဖြစ်စဉ်ကို တိတ်ဆိတ်စွာကြည့်နေသော Jane အား ကူဖော်ရမလား လက်တို့ရ၏ ။

Lila : " ဒါနဲ့ ကွန်မန်ဒါ Jane လဲရှိနေတော့ မေးရဦးမယ်ရှင့် ... နန်းတွင်းသူတွေက ဘယ်တုန်းက မျိုးရိုးကြီးအိမ်တော်တွေရဲ့ အခိုင်းစေဖြစ်သွားရတာလဲ ? ဒါမှမဟုတ် အဲသလိုအိမ်တော်တွေအောက် သိက္ခာမရှိခယပြရမှာက Xavia နန်းတွင်းရဲ့ စည်းမျဉ်းပဲလား ? "

Lila ၏ အသံမှာ တဖြေးဖြေးမာကျောလို့လာပြီ ။ သူမ၏ နဂို ပေါ့ပါးသောပုံရိပ်လေးပျောက်ကာ သန်မာလှသောပုံစံကြောင့် Afa မှာ အံ့ဩမိ၏ ။ တစ်ပြိုင်နက်တည်းမှာပဲ လေးစားမိသည် ။

ဒီနေရာမှာ Afa သာဆိုရင် ဘယ်သူနဲ့မှ ရန်သူမလုပ်ပဲ အေးအေး‌ဆေးဆေးကူညီပေးလိုက်ပြီပေါ့ ။

Jane : " စည်းမျဉ်းက နန်းတော်ထဲကလူတွေအပေါ်ပဲ ချက်ချင်းသက်ရောက်တယ် ... ။ နန်းတော်အပြင်ဖက်ကလူကို အပြစ်ပေးချင်တယ်ဆိုရင် ရုံးမှာအမှုအရင်ဖွင့်ရမယ် ။ ဒါမှမဟုတ် အရှင့်ရဲ့အမိန့် တိုက်ရိုက်ရရင်တော့ တစ်မျိုးပေါ့ "

Lila ၏ အမေးကို Jane က သေချာပြန်ဖြေပါသည် ။

Lila မှာတော့ Jane ၏အဖြေကိုကြားပြီး ပါးစပ်ဟကာ စကားလုံးတွေ ပျောက်သွားပါတော့သည် ။