عشان احنا صحاب👫

الرابع

سليم:اية !هنطلع نغير هدومنا ولا ناوية تفضلى بالفستان ..ولا خليكى بالفستان شكلك حلو اوى فيه
ليلى (بخجل):انا طالعة يخويا وسع

(طلعو الاوضة وهو اخد هدومه وغير ف اوضة تانية وهى خلصت وراحتلو)
سليم:البچامة دى انا اللى كنت جايبها صح
ليلى:اة لما كانت كبيرة وصممت تشتريها
سليم:اهى بقت على مقاسك دلوقتى
ليلى:حصل .. انا جعانة
سليم:تعالى ننزل تحت..
(ف المطبخ)
ليلى:انت عارف طبعاً انى مش بعرف اعمل حاجة
سليم:حد قالك هتعملى حاجة هما سايبين اكل هنا اهو

(حضرو الاكل اللى كان موجود وقعدو ياكلو سوا)
ليلى:سولى قوم نلعب play station
سليم:ع اساس انك بتعرفى تلعبى
ليلى:بلاش غلاسة ويلا بقى انا بحبوو
(قعدو يلعبو بلاى استيشن سوا وليلى خسرت)
ليلى:انت حيوان على فكرة
سليم:احترمى نفسك يا بت بتشتمى ليه
(ليلى قامت وقفت)
ليلى: عشان انت وقعت اللاعب بتاعى وجبت جون عشان كدة انت حيوان
سليم:طب لمى لسانك بدل ما ازعلك
ليلى:هتعمل اية يعنى!
سليم:تعالى وانا اوريكى
(ليلى طلعت تجرى ع الجنينة وهو جرى وراها لحد م ليلى لقت نفسها قدام البسين وهو جاى عليها)
ليلى:خليك واقف مكانك والنبى
سليم:هتستسلمى!
ليلى(بضحك):لا طبعاً بس ادينى مساحة اجرى
سليم (قرب منها جامد):لءا ..كنتى بتقولى انى حيوان بقى صح
ليلى:لا لا ﻻ
سليم (بيقرب):بقى انا حيوان
ليلى (بتبعد):لا انت رخم بس
(سليم قرب وهى جت تبعد راحت واقعة ف البسين وسليم فضل يضحك)
سليم:احسن يﻻ ربنا على الظااالم
ليلى:مش بقولك رخم
سليم(بتريقه):دة اخرة اللى يلعب مع سولى
ليلى:خلاص سوري بقى سوري طلعني
(سليم مدلها ايده بحسن نية عشان تطلع وهى مسكتها بس راحت شداه معاها مرة واحدة ووقع)
ليلى:ودى اخرة اللى يجي على لولااا
(فضلو وقت طويل يهزرو يضحكو فى البسين ويرشو على بعض ماية وبعد كدة طلعوا فوق)
(قدام الاوضة)
سليم:نشفى نفسك كويس عشان متاخديش برد
ليلى:ماشى
سليم:تصبحى على خير يا لولتى
ليلى:وانت من اهل الخير يقلب لولتك

°°تانى يوم الصبح كريمه وسهير جولهم وخبطو على باب الفيﻻ .. سليم صحى وليلى من كتر التعب وﻻ كأنها هنا ورايحه فى سابع نومى .. سليم جرى على الباب°°
سهير: ايه معقول كل ده مصحيوش!😂
كريمه: عرسان بقا 😂😉

°°سليم سمعهم ف  فتحلهم ودخلو وقعدو وقالهم ان ليلى نايمه وهيصحيها وجرى على اوضه ليلى صحاها°°
سليم: يا ليلى قومى يابنتى ..
ليلى(وهى رايحه فى النوم): يامامي سيبينى شويه بقا امممم(وراحت فى النوم)
سليم: يخربييييت سنينك ... يابت قووومى
ليلى: بااااس بقاااا
سليم: ماااشيييي (جاب ازازه المايه وراح راششها علي وشها)
ليلى(بخضه وصويت): عااااااااااااا هه فيه ايه البيت بيغرق!
(سليم ميت على نفسه من الضحك)
سليم:قومى ياختى عشان مامتك وامى تحت انجزى..
ليلى: اممم طيب

(سليم..خرج ونزلت وراه ليلى)
سهير: اهلا يا لوﻻ ياروحى
ليلى: ازيك يا طنط وحشتونى اوى
كريمه: وحشتينا اكتر يا قلب مامي البيت من غيرك وحش
سليم: بالنسبه انها كانت لسه معاكو امبارح ايه!
سهير: بس ياولد ام العروسه ومن حقها توحشنا اذا كانت وحشتنى انا شخصيا
سليم: وابنك موحشكيش!
سهير: اكيد ياروحى بس لوﻻ اكتر
سليم(بص ل ليلى): معلش نبع الحنان بتهزر

°°قعدو يهزرو وقعدو معاهم كام ساعه وسابوهم ومشيو وكانوا جايبينلهم الشغاله معاهم عشان تطبخلهم كمان .. عدى الوقت وليلى قاعده بتاكل فشار وبتتفرج على ال T.v وعماله تعيط ومتأثره اوى شافها سليم وراح قعد جمبها°°
سليم(وهو بياكل فشار بيتريق عليها): مسم ياعينى .. بتعيطي ياختى ..
ليلى: موتوه يا سليم ! خلاص مات
سليم(بتريقه): اة ياقلب امه
ليلى(بعياط): كانت بتحبه اوى
سليم: طب وهو!
ليلى: كان بيحبها! عااااا
سليم(بطريقة تامر حسنى): عيطى ياختى!
ليلى: انت معندكش دم على فكره
سليم: شكرا يامتربيه هو ده اللى كوكى علمتهولك
ليلى:...
سليم: وبعدين... (بص لقاها نامت من كتر العياط شالها وطلعها اوضتها وجه يمشى..لقاها ماسكه فى التيشرت بتاعه زى الاطفال الصغيره💓 قعد جمبها وفضل سرحان فيها وفاجأه تليفونه رن...)
سليم: الو
بنت: ...
سليم: .... (وجه يقوم..ليلى حست بيه وفاقت هو وقف ناحيه الشباك يتكلم وهى سمعت كل كلمه اتقالت)
(فاجأه ليلى شدت الموبيل منه بغيره وعصبيه)
ليلي: اقفلى يابنت ال*** (وقفلت فى وشها)
سليم: ايه اللى عملتيه ده يخربيتك!

ياترى ايه اللى هيحصل بين ليلى وسليم !؟
وياترى مين اللى كلمها فى التليفون وليلى سمعت ايه؟!

استنونا فى البارت الجى وهتعرفو😉

#عشان_احنا_صحاب👫
فكرة: #النهاية 
كتابة: #هُدى_فَرَج و #Nagham