عشان احنا صحاب👫

الأول

°°فى ڤيلا نادر الشناوى°°
ليلى: عااااااا يا مااااامى الحقى الكيكة اللى عملتها اتحرقت

°°استنو شوية ..
"ليلى نادر الشناوي" عندها 24 سنه بتدرس ف كلية صيدلة ..هى مش طويلة ومش قصيرة شعرها اصفر وعيونها بنى بس هى جميلة جداً وشيك جدآ وكل اللى بيشوفها بيعجب بيها وهى معندهاش اخوات
والدها "نادر الشناوي" صاحب شركات عربيات كبيرة
ووالدتها "كريمة الطيار" صاحبة بيوتى سنتر كبير اوى وكمان هى قريبة من ليلى اوى وقبل ما تكون امها ف هى صاحبتها°°

كريمة (بضحك):انا قولتلك كام مرة بطلى تعمليها عشان كل مرة بتتحرق وتفضلى تصوتيلى كدة
ليلى:بتتحرق ليه هه قوليلى بتتحرق ليه
كريمة:عشان انتى مش متابعاها وقاعدة ترغى فى التليفون وسيباها مع نفسها كنتى بتكلمى مين اصلا
ليلى:دة سليم بيتصل يسألنى لو خلصت عشان يوصلنى وقلتلو يجي .. كان نفسي ادوقو الكيكةةة
كريمة:معلش يا حبيبتى ما هو متعود ان انتى كل مرة تقوليلو هدوقك كيكة من ايدى وتطلع محروقة اية الجديد
ليلى:ماشى يا مامى والله هيجى يوم وهعمل كيكة محدش يعرف يعملها اصلا وهتندمو
كريمة (بضحك):روحى يا حبيبتى شوفى الولد زمانه جه هو مش جايلك من كوكب آخر دة ف الڤيلا اللى جانب اللى جانبنا وقوليلو مامى بتسلم عليك
ليلى:ماشى حاضر .. باااى

°°خرجت ليلى ل سليم وركبت العربية معاه°°
سليم:اتحرقت طبعا😂

°°نتعرف على سليم
.. "سليم محمد الباشا" صديق الطفولة ل ليلى ؛ عنده 26 سنة متخرج من كلية صيدلة وفاتح صيدلية كبيرة مع شغله اللى ف اكبر شركة ادوية ف القاهرة .. هو شاب طويل شعره بنى وعيونه عسلى
والده "محمد الباشا" صاحب شركات استيراد وتصدير قطع غيار سيارات
والدته سهير الجوهرى شريكة كريمة الطيار ف البيوتى سنتر ؛ واخته ندى محمد الباشا عندها 13 سنة ف تانية اعدادى°°

ليلى:والله كان نفسي ادوقك مرة بقى
سليم (بضحك): يﻻ الله يكون فى العون .. معلش
ليلى: ياغلس .. يلا مش مشكلة بقى .. صحيح رامى كلمنى من شوية واتس وقالى ان الشلة كلها موجودة في الجامعة وبيقولولك تعالى اقعد معانا شوية وبلاش تزوغ بحجة الصيدلية
سليم:وحشونى والله ولاد اللاذينة ..اشطاا هاجى معاكى
°°نتعرف بقى بالشلة بتاعة ليلى وسليم
اياد و ريتاج مرتبطين وبيحبو بعض جدا
نسمة مخطوبة لواحد من بره الشلة (ملناش دعو بيه)
رامى بيحب بنت عمتو (ملناش دعو بيها)°°

°°نزلو م العربية ودخلوا الجامعة وهما ماشيين°°
ليلى:بتحب ترخم عليا انت صح
سليم:ليه بس
ليلى:عشان بتحط ايدك على كتفى وانا قولتلك 100 مرة مش بحب الحركة دى
سليم:انا بحبها
ليلى:انا مبحبهاش
سليم:طب انا حر
ليلى:ودة كتفى
سليم:والله انتى اللى بتحبى ترخمى عليا
ليلى:صحيح امى بتسلم عليك
سليم:كوووكى ..وحشانى والله
ليلى:انت اللى مش بتيجى عندنا ياقذر
سليم: مش عايز اشوف وشك يا بومه
ليلى: اخص عليك ياسولى ده انا ال Best friend بتاعتك
سليم: اه لﻻسف قدرى المنيل
ليلي: ميرسي يا ابن طنط سهير
سليم: العفو يا بنت طنط كريمه .. العيال قاعدين هناك اهم
ليلى:اةةة ريتاج قالبة وشها شكل فيه خناقة معاها هى واياد وتافهه زى العادة
سليم:هنشوف دلوقتى