وهل تستحق🔥《روايات ليبية》

الحلقة24

رواية:وهل تستحق 🔥

للكاتبة: عاشقة الرياح

الحلقة:24

......
#سحر
ماشية والخوف مسيطر على قلبي نلف خايفة حد يشبحني كاني دايره جريمه وقالت لسمر تغظي على اغيابي ركبت على الدرجات وكان الباب مفتوح خاشيت ونحاس اني بندووخ من الخوف وتوتر وقفت في الصالة واسامة مهنش قعدة نضبح عليها حاسيت عليه وراي فزيت مخلووعه وحاطيت يدي على قلبي،،،

اسامة اضحك.خلعتك؟

سحر تتنفس بسررعة.اااي😨

اسامة.كانت في المطبخ داير قهوة تفضلي

سحر خدات اطاسه وقالت.شن تبي تقولي

اسامة قعمز وسحر قدامه.مستعجل بكل مظايقه من وجودي؟

سحر طبست رأسها وقالت.مظايقه من كلمك💔

اسامة شد يدها وحاس برعشها وقال.اسف سحر هذاك اليوم كانت الأمور كلها خاشه في بعضها والبكه جات فيك سامحيني،،

سحر رافعت راسها وابتسمت ابتسمه خفيفة وقالت.قول شن تبي تقول تو امي ادورني ماتلقاني،،

اسامة تنهد.سحر بنقولك كلمة ولازم تفاهمي اكويس انا انحبك يابنت الناس وناويك حلالي لكن انحاكم عليا بمووت

سحر انصدمت وقالت بخووف.كيييف شن دآير من يبي يقتلك 💔

اسامة.علشان رافضت نخون أبلادي وعلشان رافضت نكون ظلم رافضت نقتل وننهب صار معايا هكي وتوة انتي قراري نتزوجك وتكوني حلالي وله تبعدي سحر انا ماني ضمن انعايش لغدوة ماني ضمن انهم يخلوني بس نوعدك كانك وافقتي نحاول نحميك ونحمي روحي من مكرهم وغدرهم،،

سحر وقفت بخطوة مهزوز وتبكي وتشهق طاحت في حظنه وتبكي وهو شد عليها وااجد ❤️

سحر.م مستحيل نخليك مستحيل نتخله عنك اا اسامة نحبك وربي 😭💔

اسامة ابتسم وتنهد براحه وقال.وانا نحبك سحر وان شاء الله مانظلمك معايا،،

.....
#رحمه
انا في حضنه وادموعي على خدي حاسه بقهرا والواجع في قلبي علشان كان ينادي فيا باسمها ويقول جميلة نحبك تمنيت نحصل حت جزء بسيطه في قلبه بس هذا نصيبي من لمه انخلقت على دينا مكتوب عليا التعب والمعانة انكتب عليا نعايش حياتي بشكل الامئسوي هذا بس الحمدلله حضنت صدام بقووة وراقدة هاااربه من الواقع ومن ردت فعل صدام لمه يلقاني أنا مش جميلة 💔

.....
❤️ عاشقة❤️ الرياح❤️
❤️ فاطمة❤️الزهراء❤️
......
معز خاش للمطبخ وكانت هديل فيه،،

معز.هلا وغلا تبني نساعدك في شئ

هديل ضحكت عليه.لا جاية بنشرب بس

معز نط قعمز علرخمه.تعرفي اديري قهوة وله بايرة ماتعرفي حاجة

هديل.انااا قهوتي كان اضوقها طعمتها تقعد في فمك أسنين 😎