My Confusing Partner (✔︎)

💘Twenty 1

" ကလေးလေး... "

ထိုအခါ နှုတ်ခမ်းထောင့်တစ်ဖက်က‌ညွှန့်ကျသွားကာ ခေါင်းတညိတ်ညိတ်ဖြင့် ခပ်ယေးယေးပြုံးလာတဲ့jiminက သိပ်ချောနေပြန်သည်။

" ကလေးလေးက ဟောဒီ့ထဲကို ဘေဘီလေးတစ်ယောက်လုံးထည့်ပေးနိုင်တယ်ဆိုတာ တော်တော်ဆန်းကြယ်တာပဲ..."

သူမရဲ့ပြားချပ်နေဆဲဗိုက်သားပြင်ကို သူ့လက်ဖဝါးနဲ့ပွတ်သပ်ကာပြောတော့ သူမရဲ့လက်နဲ့သူ့ကျောပြင်ဟာ ချက်ချင်းဆိုသလိုအပ်သွားသည်။

" အ့... ရိုက်တယ်ဟ "

" လုပ်သတ်ပစ်ရမှာ ၊ ဘာတွေလာပြောနေမှန်းမှမသိဘဲ "

" ကိုယ့်မိန်းမလေးက ရှက်နေတာလား"

" ကျွန်မက အရှက်ရှိတော့ရှက်တတ်တယ်။ ရှင်ကသာ အရှက်မရှိတာ။ "

တစ်ခွန်းမကျန် ပက်ကနဲပက်ကနဲပြောပြီး ကုတင်ပေါ်ထိုင်နေရာမှ တင်ကြွကာထမည်ကြံတော့ jiminသူမ့လက်ကောက်ဝတ်သေးသေးလေးကို အားပါပါဆွဲကာ သူ့ရင်ခွင်ကျယ်ထဲပြိုဆင်းစေသည်။

" အရှက်မရှိဘူးလို့အထင်ခံလက်စနဲ့ တစ်ကယ်ချွတ်ပြလိုက်ရမလား "

မဲ့ပြုံး,ပြုံးကာပြောလာတဲ့jiminက ဆွဲကုတ်ပစ်ချင်စရာကောင်းပေမဲ့ အပြောနဲ့အလုပ်ကညီသေးတာမို့ ကြောက်ရတာတော့အမှန်။

" ရှင်.. ဘာလုပ် ! သွား... လူဆိုးကောင် ၊ လွှတ် အခု "

" မလွှတ်ဘူး "

သန္ဓေသားလေးတည်နေတဲ့ သူမရဲ့ဗိုက်ချပ်ချပ်အား ငုတ်ငုတ်နမ်းပြီး jiminလက်တစ်ဖက်ကလည်း သူမ့ခါးနဲ့ဂုတ်ပိုးနားကို မထိတထိစပြန်တော့ ယားကျိကျိခံစားချက်ကို အံမတုနိုင်တဲ့သူမဟာ jiminကိုယ်ပေါ်မှာတင် ထွန့်ထွန့်ကိုလူးလို့။

" Yarr.. park jimin တော်တော့လို့...၊ အူတက်ကုန်မယ် "

အနားမပေးစတမ်း ကလိထိုး‌နေတဲ့jiminကြောင့် ရယ်သံစွတ်နေတဲ့သူမ့စကားတွေဟာ ဗလုံးဗထွေးဖြစ်ကုန်ပြီ။

" ဒါဆို ချစ်တယ်လို့ပြော "

" ချစ်တယ် ချစ်တယ် အများကြီးချစ်တယ် ၊ ဟိ.. လွှတ်ပေးတော့ဆိုနေ "